TSAITONG-KAXTONG 14:22 - OTSAO BAIBEL (BSI)

²² “Bünfong süile danlax: ija a zanglao to hünzom haxtok ma puamün wünkya pangwüi kha angkya changüi.

TSAITONG-KAXTONG 14:22 ပူးပေါင်းရင်းမြစ်များ

NEHEMIA 10:37

Kwome zangpua foto puamün tsaxkho shiklaxle zingkya ankhao chuwüi nguapabu hato Zangshwom-Hom to apüile koxüi ilailaile grepti-ju, olip münga hia pünziak pangnuli puamün tö tuita ningle apüile koxüi. Kwom haxtok manzai angkya bünfong saile laxngokya Liwi hwom hato kwome, kwom haxtok ma laikya manzai puamün kha angkya bünfong apüile koxüi.

TSAITONG-KAXTONG 12:17

Hünzome Jowanpa ang koxkya oli chemchu hünzom ngwotnui to sax angkya oli münchang; hünzome tö ang koxkya saxziak, grepti-ju, olip-münga ilaxle pongwang ma puxkya osu-maihu hia chun hosabu chemchu ilaxle hünzome Jowanpa ang tsaosaxlaxle koxkya hingho, hünzome ma küntsu-monglua to koxkya tö ilaxle mama tö chemchu ma hom ma sax ang müntho.

TSAITONG-KAXTONG 12:6

Ikhama hünzom zokle ashunkya hünzom töbu tamchu mama töbu chuwüi koxüi, ibu a hünzom bünfong hia hünzom töbu, chempang hingho hünzom Jowanpa ang koxüile tsaolaxpuix, küntsu-monglua to koxkya töbu tamchu hünzom osu-maihu hia chunbu khama owangpa ma puxkyabu, ibibi.

HUAKE LAIPEX 18:21

Jowanpae Arun ang thüi: “Israel khünaknue ku ang koxkya pangnuli kha angkya kue bün ma thom tuita Liwi hwom ang koxpu. Ija a hwome ku Nyihom ma thothale changkya bama hingchak mün tuita ningle changpu.

PONGWANG LAIPEX 28:22

Athax kue münwan ang oja long ajongle toxpuix, ikha a nang to shwom-to le chang angkya nui-ting ang changüi, ilaxle nange ku ang koxkya kha angkya kue bün ma othom tuita nang ang koxüi.”

HUAKE LAIPEX 15:20

Chemtue hünzome an ashik-ahanle changpuix, puatak sax makhange zingkya pongwang angkya an a tuita ataxkya tö ningle Jowanpa ang koxüi.

MALAKI 3:10

Zangshwom-Hom to hünzome bünfong anguile apüihüi, ikoxtix ikhama süt okhonguile tüingoüi. Kue zangkangting fülom daplaxle müikya oli pangwüi okhonguile hünzom ang thokle chikox hia koxkox, ku to thwontsingle anohu.

PONGWANG LAIPEX 47:24

Athax puamünle changkya zuma hünzome aga kha angkya othom tuita wanghom ang kox angkya changle. Othom ali a hünzome ma hanpak ang, tsaxli ang lax tamchu saxchusax le changüi.”

PONGWANG LAIPEX 47:26

Idaile Ijip haxtok ma manzai ma kopkya othom aga kha angkya othom tuita a wanghom tsyen ang chang angkya le Jusep-e tuita wanlom zing. Ija wanlom anyix kople otya ma wüi tüile. Zompu-zangpabu haxtok tata wanghom haxtok ang chichang.

HUAKE LAIPEX 18:31

Hünzome tamchu hünzom kakobue ota toxkyabu a tütakhatochu sax ang tsuak, chemthüikoxle ija a hünzome Nyihom ma mwot mokle changkya bama hingchak mün kopkya thatha changpu.

NEHEMIA 10:38

Ibu bünfong afoxle changpongma Arun makhange hüikya nguapabu chu Liwi hwom füi tomle tüi angkya wüi changpu, ilaxle Zangshwom-Hom ma lax angkya hanpak ang Liwi hwome bünfong akopkop pangwüi kha angkya bünfong Zangshwom-Hom pung ma athüt angkya changpu.