TSAITONG-KAXTONG 13:1 - OTSAO BAIBEL (BSI)

¹ “Aje tuita chichangba wünmang taipupae ohünotün chichangba khomtsikya kaxbu akax koxlax, ikoxlechu

TSAITONG-KAXTONG 13:1 ပူးပေါင်းရင်းမြစ်များ

1 JUHAN 4:1

Kutüi kunaohom, chasa tüipule athüithüi nok to taxong, ikoxle hwom ma tüikya chasa Zang tokhange hüikya changcha hex le wanle anolax. Chemthüikoxle othai ajebu pangkha towüi paoüna.

JEREMIA 29:8

Hünzom ngole tüikya khato, füichi hanpakma hwome ngaile fa ang thoüile akaxkya ajebue hünzom dyenlale chichang angkya bama Jowanpa, Israel nok Khüthak Zang, kue hünzom ang kaxkhün koxpu. Hwom wünmangbu to nathale taxchang.

JEREMIA 27:9

Hünzom ajebu chichangba owawae wünmang makhange chichangba lwompu chasabu nyakle apüilaxle chichangba chajik-muashem mwot makhange jekax akax ang thole le wünlaxpuix, khünak ibu kax to taxapa. Hwom pangwüie hünzom ang Babilon nok wanghom chak to koxle chichang angkya akaxle.

ISAIA 9:15

Zunu-zupa hia tüichong mixmüibu a okhang: ilaxle othai hwon-nwot apüikya ajebu a omüikuachi changüi!

1 WANGHOMBU 13:18

Ipongma Bethel angkya azupa aje-e thüi: “Ku chuwüi nang lailaikya ajepa tuita changpu, ilaxle Jowanpa kaxtaimixe nang a ku hom to se ilaxle fong asüt angkya ku füi akaxle changdaoa.” Ikoxle ija azupa aje a atsingle akaxkya changkya.

2 THESALONIKA 2:9

Ija chisumüikya mix bao zong füi nguiüi ilaxle othai ohünotün ilaxle abütkyabu mwot moküi,

KAXHO MÜIKYA LUK 6:26

“Ongai khünake hünzom mo amüile wün üihex, maxsax; othai ajebu hanpakma hopu hopa hwomechu ile wüi akaxdaopu.

MARK 13:22

Chemthüikoxle othai khristabu tamchu othai ajebu tüle lwonüi; ilaxle jangtsuakba otsao khünakbu ngaxchu dyen tsuak angkya kuxma hwome münwan hia ohünotünbu tüle ahoüi.

MATHI 24:24

Chemthüikoxle othai Messaiah hia ajebu lwon angkya changle; jangtsuak thüiningle Zange zünle kopdaokyabu ngaxchu dyen angkya hanpakma hwome münwan chongkya hia ohünotün mwotbu mok angkya changle.

MATHI 24:11

Ija füima othai ajebu huanuma lailaxle khünaknu dyenüi.

MATHI 7:15

“Othai ajebu, opange hünzom hato chun khwone khwop laxle hüipuix, ibu hanpakma khünzai lax; chemthüikoxle hwom kün-mong a tuita shixkya shwon ningle tüile.

ZEKARIA 13:4

Ija tunu nguile hüisheme, aje owachu mae ngünkya bama tsaichong-kaxbongle chang angkya müntüi. Chixe aje ningle mokle aho tamchu khünaknu dyen angkya hanpakma ajepa hwom za-pua laxle chang angkya mwot chemchu müntüi.’

ZEKARIA 10:2

Khünaknue jenu-shipa hia chapabu ma tiktole changtüia, ikoxle hwome kopkya kaxlan a chemchu chichangkya othaibu. Züizüie wünmang taile ikoxlechu ija a othai lom to nang zun angkya hanpak zaza; hwome koxkya mongsom ma laxli chemchu müntüi. Ikhoma khünaknu a chun samkya lailaile samle aham ngopu. Hwom a thama ma tüile chemthüikoxle hwom ang lompa müntüi.

EZEKEL 13:23

Athaxpi hünzome othai mikngün ngünle ngokya hia othai ajele ngokya zangwünbu pangwüi kaitox daoa. Kue hünzom chak tokya ku khünakbu sünle koppu, ikoxtix hünzome ku a Jowanpa changle le awan ang kopüi.”

JEREMIA 23:11

Jowanpae thüile: “Ajebu hia zompu-zangpabu ma Zang müntüi; kue hwom a Zangshwom-Hom jaoma ochax mwot mokle ngokya kue lople.

JEREMIA 6:13

Khünak pangnusae, chongkya-hixkya noke, huxtsing-loptsang lom tokhange ngun-syen athün ang azongle; ile ajebu hia nguapabue ngaxchu wüi khünaknu dyenlale changle.

2 PITAR 2:1

Kaikya khünaknu tu ma othai ajebu lai, ilailaile hünzom khamachu othai nwotmixbu lai angkya changle. Hwome max angkya othai hwon-nwot lai ang tomüi, üntoxle hwom shakle kopkya hopupa müntsing hex le thüiüi, ile alüile osünto ma max angkya thama apüiüi.

JEREMIA 29:24

Jowanpa, Israel nok Khüthak Zang-e Nehelam angkya Shemaiah hanpakma kaxho fale. Chix a, Jerusalem angkya khünaknu hato, Maseiah sasün nguapa Zefaniah hato ilaxle zompu-zangpabu pangnusa hato ma mün ma alüile laiza ahüikya mix changle. Ija laiza ma Shemaiah-e Zefaniah hato laiza ile za:

TSAITONG-KAXTONG 18:20

Ikoxle kue chiwünkya kax ajepa owawae ku mün lünlaxle wünle jangchang, ija khoma kue chix mik max ang tomüi; iningkya mama baozangbu mün ma zangwünkya aje mamabu chuwüi mik max ang tomüi.’

JEREMIA 23:32

Jowanpa, kue akaxkya zangwün to apalax! Kaxthai zangwüne awangle tüikya wünmang kax akaxkya ajebu zongto ku a zanpa tuita changle. Hwome ibu wünmang baozangbu wün ilaxle ibu hwom kaxthai zangwün hia tsaichong-kaxbongkya zangwünbu füi hwome ku khünaknu lomnong to zunle paole. Kue hwom chiapao chichangba pao angkya kaxtom chifa, ilaxle khünaknu zongto hwom a chemchu chichang. Ija kax, Jowanpa kue akaxdaoa.”

JEREMIA 29:26

“Jowanpae nang a Jehoiada man ma nguapa ang zingpu, ilaxle athax nang a okax-okhobu khama Zangshwom-Hom ma alixachong tuita. Owawa ngatnguile aje tuita ningle ahokya mix koplaxle dingkux ma jankan lang ilaxle janbüi füi khale kop angkya a nang mwot changpu.

TSAITONG-KAXTONG 4:1

Ifüima Mosa-e khünaknu ang thüi: “Kue hünzom ang anwot-anole ngokya wanlombu pangwüi kax ma laxle tüilax, ilaxle hünzome, Jowanpa, hünzom putong hwom Zang-e hünzom ang koxle ngokya haxtok kop ang thoüi.

TSAITONG-KAXTONG 4:2

Kue hünzom ang fakya kaxtom boma janbo taxtüi ilaxle ikha angkya tütalichu awütle taxchang. Kue hünzom ang fadaokya Jowanpa hünzom Zang kaxtombu kax ma laxle tüilax.

1 WANGHOMBU 13:19

Ikhoma Judah nok tokya ajepa ija azupa füi tomle chix hom to ngui ilaxle chix füi tomle fongsax.

WANWÜNKAX 30:6

Chixe chiakaxkya to nange akaxdaoale thüi angkya jangtüi, chixe nang to saüi ilaxle nang a atsepule ahoüi.”