TSAITONG-KAXTONG 14:1 - OTSAO BAIBEL (BSI)

¹ “Hünzom a Jowanpa hünzom Zang khünaknu changpu. Idaile chemtue hünzom owawa zi-maxkya bama sop-jua pongma, ma to alüile zütle chichangüi chichangba khüjan ongle chiawütüi; ija ningkya a mixnokbue mokwüi.

TSAITONG-KAXTONG 14:1 ပူးပေါင်းရင်းမြစ်များ

GALATIA 3:26

Khrista füikya notom ma hünzom Zang susabu ang achangkya a mongong makhange changle.

ROM NOK HATO ZAKYA POL LAIZA 9:8

Thüikoxle naosombu khünak poma puxkyabua Zangsu Zangsabu münchang; itülüi, Zang kaxtsao makhange puxpaikya naosombu tix otsingtsing sixli le eüi.

LIWI 21:5

“Nguapa owaechu ma mong makya aho ang khang ongle chichangüi chichangba janman toxle tsangtsa to chizütüi.

ROM NOK HATO ZAKYA POL LAIZA 9:26

‘Hünzom a ku khünaknu münchang’ le kue hwom füi akaxkya kax khama wüi; kue hwom ang Khüzün Zang susabu le nyaküi.”

IBRI 2:10

Chix fuazang süntswon ma hak angkya chixsu chixsabu huanuma apüi angkya kuxmale, sikngün akaile lekya makhange Jisu a nguiwangkya ang achang angkya a, jamok zik üntoxle ibu sünle thomkya, Zang hanpakma, ile mok angkya tix sukya ang achang. Chemthüikoxle khosün hato hwom zunle apüi angkya a Jisu tix wüi changle.

ROM NOK HATO ZAKYA POL LAIZA 8:16

Kem Zangsu Zangsabu le aho ang kem chasa füi Zang Chasa, chix jao athutle.

JUHAN 1:12

Bachutix züizüie chix pongle koplaxle chix to ong; ija khoma chixe hwom ang Zangsu Zangsabu ang achang angkya tsakzong kox.

HOSIA 1:10

Israel khünaknu a tinu angkya fix büta tsaüi; ibu a e ang tamchu thüt ang chithole changüi. Athax Zang-e hwom füi akax: “Hünzom a ku khünakbu münchang”, Ikoxlechu chixe hwom füi: “Hünzom a ozün ma tüikya Zang su-sabu changpu!”, le akax angkya hanpak hüile ngole.

JEREMIA 41:5

Shekem, Shiloh hia Samaria tokya khünak mixhuak puli ngui. Hwom a, mongmakya aho ang tunmunbu komkaile ongle, hwom nyizabu akyet, ilaxle ma tsangtsa to alüile mak-kha laxle tüikya. Hwom a Zangshwom-Hom ma tö kox angkya hanpakma saxziak hia ongan müikya sobu koplaxle tüikya.

JEREMIA 16:6

Hakpa-luapa hia tüimix-nuak mix pangwüi ija haxtok ma ziüi, ikoxle owachu hwom man münsop ilaxle owae hwom münakhün. Hünzom kha angkya owaechu ma thün münakhiküi chichangba mongma ahole kho-ongle münchangüi.

1 JUHAN 3:10

Zangsu Zangsabu hia baosu baosabu malili changle le tsaotha le ahokya a ija changle: Owae sukya mwot chimok tamchu ma tüi-hi-nao to mongkünle chitüi laxpuix chix a Zang susa münchang.

2 KORIN 6:18

Ku a hünzom Hopa changüi; hünzom a kusu kusahom changpu, le Khüthak Zange akax.”

JUHAN 11:52

Tamchu hwom tata bama le chichangle, chiakle tüikya Zangsu Zangsabu afox-azoxle tuita ang achang angkya kuxmale, Zange chix ile fyetle angao.

JEREMIA 3:19

Jowanpae thüi: “Israel, kue nang kusa ang pongle kopse tsupu ilaxle nang a mongtex ma nguikya haxtok koxse tsupu, chaxwan tok ma osün sümüikya haxtok a. Hünzome ku ang apale namnyakbae texpu ilaxle ku hato tamchatle tok chiahole changbae le thütpu.

PONGWANG LAIPEX 6:4

Ipongma, ilaxle ifüima su-sa wüi, zangkho tokya Zangsu-zangsabu hia shekobu makhange pux-paile changkya tomchong-hualo khünakbu tüikya. Kaipongma hwom a mixtsak-naomüibu tamchu zangle wünkya khünakbu changkya.

PONGWANG LAIPEX 6:2

züizüi zangkho tokyabue ibu shekobu tüle osün müile ngün, ikhoma hwome mamong atsutsu tuipong tswonle lax.

1 JUHAN 5:2

Zangsu Zangsabu to mongkün tüikya keme awan angkya a ija: Ija a Zang to mongkünkya tokhange tamchu chix kaxtombu kax ma laxle tüikya makhangetix.

1 THESALONIKA 4:13

Ku tüinaohom, monghom chitüikyabu ningle hünzom angchu mongtsik mongmakya chitüi angkya kuxma, ziünkyabu bama otsingtsing hünzome awan koxle müisele kwome texpu.

JEREMIA 47:5

Gaza angkya khünaknu hato huanu mongma hüidaoa, ilaxle Ashkelon angkya khünaknu a dang daoa. Mama Filistia nokbue chemtukux mang sople ngoüi?

ROM NOK HATO ZAKYA POL LAIZA 9:4

Hwom a Zange zünle kopkya khünaknu changle; chixe hwom chixsu chixsabu ang achang ilaxle chix fuazangkya hwom füi tom-han, chixe hwom füi tsaosax ilaxle wanlom kox; changle, chix shwom angkya olom Zange hwom hama aho; hwome Zang kaxtsaobu kop;

TSAITONG-KAXTONG 13:18

Anyix kue hünzom ang fakya kaxtombu kax ma laxle jangtüi thüiningle, chixe ibu pangwüi ile chang ang tomüi.

1 WANGHOMBU 18:28

Ikhoma ibu ajebue sisile akhongle jop ilaxle bit hia changbu füi, hwom zanglom ma tüikya ningle ma to alüile aji laile machang machangle züt.

TSAITONG-KAXTONG 32:6

Hünzome Jowanpa to ile hwon angkya olom changcha, hünzom ongat, tutex mong chizaikyabu? Chix a hünzom hopa, hünzom zingpupa, jat-li tuita ang hünzom chixe zingpu.

ISAIA 63:16

Nang a kwom hopa changle. Kwom putong Abraham hia Jakop hwome kwom mün chichangle, owae jento kwom khosünle koppuix, ija Jowanpa, kwom hopa, nang mün tata fuale tox wüi.

JEREMIA 31:9

Ku khünaknu a mikfi-tunjile nguiüi, kue hwom zunle changpongma zangjopngale nguiüi. Kue hwom a ti jenle tüikya shuasa hato apüiüi, hwom chikho sua angkya chitüikya lom fünmüi to a. Ku a Israel nok zongto tuita hopa ningle, ilaxle Efraim a ku sasün tüichongsa ningle.”