TSAITONG-KAXTONG 15:10 - OTSAO BAIBEL (BSI)

¹⁰ Sax-akünkya chemchu chitüile chix ang mongtex ma nguile laxkox, ikoxle nang amokmok pangwüi to Jowanpae mohimanüi.

TSAITONG-KAXTONG 15:10 ပူးပေါင်းရင်းမြစ်များ

WANWÜNKAX 22:9

Chingcha-chakzun tüikox ilaxle nang süt chitüi-chinang füi tom-hanle changkox. Ija khoma nang to mohimankya tüiüi.

IBRI 13:16

Müikya mwot mok ang tamchu tata to fongtsox angkya taxalak, chemthüikoxle ibu a Zang mongmüi ang tomkya töbu changle.

ISAIA 58:10

hünzome woknuak mix ang süt koxle tamchu tütali lomkya mix ang ija kox-zunle jangchangba, hünzom akhople tüikya zangnaknu a tungto-süja ang achangle ngaiüi.

TSAITONG-KAXTONG 14:29

Ija süt a Liwi hwom hanpak ang changüi, büthüikoxle hwom ang ma tingtok hexle chemchu müntüi ilaxle püntüi, zasa-khaxsa tamchu thanu hia zomnu chabu, opang hünzom tingnu ma ngole tüipuix, hwom hanpak angchu changpu. Hwom nguilaxle mae laxsese kop angkya changle. Hünzome ile moklax, ikoxle Jowanpa hünzom Zang-e hünzome amokmok pangwüi mohimanle changüi.

TSAITONG-KAXTONG 24:19

“Chemtue hünzome tsaxtule changpuix ipongma tsaxwüt asüi ang taxka ngo; ibu a püntüi, khaxsa-zasa hia zomnubu hanpak ang naxbang kox. Ile changkya khoma Jowanpa hünzom Zang-e hünzome amokmok pangwüi to mohimankya tüiüi.

ISAIA 32:8

Ikoxlechu achuak-koxle sule tüikya khünake mwot sule mokle ilaxle chem supuix ija bama shingmongle ajongle.

WANGSHEMBU MWOT 20:35

‘Kopkya mix füi koxkya mix mongmüi wüi achongkya’ le Jowanpa Jisu-e akaxkya kax mong ma koplaxle, kue mokkya ningle azongle mwot moklaxle keme chitsuak chiman mix to fong angkya changle le pangnu li-lom ma kue hünzom hama apuadaoa.”

TSAITONG-KAXTONG 15:4

“Chixe hünzom ang koxle ngokya haxtok ma Jowanpa hünzom Zang-e hünzom to mohimanüi. Hünzom khünak tuita ngaxchu chitüi-chinangle chingoüi,

1 PITAR 4:11

Hwon-nwot mixbue Zang Kaxho anwot-ano kox; thothakyabu ma ang Zange fakya zong füi thakox, ikoxletix pangnuli to Jisu Khrista makhange Zang achuak achenkya naxtüi, chemthüikoxle fuazang hia tsakzong jento chix kux changle. Amen.

ROM NOK HATO ZAKYA POL LAIZA 12:8

Mix ang zong adün angkya jangchangchu, keme ile mok angkya wüi changle; ma tuina mix füi ahan achüikya mixchu okhex-oküi chitüi le mok angkya changle; owa ma apün-awang angkya zong tüilaxpuix, mwot azongle mok angkya changle; owae mix to chingcha aho laxüihex, chixe ija mongmüi pwonla le mok angkya changle.

MATHI 25:40

Wanghome chatle lanüi: ‘Otsingtsingma kue hünzom ang thüipu: ku tüinao hixkyabu to hünzome humekya a ku to humekya changpu!’

TSAITONG-KAXTONG 14:19

“Ozang füikya kuksa-waisabu a chitsaokya zünmokbu changle, ibu a taxsax.

TSAITONG-KAXTONG 23:20

Hünzome püntüibu ang thashe ma koxle changpongma olüi lax ang tsuak, ikoxlechu Israel nok tomtom ang koxkya ma ile taxchang. Ija wanlom twonlax, ikoxle Jowanpa hünzom Zang-e hünzom ang koxle ngokya haxtok ma hünzome amokmok pangwüi to mohimankya tüiüi.

TSAITONG-KAXTONG 28:8

“Jowanpa hünzom Zang-e hünzom mwot to mohimanüi ilaxle hünzom pung ma saxziake awangle changüi. Chixe hünzom to, chixe hünzom ang koxle ngokya haxtok to mohimanüi.

HWON-NWOT-JAONO 11:1

Mixnok füi thalex ang nang ngun-syen danlax, jangchangba nyix-nyix-ta nang ang olüi tüiüi.

TSAITONG-KAXTONG 15:18

Dahai tuita danle apao pongma nang mongto taxkak, chemthüikoxle zanglao azok hanpakma nange owawa khünak hingchak koxle da ang thomkoxba, chix ang koxle apaose kha angkya okao zaza bakle ija khünake nang thothale hüidaoa. Idaile, nange amokmok to Jowanpae mohimankya naxtüifa, nange ile mokkox.