TSAITONG-KAXTONG 13:6 - OTSAO BAIBEL (BSI)

⁶ “Hünzome tamchu hünzom putong hwome otuechu shwom-to le chichangkya mama baozangbu to shwom angkya hanpakma huxsa ma zuile hüntüi-hünnao hwom, hünsu-hünsa hwom, hünzome mongkünkya kakobu, hünzom üipa-zuikhui, ibue hünzom jikle pao ang tsuak.

TSAITONG-KAXTONG 13:6 ပူးပေါင်းရင်းမြစ်များ

2 PITAR 2:1

Kaikya khünaknu tu ma othai ajebu lai, ilailaile hünzom khamachu othai nwotmixbu lai angkya changle. Hwome max angkya othai hwon-nwot lai ang tomüi, üntoxle hwom shakle kopkya hopupa müntsing hex le thüiüi, ile alüile osünto ma max angkya thama apüiüi.

EFISIA 4:14

Ifüima kem, mae zingle alaikya tsingtsang othai hato mix zunle ngokyabu odyen khünakbu hwon-nwot tichape laxlax tox angkya ilaxle zangwin to lexlexchex le jeple paongo angkya athax kem a naosom münchang.

WANWÜNKAX 18:24

Züizüi zuikhui ashemkya otsün münlo, ikoxlechu zuikhui züizüi a pa-sa tüinao füi ngaxchu sümüi.

MIKNGÜN-OHÜN 20:3

Zangpua hajat tuita ma ashuk tanto chaxwannu dyen angkya chemchu chitüi angkya hanpakma kaxtaimixe chix othong chitüikya tswom khato sho; ija oka hak üntoxle tsüile thom. Ifüima chix onox ma tam dan angkya changle.

MIKNGÜN-OHÜN 12:9

Ija tüle chongkya dragon, owa chaxwannu pangwüi dyenkya ozang pu changpuix, tamchu owa ang Bao chichangba Haxshix le nyak, chix üntoxle chix füi tüikya kaxtaimixbu komle chaxwannu to tswonle awüt.

1 SAMUEL 20:17

Tamchatle chuwüi Jonathan-e Dawid füi künkak-mongkün ma ngo angkya tsaotsütle chang, chemthüikoxle Jonathan-e Dawid to ma bukuxle jao kak-kün.

1 SAMUEL 18:3

Jonathan-e chix tokya mongküne Dawid füi tamchiashuktoxkya zuikhui hex-ole tsaosax.

1 SAMUEL 18:1

Sol hia Dawid nyie hokhi zangwün ashuk. Ifüima Sol sasün Jonathan-e Dawid to ma bütukuxle jao mongkünle thüt.

TSAITONG-KAXTONG 29:18

Anyix ikhama ajongle tüikya sheko, lüka, kako-homkha, chichangba homjen opupuchu, mixnok baozangbu to shwom ang paoüima, Jowanpa kem Zang hato tok chiaho angkya münchangpuole mongzangwünle tsuaklax. Ile jangchang thüiningle ija a khaxkya hia zik-hing füikya püntsing jukya tuita ang achangüi.

TSAITONG-KAXTONG 28:54

Khünak tüle somdangle tüikya mix saxpu luawang homkha angkya tuita, chix ngaxchu wüi ija zansing hüikya zuma tüle woknuak nuzaoe maxle changüi, ikhoma chixe züizüi masu-masa hwom müi ngaxchu saxüi, chemthüikoxle chix ang osüt-oling mama chemchu chitüi. Chixe ija, ma mongkün kakonu, matüi-manao hwom ilaxle atale toxkya masu-masa hwom ang ngaxchu chifale saxüi.

MIKNGÜN-OHÜN 13:14

Owang pongkya müi thüntho ma ija ang mok ang dankya khomtsik mwotbu mokle ahokya tokhange chaxwannu ma ngokya khünaknu pangwüi dyen. Changlo füi thomzün apongdao koxlechu azangle tüikya müi achuak achenle chix chapa zing angkya ija müie hwom füi akax.

KOLOSI 2:4

Idaile kue thüipu, hwom tüta tukux wüi müile ngün ang thüilax, owaechu kaxthai zangwün tokhange nang dyen ngan ang taxtom.

GALATIA 2:4

Mongong mix-mix wüihexle atsing üntoxle, Khrista füikya notom ma kwome kopkya khangkho zangngai bama opak otua tikle laxsele khwalop mix ibu kwom othom khato zuile ngui.

2 KORIN 5:16

Idaile athax kwome otuechu khünak chifün to hulaxle owa angchu tsaifün kaxfün münfa. Hanpak tuita ma kwome Khrista bama khünak chifün tokhange tsaifün kaxfün le changdao bachu, kwome athax ile otuechu münmok.

JOB LAIPEX 31:27

Ibu achuak-achenle chang angkya ku jikle mapao; ibu achuak-achenle ku chak füi tun apongle machang.

KAXFÜNPA-HWOM 10:6

Bal hia Astartebu to shwomkya makhange, tam chuwüi Siria nok, Sidon nok, Moab nok, Amon nok, hia Filistia nok, ibue shwomkya baozangbu to shwomle changkya makhange Israel nokbue Jowanpa zongto ochaxbu lyenle chang. Hwome Jowanpa danle tox ilaxle chix to shwomkya zak.

KAXFÜNPA-HWOM 5:8

Ifüima chaxwan ma zan lai Israel noke baozangbu hozünzün zünle kopkya zuma. Hajat 40 kha angkya Israel khünak tuitae ngaxchu di hia pax kop-hexcha?

KAXFÜNPA-HWOM 2:13

Hwome Jowanpa to shwomle ngokya zak laxle Bal hia Astarte hwom thothale chang.

PONGWANG LAIPEX 16:5

Ikhoma Sarai-e Abram ang thüi: “Hagar-e ku wünhaikya a nang thaipu. She a nang ang kue tix koxwüi, ikoxle nao nguidongle changkya makhange she-e ku wün ahaile changle. Idaile künyi bama opupu thaipuix, Jowanpae tix kaxfün naxfakox!”

WANWÜNKAX 5:20

Sasün, nange nang mongkün mama mixcha ang büthüikoxle kox angkya? Nange mix kakonu sünmüi-johang to chem ang osing tüi angkya?

2 SAMUEL 1:26

“Ku nang mang soppu, ku tüita-naopa Jonathan; nang ku zongto chemtukux müikya dai! Ku tokya nang mongkün ohünotün, sheko tuita mongkün füi ngaxchu sümüile.

TSAITONG-KAXTONG 13:2

ija a amipongma chishwom-chitokya baozangbu to hünzome shwom-to tamchu ibu thothale naxchang ang ile suapu. Chixe akaxkya kaxbu changle ngaikoxchu,

TSAITONG-KAXTONG 13:7

Ibu kha angkya tütapue hünzom zui ma ngokya khünakbue shwomkya baozangbu to chichangba tsailo tokya baozangbu to shwom angkya zong adünle chang ang tsuak.

2 PUKAX-PANGAO 15:13

Naosom hia mixmüi, sheko hia lüka, owae chix tong to chishwomle changüihex, ija khünak a langüi.

2 PUKAX-PANGAO 23:17

Ifüima hwom pangwüi Bal baozang to shwomkya nui to pao ilaxle ija dakle atsun. Ikhato tüikya tö-tsap hia chapabu thuple ama ilaxle Bal nguapa ang ngokya mixsün Mattan ibu tö-tsap tunthoma lang.

JEREMIA 44:3

chemthüikoxle hwom khünakbue ochax mwot mok ilaxle ku ang mongtsik adünle changdaoa. Hwome mama baozangbu ang zokle ashunle töbu kox ilaxle hünzomechu tamchu hünpu hünpa hwome shwomle chihüikya baozangbu thothale changdaoa.

ZEKARIA 13:3

Ifüimachu owawae aje angkya wüi changle le zongpankya mix jangtüi, honu hia hopa nyie chix a mik max ang tom angkya wüi akax angkya changle, chemthüikoxle chixe Jowanpa kax akaxpu le thüilaxle othai kax taile. Chemtue chixe ajele ngopuix ipongma honu hia hopa nyie chix tople langüi.

LAIPAO 13:3

Mosa-e khünaknu ang thüi: “Anyixkya hanpak texle ataklax. Ija nyix kha, Ijip nok to da angkya danle toxlaxle hünzom laile paopu. Ija a Jowanpae chongkya chixtsak-chixzong makhange hünzom alaile paokya din changle. Ija nyix twonkhax awonkya an owaechu chisax angkya changle.

LAIPAO 32:27

Chixe hwom ang thüi: “Hünzom pangwüi ang, ma changlolo koplaxle, ija zünkai makhange kaochi zünkai kople, matüi-manaobu, ma zuikhuibu tamchu ma tomzibu langle pao angkya, Jowanpa Israel nok Zang-e hünzom ang kaxtom koxle.”

TSAITONG-KAXTONG 8:14

hünzom taxngam tamchu hünzom a da ang thomkya Ijip nok chak tokya hünzom khosünle dale apüikya Jowanpa hünzom Zang otuechu taxalak.

TSAITONG-KAXTONG 11:32

anyix kue hünzom ang koxle ngokya wanlombu pangwüi kax ma laxle tüi angkya taxalak.

TSAITONG-KAXTONG 17:12

Ikoxle opupue ikhama asukya kaxfünpa chichangba nguapa kax ma chilaxle jangtüi, chix a mik max ang tomüi; ile hünzome ija haxshix mwotli Israel nok tu angkya awüt ang thoüi.

TSAITONG-KAXTONG 18:20

Ikoxle kue chiwünkya kax ajepa owawae ku mün lünlaxle wünle jangchang, ija khoma kue chix mik max ang tomüi; iningkya mama baozangbu mün ma zangwünkya aje mamabu chuwüi mik max ang tomüi.’

TSAITONG-KAXTONG 19:19

chixe kaxhux fekya khünake kopse sikngün chix ang koxüi. Ile hünzom a iningkya ochax füi atsaile ngo ang thoüi.

TSAITONG-KAXTONG 21:21

Ifüima tingnu angkya khünakbue chix to long füi thuple langüi; ile hünzom ininglükya ochax füi atsaile ngo ang thoüi. Chemle changpuix ija zing atatlaxle Israel khünak pangnusa wüi zaüi.

TSAITONG-KAXTONG 22:21

hwome she a hopa hwom fülom to apüiüi, ikhama tingnu angkya khünaknue she a longfüi thuple langüi. She-e hopa hwom to ngotanto wüi, tuiju-nasomle machangba owawa füi nganguile changkya tokhange kem khünak khama chakzong-kwontele changdaoa. Iningkya to ile hwonkoxtix hünzom a ija ochax füi atsaile ngo ang thoüi.

TSAITONG-KAXTONG 24:7

“Israel khünak tomtom owawae owawa kople paolaxle ma da ang thom chichangba ija khünak da ang achangle hangle jangchang, ija khünak a mik max ang tom angkya changle. Ile changkox tix hünzom ija ochax füi atsaile ngo ang tsuaküi.

JIHUSUA 7:13

Zolax! Khünaknu atsaolax ilaxle hwom ku hato hüi ang achwon ang tomkox. Hwom füi ngainop wüi achwon angkya kax laxkox, chemthüikoxle ku, Israel nok Zang-e ija kax akax angkya tüile: ‘Israel khünaknu, kue hünzom ang amütdao-ole thüikya tütali bwot-ba hünzome koplaxle tüile! Hünzome ija awütle ma-atsao tanto hünzom zan tuntho to ajong ang müntho!’

KAXFÜNPA-HWOM 20:13

Athax hünzome Gibeah nok angkya ibu laothuabu alaile kwom chak to danhüi. Israel tu angkya iningkya ochax mwot atsai ang tom angkya hanpakma hwom a mik max ang tom angkya wüi changpu.” Ikoxlechu mamabue Israel noke wünkya zangwün to Benjamin khünakbue ojao na chitha.

1 WANGHOMBU 18:40

Elija-e kaxkoxle thüi: “Bal ajebu pangwüi kopkox, hwom tuitachu paole azang ang taxkox.” Khünaknue hwom pangwüi kop, ilaxle Elija-e hwom Kishon shuanu to jo laxle hwom pangwüi langle awüt.

2 WANGHOMBU 11:18

Ifüima khünaknu a Bal baozang to shwomkya nui to ngui, ilaxle ija thuple atsun; hwome ikha angkya tö-tsap thuple akhix, Bal zompu-zangpa Mattan, tö-tsap tunthoma lang, ifüima Jehoiada-e Zangshwom-Hom nyele thom ang tom.

JEREMIA 28:15

Ifüima kue ija Hananiah hama wün ilaxle chizakle akax: “Apakoplax, Hananiah! Nang a Jowanpae tsanle ahüikya chichang, ikoxle hünzome khünaknu ang othai to ong angkya atsing ngotüi.

JEREMIA 28:16

Ikhoma chixe nang jan ang tom angkya Jowanpa chix jaoe akaxle changdaoa. Ajakya zanglao makaiba wüi nang a zile paoüi chemthüikoxle nange khünaknu ang Jowanpa zan to kale chang angkya akaxdaoa.”