TSAITONG-KAXTONG 13:15 - OTSAO BAIBEL (BSI)

¹⁵ ija tingnu ma khünaknu pangwüi, hwom tsom-pom chuwüi tomle langle awütdaoa. Ija tingnu a komkaile amütdao.

TSAITONG-KAXTONG 13:15 ပူးပေါင်းရင်းမြစ်များ

TSAITONG-KAXTONG 7:2

Chemtue Jowanpa hünzom Zang-e ibu hünzom chak to koxle changüihex tamchu ongai hünzome hwom to lütle changüihex, ipongma hünzome hwom pangwüi mik amüt angkya changle. Hwom füi tomsax-tommok angkya tsaotsüt taxtüi chichangba chingcha ahole taxchang.

LIWI 27:28

Ile chang koxlechu Jowanpa ang koxle atsao thomdaokya, khünak wüi changlax, müi wüi changlax chichangba chix ma tüikya haxtok wüi changlax, hünzom opupuechu shak chichangba hangle chang ang müntsuaküi. Fünthole atsao koxthom daokya a pangwüi Jowanpa hanpakma ataxkya otsao changle.

LAIPAO 22:20

“Jowanpa ku boma owawa ang tö koxkya mix jangtüi, chix thajaole wünhai ang tomkox.

MIKNGÜN-OHÜN 17:16

Nange ngünkya müizong bün üntoxle müi, ibue tsahangcha to miktsaküi; hwome she kuxka komle paoüi ilaxle she ohua ma dantoxüi; hwome she müi saxüi üntoxle wün füi she amütüi.

KAXFÜNPA-HWOM 20:48

Israel khünakbu mama Benjamin nokbu achuale chat ilaxle hwom pangwüi langle awüt. Hwom sheko-lüka, mixnu-naosa, ilaxle tsom-pom chemchu chisüi. Ija wankam angkya tinglong hwome bakle zokle ashunle tox.

JIHUSUA 6:24

Ifüima hwome tingnu to wün füi thutlaxle zokle ashun. Hun, khop, wi hia jan, ibu füi zingkya tuina boma mama ima atüitüi komkaile zokle ashun. Jan tuina bakle Jowanpa suak ma dan.

TSAITONG-KAXTONG 7:16

Jowanpae hünzom ang lüt ang tomkya hünzom zanpabu pangwüi amütkox, hwom to ojao chingcha taxaho. Hwom baozangbu to taxshwom, chemthüikoxle ija a mawüt masan ang changüi.

TSAITONG-KAXTONG 2:34

Ifüi tomle keme tingnubu pangwüi koplaxle ibu amüt, ilaxle khünak pangwüi, mixnu-naosa, mixmüi chemchu chisüile, komkaile langle awütpu. Keme owachu ozün ma chitox.

LAIPAO 23:24

Hwom baozangbu tong to taxakhux tamchu ibu to taxshwom. Ibu nok mwottho laxle taxkop. Hwom baozangbu amadao ilaxle hwom otsao long thuple akhixdao.

TSAITONG-KAXTONG 13:5

Ikoxlechu Jowanpa, owae hünzom Ijip nok to da ang ngokya khosünle apüipuix, chix zan to ka angkya zangwün alaikya khünak owawa wünmang taipa chichangba aje-ahing jangtüi, chix a mik max ang tomkox. Iningkya mix a haxshix changpu; ilaxle Jowanpae hünzom ang ozün ma ngo angkya kaxtom fale tüikya khüzün lomtang angkya othai to hünzom zunle pao angkya a chix mwot chang koxpu. Chix a langle awüt angkya wüi changpu; ikoxtix hünzom a ija haxshix chak tokya azangle ngo ang thoüi.

TSAITONG-KAXTONG 13:14

Iningkya khualop zangwün hünzome jangatat, ija otong tikle lomkox; ilaxle iningkya ochax mwot chimokkya khato khualople zangwün atsatkya changpule awan ang kopkya zuma,

TSAITONG-KAXTONG 17:4

Hünzome iningkya zangwün atatle jangchang thüiningle ija bama otua müile lomlax. Ija zangwün otsing tomtata ang chang ilaxle Israel khama iningkya ochax mwot mokle changdaongünale awan ang kople jangchang,

KAXFÜNPA-HWOM 20:3

Ipongma Benjamin khünakbue Israel khünak pangwüi hwom zan to ka ang Mizpah ma asoxle tüikya kax atat ang kop. Israel noke atüi: “Ija müt chemle kopkya hex kwom hama apuahüi?”

IZRA 10:16

Zanda ang ngokya chatkyabue ija katzua müiüile pongle lax, ikhoma nguapa Izra-e, laiza zale tüikya saxthombu khama okax-okhobu kha angkya khünakbu kam Lyetjang bün to pongwang lükya nyixkha hwome ija mwot otua lomle chang ang süt.