TSAITONG-KAXTONG 14:21 - OTSAO BAIBEL (BSI)

²¹ “Hwom zikzik to zikya müi chemchu taxsax. Hünzom füi tomle ngokya püntüibu ang ibu sax ang koxtsuak, chichangba ija owawa mama mixnok ang hangle koxtsuak. Ikoxle hünzom a Jowanpa hünzom Zang kux changle; hünzom a otsao khünakbu changle. “Honu tsomsiple ngokya chun hosa chichangba zwonsa taxhuak.

TSAITONG-KAXTONG 14:21 ပူးပေါင်းရင်းမြစ်များ

LAIPAO 23:19

“Zangfole hünzome pongwang ma zütkya tsaxziak, Jowanpa, hünzom Zang, ku hom to apüiüi. Hünzome chun hia zwon hosabu müi honu tsomti khato taxsong.

LAIPAO 34:26

“Zangpua foto nang manzai kha angkya puamün Jowanpa homkha to wünkya tüikox. “Otsom sip madankya chun hosa hia zwonsa taxhuak.”

TSAITONG-KAXTONG 14:2

Hünzom a Jowanpa hünzom Zang kux changpu; hünzome chixe chaxwannu angkya khünak khama chix khünak ang kamle kopdaoa.

LIWI 22:8

Chixe müimang, owüi zikya wüi changlax, fao zan-e langkya wüi changlax, chisax angkya oli; ijae chix chitsaokya ang achangüi. Ku a Jowanpa changle.

LIWI 17:15

Khünak tuita, Israel nok wüi changlax chichangba mixnok wüi changlax, owawae ngat-to zikya chichangba ochax-ozan to maxkya müimang saxle jangchang, chixe ma nyi-za solaxle ti-ajoüi üntoxle hansong alople chitsaokya ang ngoüi.

EZEKEL 4:14

Ikoxle kue lan: “Jowanpa Khüthak Zang, ile münchang! Kue ku otuechu tsaolyenle chang ang matom. Naosom tanto khange wüi kue otuechu owüi zikya müimang hia faomüie langle changkya müimang masax. Zanglom ma otsao münchangle atsaokya sütli chemchu masax.”

1 PITAR 1:16

Otsao Lai-e thüile: “Nang otsao ma ngolax chemthüikoxle ku a otsao changle.”

ROM NOK HATO ZAKYA POL LAIZA 12:2

Kotok to ngünkya chaxwannu zanglom ningle taxngo, ikoxle nang khangka tutex pangnu alüixle Zang ang nang kün-mong lüi ang laxkox. Ifüima müikya chemhex, chix zongma chem müipuix, ilaxle okhonguikya chem hex: Ija Zang mongtex nange awan ang thoüi.

WANGSHEMBU MWOT 15:20

Itülüi, chapabu ang tö koxkya chitsaokya süt taxsax; chinunchakkaikya füi atsaile ngolax; aji chiajen homle langkya müi hia aji chemchu taxsaxle apuale hwom hato lai wüi zahax.

DANEL 12:7

Ija kaxtaimixe pangnyi chak zangkho chito ajong ilaxle oshuk chitüikya Zang mün ma tsaosaxle akaxkya kue atat. Chixe thüi: “Ija a zanglao azom lyet azok changüi. Chemtue Zang khünaknu to zothupkya ashukle changüihex, ibu pangnusa ile achangle hüidaoüi.”

DANEL 8:24

Chixe tüle tsak-zongle apünüi: ikoxle chix tsak-zong makhange le münchang. Chixe chongkya thama adünüi ilaxle chix mwot pangnu ma chixe tsuakle changüi. Chixe tsak-zong tüikya khünakbu hia Zang khünakbu hato chongkya thama apüiüi.

LAIPAO 19:6

ku hanpakma atsaole thomkya khünaknu ang changüi. Zompu-zangpabu ningle hünzome ku thothale changüi.”

LIWI 11:40

Ilaxle hünzom owawae ija müi tüta-jongkha saxle jangchang, nange nang nyi-za sole changüi ikoxlechu nang a hanhomma thule chitsaokya ang ngoüi. Ija müimang azyale changdaokyabue ma nyizabu so angkya changle, ikoxlechu nang a hanhomma thule chitsaokya ang ngoüi.

TSAITONG-KAXTONG 7:6

Hünzom a Jowanpa, hünzom Zang kux changpu, idaile hünzome ile mokkox. Chaxwannu khünak nüjen kha angkya hünzom a Jowanpae chix khünaknu ang zünle kopkya jat-li changle.

TSAITONG-KAXTONG 14:20

Tsaothakya zünmok pangwüi hünzome sax ang tsuak.

EZEKEL 44:31

Nguapabue o-jux hia faomüibu hwom zikzik to zikya hia mama hozui müie langkya chemchu chisaxüi.”

LAIPAO 22:30

“Hünzome maihu hia chun khama owangma puxkyabu ku ang koxhüi. Owang ma puxkya tüichongsa honu füi nyix anüt ngo ang tomkox, ilaxle nyix achyet lükya to ija ku ang tö koxhüi.