TSAITONG-KAXTONG 15:7 - OTSAO BAIBEL (BSI)

⁷ “Jowanpa hünzom Zang-e hünzom ang koxkya tingnubu tütapu ma hünzom Israel khünak owawa tütali ma tui-nole jangtüiba, ija khünak to fong angkya saxkün taxtüi.

TSAITONG-KAXTONG 15:7 ပူးပေါင်းရင်းမြစ်များ

TSAITONG-KAXTONG 15:9

Hünzome thashe münlaxngole dantox angkya hanpak nguile hüikya ngünlaxle, chix ang tütali kox angkya to taxakhüix. Iningkya haxshix tutex hünzom khangka ma wang ang taxtom. Ija thashe kox ang nang mong chitsule jangchang, chixe nang to mongma kopüi. Ija mongma a Jowanpa hato nguiüi ilaxle nang a thaikya mix ang laxüi.

WANWÜNKAX 21:13

Nange chitüi-chinang khünak sopkya to na münthapu le angamle jangchang, süfonghüihule nang sopkyachu münatatüi.

MATHI 18:30

Ikoxle chixe ija mixsün kax chiapa; ikoxle chix ang thashe achatle mafa-mafale kun to shole thom ang kox.

MATHI 5:42

Owawae nang ma lita jangju, chix ang laxkox; ilaxle owawae tam twon angle ju pongma ija kox ang nang taxakhex.

LAIPAO 22:25

“Hünzome ku khünak owawa chitüi-chinang mix ang thashe ma ngun koxle jangchang, otuechu ngun-thalex mixbu ningle taxchang üntoxle hwom ma olüi taxlom.

LIWI 25:35

Nang homzui ma ngokya Israel khünak tüita-naopa ma cha ma ajong ang thüikoxle zongmo chiapongle tuimix-nuakmix ang achangle pao; ija to hingchak koxle thomkya mix to chemle humele changpuix ilailaile nange humele kox angkya changpu ikoxle tix chix a nang homzui ma ngo ang thoüi.

TSAITONG-KAXTONG 15:11

Israel nok ma tüimix nuakmix tüile ngo angkya changle ibu to chingchajajale tüi angkya kue hünzom ang kaxtom fapu.

TSAITONG-KAXTONG 24:14

“Chitüi-chinang khünak hom ma mwot mok ang thomlaxle dyen-nganle taxchang; chix a tuita Israel khünak tomtom wüi changlax chichangba hünzom tingnu ma ngole tüikya mixnok wüi changlax.

NEHEMIA 5:1

Alüile chingo homtoxle, sheko hia lükya pangwüie mama Jehudi khünakbu to kaxthup-ngaotünle chang ang süt.

WANWÜNKAX 19:17

Chemtue nange chitüi-chinangkya khünak ang kox-zunle changpuix, ija a Jowanpa ang koxle thomkya ningle changpu; Jowanpae ija nang ang achatle fa-angkya changpu.

ISAIA 58:10

hünzome woknuak mix ang süt koxle tamchu tütali lomkya mix ang ija kox-zunle jangchangba, hünzom akhople tüikya zangnaknu a tungto-süja ang achangle ngaiüi.

ESTAR 9:19

Ija khoma tingsa noksa to ngokya Judah khünakbue Adar lyetnu nyixbün ali nyixkha a mongmüi-pwonla atungkya nyix tuita ang laxle, tata füi hingho chaktwon ma alüixle fongkhale nui.

ESTAR 9:22

Hanpak ibibi a Judah khünakbu ma zanpabu chak tokya azangkya nyixbu changle; ija lyetkua a künmax-mongshanle ngokya mongmüi-pwonla füi alüixle laxkya lyet changle. Ija nyix fongkhale sax üntoxle tata füi fong ma alüixle tamchu mixshix-zasabu ang hingho tuita ningle osüt-oling koxle chang angkya hwom füi akax.