TSAITONG-KAXTONG 13:17 - OTSAO BAIBEL (BSI)

¹⁷ Olithule amüt angkya othuak-ozom ma womdaokya tuina ma hanpak ang tütalichu taxtüi, ile changkox tix Jowanpae chix mongtsik mongma tokya mongchat laxle hünzom hato chingcha ahoüi. Chixe hünzom to chingchaüi ilaxle hünzom a tüle pu-tsakya khünaknu ang achangüi, ija a chixe hünzom putong hwom tsaosaxdaokya ningle changüi.

TSAITONG-KAXTONG 13:17 ပူးပေါင်းရင်းမြစ်များ

JIHUSUA 7:26

Hwome ibu ding ma thupkya long tüle atsongle athün, ija anyix kople tüingole. Ija khoma anyix kople ijakha ang Mikmüt Haxsha le nyakle tüile. Ifüima Jowanpa mongtsik dang.

TSAITONG-KAXTONG 7:26

Chapa ijabu tüta ningkyachu hünzome ma hom to taxapüi, ile jangchang thüiningle hwom hato hüihaxkux thuakzom bakle hünzom hato hüiüi. Hünzome chapa ibu to wünhaile tamchu anule changlax, chemthüikoxle ibu a Jowanpa othuak-ozom ma tüile.

PONGWANG LAIPEX 26:24

Ija jaja wüi Jowanpa ngailaxle chix füi akax: “Ku a hünpa Abraham Jowanpa changpu. Nang taxza; ku dapa Abraham khoma kue nang to mohiman angkya changle. Nang sixlibu kue tüle pu-tsa ang tomüi.”

PONGWANG LAIPEX 26:4

Kue nang sixlibu ding angkya lyettsi büta lai ang tomüi, ilaxle nang sixlibu ang ibibi haxtok komkaile koxüi. Chaxwannu angkya jat-libue ma hanpak ang mohiman, nangsix-nanglibu makhange tix koplaxüi;

JIHUSUA 6:18

Ikoxlechu amüt angkya oli hünzome litutachu chitoxüi; hünzome lax-twonle jangchang thüiningle Israel pom hato thama apüiüi.

TSAITONG-KAXTONG 30:3

Jowanpa hünzom Zang-e hünzom to chingchakya tüiüi. Hünzom chiakle asam thomkya haxtok tokya chixe hünzom tamchatle apüiüi, ilaxle tamchatle chixe hünzom ahak-aluale chang ang tomüi.

PONGWANG LAIPEX 28:14

Hwom a haxtsa angkya haxbu büta pu-tsale changüi. Hwome hwom haxsüt longzi pangnu chito akhaole paoüi, ilaxle nang hia nangsix-nanglibu makhange pangnu jat-li to mohimankya tüiüi.

1 KORIN 16:22

Owae Jowanpa to chikün laxpuix, chix to othuak ozom naxtüi! Maranotha: kem Jowanpa, nguihüi!

EZEKEL 37:26

Jento hwom tumüi lomkhaole ngo angkya bama kue hwom füi tsaotsütle changüi. Kue hwom ajing-ating le chang ang tomüi ilaxle khünak huak pu-tsale chang ang tomüi. Ku Zangshwom-Hom ija haxtok ma hwom tu ma jento ajongle ngokya kue ngün ang kopüi.

MANGSOP 3:32

Chixe keme hato mongtsik-mongma apüi ang tsuak, ikoxlechu chixe kem to mongkünkya a chithai angkya tamchu tsak-zong changle.

MÜNCHUAK-TSAI 78:38

Ikoxle Zang-e chix khünaknu to chingchajaja. Chixe hwom ochax thailak tüi ilaxle hwom amüt ang chitom. Obithomthom ma hexle chixe hwom füikya chix mongtsik abaxle tüi ilaxle mongtsik adule hüi.

JIHUSUA 22:20

Zerah sasün Akhan-e amüt-toxdao-o lükya tuina tüikya makhange kax ma chilaxle ochax lyen; ikhokho ma Israel khünaknue sikngün apongkya texle ataklax. Ija chix ochax khoma Akhan chix tata ahuakle zikya chichang.”

JIHUSUA 7:1

Jowanpae Israel khünakbu ang Jeriko tingnu angkya amüt angkya oli chemchu taxlax-ole thüikya kaxtom kax ma hwome chilax. Akhan le amünkya mixsün tuitae ija kaxte, ikhoma Jowanpa ang Israel nok füi tüle mongtsik-mongma. (Akhan a Karmi sasün Zabdi hosu Judah homjen Zerah saxthom angkya changkya.)

JIHUSUA 6:26

Ipongma Jihusua-e kaxkhün ile fa: “Jeriko tingnu angkya azangkya mix a Jowanpa othuak-ozom ma tüile. “Owawae ija homting zaile jangchang thüiningle sasün tüichongpa zile paoüi; ilaxle owae pan zingle changüihex, sasün naoshukpa zile paoüi.”

TSAITONG-KAXTONG 7:13

Chixe hünzom to mongkünkya tüiüi ilaxle mohimankya tüiüi; ile hünzom khünak huak tüle pu-tsale changüi iningle su-sa hwom huanuma tüiüi; chixe hünzom haxtok manzai to mohimanüi ilaxle hünzome tüle saxkople, grepti-ju hia olip münga kople changüi; ilaxle hünzom ang osu-maihu hia chunbu tüle koxle mohimankya tüiüi. Chixe ibu mohiman a, hünzom putong hwom füi hünzom ang koxüihex-ole tsaokya haxtok ma koxüi.

HUAKE LAIPEX 25:4

ilaxle Mosa füi akaxle thüi: “Israel nok lompabu pangwüi koplax ilaxle ku kax ma laxlaxle khünak ibu a anyixningkya zangngai to langle awütdao, ifüimatix ku khünaknu füikya ku mongma zaküi.”

LAIPAO 20:6

Ikoxlechu ku to mongkünkya tamchu ku kax ma laxle tüikyabu hajat-hajat tsünthom to kue mongkünpu.

LAIPAO 32:12

Nange, nang khünaknu haxnukho to lang ang ilaxle hwom oli thule amüt ang Ijip nok tokya alaile paopu, le Ijip noke akax angkya olom büthüikoxle daple koxüi? Mongtsik danghüi ilaxle nang mong alüix üntoxle nang khünaknu hato ija thama hüi ang taxtom.

TSAITONG-KAXTONG 13:18

Anyix kue hünzom ang fakya kaxtombu kax ma laxle jangtüi thüiningle, chixe ibu pangwüi ile chang ang tomüi.

TSAITONG-KAXTONG 30:5

Ikoxtix kaitanto hünpu-hünpa hwom noxta ngole toxkya haxtok hünzome kop ang tomüi. Ilaxle chixe hünzom ami pupa hwom tsünto ile matüitox le hünzom tüle ahak-aluale tamchu pu-tsale chang ang tomüi.

MÜNCHUAK-TSAI 85:3

Hwom füi mongtsik haxkux nange thuakjokle azak ilaxle nang shixkya küntsik-mongma abaxle tüi.

HOSIA 11:9

Kue hünzom to ku mongtsiktsik ma sikngün ang müntom; Kue Israel tamchatle münamüt. Chemthüikoxle ku a Zang changle zangjang khünak tuita münchang. Ku, Otsao a, hünzom füi tüile. Ku a hünzom hato mongtsik ma münngui.

JIHUSUA 6:24

Ifüima hwome tingnu to wün füi thutlaxle zokle ashun. Hun, khop, wi hia jan, ibu füi zingkya tuina boma mama ima atüitüi komkaile zokle ashun. Jan tuina bakle Jowanpa suak ma dan.

JIHUSUA 8:28

Jihusua-e Ai tingtak laxle olithule amüt. Ija a anyix kople ile wüi tüitan.