TSAITONG-KAXTONG 15:11 - OTSAO BAIBEL (BSI)

¹¹ Israel nok ma tüimix nuakmix tüile ngo angkya changle ibu to chingchajajale tüi angkya kue hünzom ang kaxtom fapu.

TSAITONG-KAXTONG 15:11 ပူးပေါင်းရင်းမြစ်များ

MARK 14:7

Chitüi chinang zasabu hünzom füi othuithuima ngo angkya changle, ilaxle hünzome otue fongse tsuüi hex, tütatuechu hünzome hwom to fong ang tsuak. Ikoxle ku a hünzom füi othuithuima ngoüi chichang.

MATHI 26:11

Chitüi chinangkyabu hünzom füi othuithuima ngo angkya changle, ikoxle ku a hünzom füi othuithuima ngo angkya chichang.

JUHAN 12:8

Zasabu a hünzom füi jento ngoüi; ikoxle ku a hünzom füi jento ngo angkya chichang.”

TSAITONG-KAXTONG 15:8

Itülüi, künsha-mongdakya füi chixe chemtukux laxse tsupuix laxkox.

WANWÜNKAX 22:2

Ija a tüipa-nangpa hia chitüi-chinangkya nyi tomkux changpu: hokhi pangnyi wüi Jowanpae zingkya changpu.

KAXHO MÜIKYA LUK 12:33

Hünzome ma ma atüitüi abakle hang laxle ngun ma zasabu ang laxkox. Hünzom hanpakma chibui angkya nyitsong lomlax, ilaxle chiashuk angkya, ahuxle chipao angkya üntoxle syake chisi angkya Zangkangting to oshuk chitüikya hünzom tuina athünlax.

WANGSHEMBU MWOT 2:45

Hwome ma tuina hia ma ma atüitüi hang ilaxle ngun nok ang wüi mathüt mapanpan le ahanle kox.

MATHI 5:42

Owawae nang ma lita jangju, chix ang laxkox; ilaxle owawae tam twon angle ju pongma ija kox ang nang taxakhex.

TSAITONG-KAXTONG 15:7

“Jowanpa hünzom Zang-e hünzom ang koxkya tingnubu tütapu ma hünzom Israel khünak owawa tütali ma tui-nole jangtüiba, ija khünak to fong angkya saxkün taxtüi.

WANWÜNKAX 31:20

Mixshix hia zasabu zongto she chaktom dale tüile.

EZEKEL 18:7

Chixe owachu mündyen chichangba owa angkyachu pa-lole münlax. Chix angkya omua ma laxkyabue olüi koxle changkyabu chixe achatle koxle; woknuak ma ngokyabu ang chixe süt kox ilaxle tomhua ma ngokyabu ang chixe nyi-za awunle kox.

LAIPAO 23:11

Ikoxle zanglao anüt lükya to ija nazak ang laxkox, ilaxle ija ma nyemkya chemchu taxlax. Zasabue ikha angkya laxtsuaküi ilaxle hwome atale toxkya faomüie saxüi. Grep haxtok hia olip küisa tong tochu ile wüi changlax.

WANWÜNKAX 19:17

Chemtue nange chitüi-chinangkya khünak ang kox-zunle changpuix, ija a Jowanpa ang koxle thomkya ningle changpu; Jowanpae ija nang ang achatle fa-angkya changpu.