TSAITONG-KAXTONG 13:13 - OTSAO BAIBEL (BSI)

¹³ züizüi chilaxli khünak hünzom nok kha angkyabue wüi ija tingnu ma ngokya khünakbu, hünzome otuechu shwom-to le machangkya baozangbu to shwom ang jikle paodaoa ta, lea.

TSAITONG-KAXTONG 13:13 ပူးပေါင်းရင်းမြစ်များ

1 JUHAN 2:19

Otsing tomta ma khünak ibu kem notom ma münwom, tamchu ikhoma hwome kem danle toxpu; hwomchu kem notom ma tüipuix thüikoxba hwom kem füi tomle ngose. Ikoxle hwomkha angkya owachu kem notom ma womle müntüile ngaitho le naxtsing lax ang hwome kem danle toxpu.

TSAITONG-KAXTONG 13:2

ija a amipongma chishwom-chitokya baozangbu to hünzome shwom-to tamchu ibu thothale naxchang ang ile suapu. Chixe akaxkya kaxbu changle ngaikoxchu,

JUD LAIZA 1:19

Khünaknu opange tufan-luazüi ang tompuix, opang mong hwom jaopoe akumathum laxle thompuix, opang ma chasa chitüipuix, ibu a hwom changle.

2 KORIN 6:15

Khrista hia Bao nyi chemle tsaino-kaxno tomle manüi? Mongong füikya hia mongong chitüikya nyi ang tomkuxle thüi angkya chemtüi?

JUHAN 8:44

Hünzom a, hünzom hopa Bao (haxshix) makhange hüikya changpu. Hünzome hünzom hopa haxshix mongtex ma mokse tsule. Ami pongwang tokhange wüi chix a mix mik amütkya mix, ilaxle chix ma sukya chitüi koxle otuechu chixe otsingtsing chima chise. Chixe kaxthai akaxkya zuma, chixe chix jaopo ma chem tüipuix, ija mokpu; chemthüikoxle chix a thaikya mix tamchu thaikya hopa.

1 WANGHOMBU 21:13

Kaxfyet olom anyi füi chix ma Zang hia wanghompa nyi to thuakzomle changkya noknusa tunthoma tsaihux-kaxhux fele chang. Ikhoma chix tingnu pan athaile alai ilaxle long füi thuple lang.

1 WANGHOMBU 21:10

Zang hia wanghompa nyi to thuakzomle changdaoa lükya kaxfyet anyi apüihüi. Ifüima chix a tingnu angkya pan athaile alailaxle long füi thuple langüi.”

2 SAMUEL 20:1

Gilgal ma, Benjamin khünak Bikri sasün Sheba le amünkya chilaxli khünak tuita tüikya. Chixe nyazong müt ilaxle akhong: “Dawid athaidao! Kwom chix füito münazui! Israel khünaknu, khax-a, hom to chatlax!”

2 SAMUEL 16:7

Shemüi-e chix to thuakzomle thüi: “Paoün! Paoün! Nang ningkya mixlang mix a!

1 SAMUEL 25:17

Ija bama tamchatle ajangle anohu ilaxle chemle mokkoxle müi angkya oli hex thütle anohu. Ija a kem hopupa hia chix kako-homkha hwom hanpakma tuita thama ang chuwüi chang koxlax. Chix a müimamale müima-mixma jao changpu ilaxle owa zangwün tochu chiapakya jat!”

1 SAMUEL 2:12

Eli sasün hwom a laxli chitüikya khünakbu changkya. Hwome Jowanpa chito mong ojao chikox

KAXFÜNPA-HWOM 20:13

Athax hünzome Gibeah nok angkya ibu laothuabu alaile kwom chak to danhüi. Israel tu angkya iningkya ochax mwot atsai ang tom angkya hanpakma hwom a mik max ang tom angkya wüi changpu.” Ikoxlechu mamabue Israel noke wünkya zangwün to Benjamin khünakbue ojao na chitha.

KAXFÜNPA-HWOM 19:22

Hwom ile nazak müile jiple ngopongkhae allele tinglong ma tüikya chinunchakkaile chichang-chizang mwotma mokle ngokya khünakbue ija hom akhople kop ilaxle kahak to hong. Hwome ija azupa ang thüi: “Nang füi tomle nguikya khünak kwom hato alaihüi! Kwome chix füi chinunchakkaisele tsule!”

TSAITONG-KAXTONG 13:6

“Hünzome tamchu hünzom putong hwome otuechu shwom-to le chichangkya mama baozangbu to shwom angkya hanpakma huxsa ma zuile hüntüi-hünnao hwom, hünsu-hünsa hwom, hünzome mongkünkya kakobu, hünzom üipa-zuikhui, ibue hünzom jikle pao ang tsuak.

1 JUHAN 3:10

Zangsu Zangsabu hia baosu baosabu malili changle le tsaotha le ahokya a ija changle: Owae sukya mwot chimok tamchu ma tüi-hi-nao to mongkünle chitüi laxpuix chix a Zang susa münchang.

2 PUKAX-PANGAO 13:7

Ofüima chixe laxli chitüikya khünakbu asüi ilaxle ibue hwome thütkya mokle tsuak angkya, Solomon sasün Rehoboam atsangpu. Ipongma Rehoboam a naosa ma chem lüichu matsingle changkya khoma hwome atsangkya mwot chimokle aba ang chitho.

2 WANGHOMBU 17:21

Jowanpae Israel nok Judah angkya ahan füima, Israel noke Nebat sasün Jeroboam hwom wanghompa ang zing. Jeroboam-e hwom ang Jowanpa danle tox ang tom ilaxle khomtsikya ochax lom to hwom alyet.

2 SAMUEL 23:6

Ikoxle Zang chitüikya khünakbu a tswonle awütkya huxbu ningle changpu; chak tata füi ibu to owaechu twon ang chitho.

1 SAMUEL 25:25

Nange Nabal kax jaojao to na taxtha; chix a tütali to chu müikya khünak münchang! Chix a chix mün jaojaole ongat changpu! Nang dapa nguipongma ku hom ma münasu changkox a.

1 SAMUEL 10:27

Ikoxlechu laxli chitüikya khünakbue thüi: “Ija mixsüne kem ang chemfün amüile tsuaküi?” Hwome Sol ajao ilaxle chix hato hingho-najo chemchu chiapüi.

TSAITONG-KAXTONG 4:19

Hünzome ding to ngünkya: lyetnu, zanghan hia lyettsibu to shwom angkya thwontsing ma hato hüi ang taxtom. Jowanpa hünzom Zang-e ibu bama khünakbue shwom angkya hanpakma fawüi.

TSAITONG-KAXTONG 13:12

“Chemtue hünzom a Jowanpa hünzom Zang-e hünzom ang koxkya tingnubu ma ngole changüihex, hünzome atat ang tsuaküi,

TSAITONG-KAXTONG 13:14

Iningkya khualop zangwün hünzome jangatat, ija otong tikle lomkox; ilaxle iningkya ochax mwot chimokkya khato khualople zangwün atsatkya changpule awan ang kopkya zuma,

TSAITONG-KAXTONG 17:4

Hünzome iningkya zangwün atatle jangchang thüiningle ija bama otua müile lomlax. Ija zangwün otsing tomtata ang chang ilaxle Israel khama iningkya ochax mwot mokle changdaongünale awan ang kople jangchang,