TSAITONG-KAXTONG 12:9 - OTSAO BAIBEL (BSI)

⁹ chemthüikoxle hünzom tumüi-lomkhaole mongsom ma ngo angkya kha haxtok oja Jowanpa hünzom Zang-e hünzom ang koxle ngopuix, hünzom a athax kople ija haxtok to mangui.

TSAITONG-KAXTONG 12:9 ပူးပေါင်းရင်းမြစ်များ

1 WANGHOMBU 8:56

“Chixe koxüihex-ole tsaokya tumüi chix khünaknu ang koxkya Jowanpa achuak-achen kox. Chixe chix dapa Mosa makhange koxüihex-ole tsaokya chingcha kaxtsao pangwüi koxdaoa.

MÜNCHUAK-TSAI 95:11

Ku ang mongtsik ilaxle otsingtomtata ma tsaotsüt: ‘Ojong khato kue hünzom ang nazak koxse hex ija haxtok to hünzom a chemtuechu ngui ang müntom.’”

TSAITONG-KAXTONG 25:19

Idaile chemtue Jowanpa hünzom Zang-e hünzom ang ija haxtok koxlaxle, ikhato hünzom akhople tüikya zanpabu chak tokya hünzom azangle ngotsuak ang tomüihex, ipongma Amalek nok komkaile lang angkya wüi changle. Ile changkox tix owaechu hwom tamchatle texle chiataküi. Ija taxalak!

MIKA 2:10

Zolax üntoxle paolax; ikhama athax hünzom hanpakma azang angkya onui müntüi. Hünzom ochaxe ijakha a olithukya thama adündaoa.

1 PUKAX-PANGAO 23:25

Dawid-e thüi: “Jowanpa, Israel nok Zang-e chix khünaknu ang mongsom fadaoa, ilaxle chix jaojao Jento Jerusalem ma ngoüi.

TSAITONG-KAXTONG 3:20

Jowanpae hwom ang koxkya haxtok, Jordan zongma hannopchi kao haxtok kople matsuak tanto tamchu ikhato hünzom ang koxpupule ikhato Jowanpae hwom künsom-mongsom ma ngole chang ang makox tanto ibu to asun-azule changkox. Ifüima kue hünzom ang koxkya haxtok ikhato hünzom chat ang tsuak.’

TSAITONG-KAXTONG 4:21

Hünzom khoma hexle Jowanpa ku füi mongtsik ilaxle ku a Jordan shua tale, chixe hünzom ang kox angkya haxzao füikya haxtok to münnguipu-ole ngaidaoa.

TSAITONG-KAXTONG 12:8

Chemtue ija hanpak nguile hüipuix, izuma hünzome mokle ngokya ningle taxmok. Athax kople hünzome ma mongtextex to shwom-to le hüipu,

JIHUSUA 11:23

Jowanpae Mosa ang kaxtom koxkya ningle Jihusua-e ibu haxtok pangwüi laxtsuak. Jihusua-e ibu Israel nok ang mating-matok ang lax ang kox ilaxle hwome homjen-homjen to ma haxtoktokle ahanle lax. Ile khünaknu achax-azanle ngokya zakle ashuk.

JEREMIA 31:2

Sak-hax to chizile azangkyabu hato kue chingcha ahopu. Chemtue Israel khünaknue nazak laxse sungpuix,