TSAITONG-KAXTONG 13:5 - OTSAO BAIBEL (BSI)

⁵ Ikoxlechu Jowanpa, owae hünzom Ijip nok to da ang ngokya khosünle apüipuix, chix zan to ka angkya zangwün alaikya khünak owawa wünmang taipa chichangba aje-ahing jangtüi, chix a mik max ang tomkox. Iningkya mix a haxshix changpu; ilaxle Jowanpae hünzom ang ozün ma ngo angkya kaxtom fale tüikya khüzün lomtang angkya othai to hünzom zunle pao angkya a chix mwot chang koxpu. Chix a langle awüt angkya wüi changpu; ikoxtix hünzom a ija haxshix chak tokya azangle ngo ang thoüi.

TSAITONG-KAXTONG 13:5 ပူးပေါင်းရင်းမြစ်များ

1 KORIN 5:13

Otsao Lai ma akaxkya ningle: “Chitsaokya khünak hünzom othom kha angkya apaodao.”

TSAITONG-KAXTONG 18:20

Ikoxle kue chiwünkya kax ajepa owawae ku mün lünlaxle wünle jangchang, ija khoma kue chix mik max ang tomüi; iningkya mama baozangbu mün ma zangwünkya aje mamabu chuwüi mik max ang tomüi.’

JEREMIA 14:15

Kue chiahüikya ajebu opange ija haxtok hato ochax-ozan hia woknuak-tilan münhüipule ku mün ma zangwünle changdao laxpuix: hwom a kue ochax-ozan hia woknuak-tilan ma max ang tomüi; ile hwom to kue chakmokle chang angkya Jowanpa kue nang hama akaxle ngopu.

TSAITONG-KAXTONG 24:7

“Israel khünak tomtom owawae owawa kople paolaxle ma da ang thom chichangba ija khünak da ang achangle hangle jangchang, ija khünak a mik max ang tom angkya changle. Ile changkox tix hünzom ija ochax füi atsaile ngo ang tsuaküi.

TSAITONG-KAXTONG 22:21

hwome she a hopa hwom fülom to apüiüi, ikhama tingnu angkya khünaknue she a longfüi thuple langüi. She-e hopa hwom to ngotanto wüi, tuiju-nasomle machangba owawa füi nganguile changkya tokhange kem khünak khama chakzong-kwontele changdaoa. Iningkya to ile hwonkoxtix hünzom a ija ochax füi atsaile ngo ang thoüi.

TSAITONG-KAXTONG 19:19

chixe kaxhux fekya khünake kopse sikngün chix ang koxüi. Ile hünzom a iningkya ochax füi atsaile ngo ang thoüi.

TSAITONG-KAXTONG 17:7

Mikngün kax ngaikya khünakbue pongwang ma thupüi, ifüima ija khünak to noknue longfüi thupüi; ija ningle hünzom a haxshix mwot füi atsaile ngo ang kopüi.

TSAITONG-KAXTONG 13:10

Hwom a longfüi thuple langdao! Hünzom Ijip nok to da ang ngokya khosünle apüikya Jowanpa hünzom Zang füi atsaile hünzom pao ang azongkya mix hwom changpu!

MIKNGÜN-OHÜN 19:20

Ija müi hia chix thüntho ma ohünotün mwot mokle ahokya othai ajepa nyi a kun ma shole thom ang laxlaxtox. (Müi münwan koplaxle ngokyabu hia ija müi chapa to shwomkya khünakbu pangwüi chixe ibu ohünotün mwot tokhange dyenle laxkyabu changle). Ija müi hia ajepa nyi a khat wün khato ozün ma tswonle awüt.

WANGSHEMBU MWOT 13:8

Ikoxle hwom a montro khünak Elimas (Grik kax ma chix ang ile nyak) e abax; Jisu to mongong ang chitom le chixe Gowarnor achat ang azong.

ZEKARIA 13:3

Ifüimachu owawae aje angkya wüi changle le zongpankya mix jangtüi, honu hia hopa nyie chix a mik max ang tom angkya wüi akax angkya changle, chemthüikoxle chixe Jowanpa kax akaxpu le thüilaxle othai kax taile. Chemtue chixe ajele ngopuix ipongma honu hia hopa nyie chix tople langüi.

JEREMIA 50:6

“Ku khünaknu a chunnyetmixe haxnu to asamle toxkya chunbu ningle changpu. Chun lailaile hwom tuita haxnu makhange ata haxnu to laile samle aham ngo, ilaxle hwome hwom hom ochichi to tüikya dai, ija alakle asam.

1 WANGHOMBU 18:40

Elija-e kaxkoxle thüi: “Bal ajebu pangwüi kopkox, hwom tuitachu paole azang ang taxkox.” Khünaknue hwom pangwüi kop, ilaxle Elija-e hwom Kishon shuanu to jo laxle hwom pangwüi langle awüt.

TSAITONG-KAXTONG 22:24

Hünzome hokhi pangnyi wüi tingnu panthaile pao ilaxle pantua to long füi thuple langüi. Shekosa a tingnu mong ma akhong koxle atat tangkya khama ngolaxle owawae she khose hüile chiakhongkya khoma she mik max ang tomüi. Lüka a, mix füi wün-zexle thomdaokya naocha tuita füi nganguile changkya khoma mik max ang tomüi. Ile changkox tix hünzom a ija ochax chak tokya atsaile ngo ang thoüi.

TSAITONG-KAXTONG 7:4

chemthüikoxle ile jangchang thüiningle hwome hünzom su-sabu mama baozangbu to shwom ang jikle pao angkya changle. Ile jangchang thüiningle Jowanpa ang hünzom füi mongmakya tüiüi ilaxle chixe janta bama wüi hünzom max ang tomüi.

TSAITONG-KAXTONG 4:19

Hünzome ding to ngünkya: lyetnu, zanghan hia lyettsibu to shwom angkya thwontsing ma hato hüi ang taxtom. Jowanpa hünzom Zang-e ibu bama khünakbue shwom angkya hanpakma fawüi.

TSAITONG-KAXTONG 13:9

Hwom langle awütkox! Hwom to longfüi thup angkya owang lükya mix ang nang changkox, ilaxle pangnusae wüi azuile thup ang tomkox.

TSAITONG-KAXTONG 13:15

ija tingnu ma khünaknu pangwüi, hwom tsom-pom chuwüi tomle langle awütdaoa. Ija tingnu a komkaile amütdao.

TSAITONG-KAXTONG 17:5

ija khünak a tingnu panfang to paolaxle long füi thuple langdao.

KAXFÜNPA-HWOM 20:13

Athax hünzome Gibeah nok angkya ibu laothuabu alaile kwom chak to danhüi. Israel tu angkya iningkya ochax mwot atsai ang tom angkya hanpakma hwom a mik max ang tom angkya wüi changpu.” Ikoxlechu mamabue Israel noke wünkya zangwün to Benjamin khünakbue ojao na chitha.

TSAITONG-KAXTONG 6:13

Jowanpa hünzom Zang chathua zale tüilax, chix tata tong shwomlax, ilaxle hünzome chix mün tata ma tsaosaxle changlax.

TSAITONG-KAXTONG 26:14

Kue ku mongmaxle sople ngopongma ngaxchu ikha angkya tuita münsax. Ku zanglom ma chitsaole asu pongma, ku homkha angkya kue ija tuita chu chialai. Kue ikha angkya tuita chu chapabu to jop-tole chikox. O Jowanpa! Nange ku füi bünfong bama adangle fakya pangwüi mokle changdaoa.

JIHUSUA 23:8

Itülüi, Jowanpa to mongong thomlax. Anyix kople hünzom ngole hüikya lailai ngolax.

1 SAMUEL 12:14

Hünzome Jowanpa, hünzom Zang to achuak-achenle, chix thothale, chix zangwün to apale, chix kaxtom kaxbu ma laxle jangtüi, ilaxle hünzome tamchu hünzom wanghompa-e chix füito azuile jangchang, hünzom füi pangnusa müile leüi.

1 WANGHOMBU 13:19

Ikhoma Judah nok tokya ajepa ija azupa füi tomle chix hom to ngui ilaxle chix füi tomle fongsax.

2 PUKAX-PANGAO 34:31

Chix a wanghom ngwotnui ma ajong, ilaxle ija laipex ma zale tüikya ningle chix kax ma laxle tüi angkya, chix wanlom hia kaxtom, ibu pangwüi chilyenle kün-hi-mong makhange zongbakle thom angkya, ilaxle ija tsaotsüte lomkya mwot pangwüi mokle alyet angkya Jowanpa füi tsaotsüt.

JEREMIA 7:23

Ikoxle kue hwom ang ku kax ma laxle tüi angkya kaxtom koxpu, ile ku hwom Zang ang ngo angkya hanpakma tamchu hwom a ku khünaknu ang ngo angkya hanpakma. Ilaxle kue hwom ang koxkya kax ningle hwom ngo angkya kue hwom füi akaxpu, ile chang koxle jalinusa hwom hanpakma ma omüimüi angwüi naxchang kox ang.