TSAITONG-KAXTONG 14:2 - OTSAO BAIBEL (BSI)

² Hünzom a Jowanpa hünzom Zang kux changpu; hünzome chixe chaxwannu angkya khünak khama chix khünak ang kamle kopdaoa.

TSAITONG-KAXTONG 14:2 ပူးပေါင်းရင်းမြစ်များ

TSAITONG-KAXTONG 7:6

Hünzom a Jowanpa, hünzom Zang kux changpu, idaile hünzome ile mokkox. Chaxwannu khünak nüjen kha angkya hünzom a Jowanpae chix khünaknu ang zünle kopkya jat-li changle.

LIWI 20:26

Hünzom a otsao tamchu ku kux ang changüi, chemthüikoxle ku a Jowanpa tamchu ku a Otsao. Hünzom a ku tata kuxle naxngo lax ang kue mixjat-mixli pangnu füi süile thompu.

1 PITAR 2:9

Ikoxlechu zangnaknu khatokya khompua atsikkya zangngai hato Zang ohünotün mwotbu apuk-apua angkya hanpakma kamle kopkya jat-li, chongwang nguapabu, otsao ting-nok, Zang zongto ma khünaknu a hünzom changle.

LIWI 19:2

Israel khünaknu hama wün angkya kax koxle thüi: “Otsao ma ngolax, büthüikoxle ku, Jowanpa hünzom Zang a otsao changle.

TITA 2:14

Müikya mwot mok ang tsuakkyabu kem opang chix kux ang ngopuix, ibu chisumüikya pangnu olom tokya azün laxle tsaotha le achang ang, chixe ma alüile kem hanpakma kox.

TSAITONG-KAXTONG 28:9

“Hünzome Jowanpa, hünzom Zang kax ma laxle jangtüiba tamchu chix kaxtom pangwüi mokle jangchangba, chixe tsaodaokya ningle, chixe hünzom a chix khünaknu ang zingüi.

LIWI 11:45

Ku hünzom Zang ang achang ang, Ijip haxtok tokya hünzom zunle apüikya Jowanpa a ku changpu. Ku a otsao idaile hünzom chuwüi otsao ma ngo angkya oli changpu.

ISAIA 62:12

Hünzom ang a “Zang Otsao Khünakbu”, “Jowanpae Sünle kopkya Khünakbu”, le a. Jerusalem ang a “Zang-e Mongkünkya Tingnu”, “Zang-e awütle Chitoxkya Tingnu”, le nyaküi.

DANEL 8:24

Chixe tüle tsak-zongle apünüi: ikoxle chix tsak-zong makhange le münchang. Chixe chongkya thama adünüi ilaxle chix mwot pangnu ma chixe tsuakle changüi. Chixe tsak-zong tüikya khünakbu hia Zang khünakbu hato chongkya thama apüiüi.

TSAITONG-KAXTONG 14:21

“Hwom zikzik to zikya müi chemchu taxsax. Hünzom füi tomle ngokya püntüibu ang ibu sax ang koxtsuak, chichangba ija owawa mama mixnok ang hangle koxtsuak. Ikoxle hünzom a Jowanpa hünzom Zang kux changle; hünzom a otsao khünakbu changle. “Honu tsomsiple ngokya chun hosa chichangba zwonsa taxhuak.

DANEL 12:7

Ija kaxtaimixe pangnyi chak zangkho chito ajong ilaxle oshuk chitüikya Zang mün ma tsaosaxle akaxkya kue atat. Chixe thüi: “Ija a zanglao azom lyet azok changüi. Chemtue Zang khünaknu to zothupkya ashukle changüihex, ibu pangnusa ile achangle hüidaoüi.”

EZEKEL 21:2

Chixe thüi: “Ziün angkya khünak, Jerusalem dantox dao. Khünaknue shwom-tole ngokya kha dantox dao. Israel haxtok ang

ISAIA 6:13

Bün kha angkya khünak tuita ngaxchu ngole jangchang, chix ngaxchu max ang tomüi; chix a zakpünnu tongtho ningle achangüi.” (Püntongtho a Zang khünakbu chatle owang wangkya münwan)

ROM NOK HATO ZAKYA POL LAIZA 12:1

Idaile, kutüi-kunaohom, Zang chingcha chongkya khoma, kue hünzom zongsaipu: Chix mwottho ma atsaole hia chix mongzom müikya lima, ma alüile ozün ma tö laxkox. Nange fase lükya otsingtsing zangshwom a ija changle.

TSAITONG-KAXTONG 4:20

Ikoxle hünzom a Ijip nok to lekya okham-wün chak tokya chix azünkya changle. Anyixkya lailaile chix khünaknu ang lax ang chixe ikhatokya alaipu.

TSAITONG-KAXTONG 33:3

Jowanpae chix khünaknu to mongkün ilaxle chix kux ang ngokyabu kho-awa. Ikhoma kwom chix chitong ma akhux ilaxle chix kaxtombu kax ma lax.

IZRA 9:2

Jehudi lükabue mixnokchabu kako ang laxle apüi, ikhoma Zang otsao khünakbu chitsaokya ang achang. Ija ma akhole thaikyabu a lompabu tamchu nguakax-wangkhobu changkya.

ISAIA 41:9

Kue hünzom haxtua-zangnam tokya apüipu; kue hünzom ochu tokya nyakle apüipu ilaxle hünzom ang thüipu, ‘Hünzom a ku dapabu changle.’ Kue hünzom chilaxle chiawüt, ikoxle zünle mix koppu.

JEREMIA 2:3

Israel, nang a ku tata kux changle; nang a ku otsao tüi jaojao changhupu. Kue sikngün zothup ahüipu nang to chakmok janlangle changkyabu pangnu hato. Jowanpa, kue akaxdaoa.”

LIWI 20:24

Ikoxle kue ija tüle ahak-aluale tamchu haxzaoe awangle tüikya haxtok hünzom hanpak hex-ole tsaodaoa, ilaxle kue ija hünzom ang koxüijao changle, kue hünzom mama-mama jat-li füi atsaile süile kopdaoa.

TSAITONG-KAXTONG 7:7

“Jowanpae hünzom a mix to nüile pu-tsale tüikya khoma zünle kopkya münchang; chaxwannu ma sühixkya jat-li a hünzom changle.