TSAITONG-KAXTONG 12:7 - OTSAO BAIBEL (BSI)

⁷ Jowanpa Hünzom Zang, owae hünzom to mohimanpuix, ikhato hünzom tamchu hünzom haxnu-homsabue mae mokle alaikya sütmüi-lingma saxlaxle mongmüi-pwonlale ngoüi.

TSAITONG-KAXTONG 12:7 ပူးပေါင်းရင်းမြစ်များ

TSAITONG-KAXTONG 12:18

Hünzome tamchu hünzom naosombue, hünzom dabu hia hünzom tingnu ma ngokya Liwi hwom chuwüi womle, ibu tö a, Jowanpa hünzom Zang-e chix to shwom-to ang zünle kopkya onui tuita, ojongkha ma chix ngole tüipuix, ikhama sax ang tsuak. Ilaxle, ikhama hünzome chempang mokpuix ibu füi hünzom ang mongmüi angkya oli changpu.

TSAITONG-KAXTONG 14:26

Hünzom monge atsutsu shaklax: maihu-müi, chun-müi grep-ti ibu ningkya: ilaxle ikhato Jowanpa hünzom Zang pomtho ma, hünzom tamchu hünzom haxnu-homsabue ibu saxle changkox ilaxle mongmüi-pwonlale changkox.

LIWI 23:40

Ija nyix hünzome ma pün angkya pünziakbu sümüimüi laxlax, pün okangbu hia ochak-mua füikya pünkangbu laxlax, ilaxle hünzome Jowanpa achuak-achenle zanglom pangpwon owang wanglax.

TSAITONG-KAXTONG 12:12

Ekha chix ngwotnui ma mongmüilax, hünzom naosombu, dabu ilaxle hünzom tingnu ma tüikya Liwi hwom pangnusa füi wonmüi-samale changlax; Liwi hwom ang haxtok süntswon müntüi, ija ajangle koplax.

FILIPI 4:4

Jowanpa füikya notom ma hünzom jento mongmüi le ngohüi, anaolechu kue thüipu, mongmüihüi!

TSAITONG-KAXTONG 27:7

ilaxle ikhama tö koxle changüi üntoxle hünzom notom tusüi tö koxkya saxüi ilaxle Jowanpa hünzom Zang tunthoma mongmüi ang tomüi.

TSAITONG-KAXTONG 15:20

Zanglao foto nang üntoxle kako homkha pangnue ibu a Jowanpa to shwom angkya onui tuita ma chix pomtho ma sax angkya changle.

TSAITONG-KAXTONG 14:23

Ifüima onui tuita, ojongkha, Jowanpa hünzom Zang-e chix to shwom angkya zünle koplax puix; ilaxle ikhato chix pomtho ma hünzom saxziak, grep-ti, olip-münga ilaxle owangpa ma puxkya maihu hia chun hosa, ibu bünfong saxlax. Jowanpa hünzom Zang jento achuak-achenle chang angkya awan ang hünzome ija moklax.

WANGSHEMBU MWOT 2:46

Üntoxle mong tuita ang achang laxle Zangshwom-Hom to nyixfole nui. Üntoxle homkha ma tomwüi süt-sax, mongmüi pwonla füi tamchu mong jonai ma hwome fongsax.

MALAKI 2:13

Ija hünzome mokkya mama mwot. Hünzome chix hato apüikya tö otuechu chixe pongle chikop. Ikhoma Jowanpa tö-tsap a sopkya hia mongmakya mikfi füi sing ang tomdaoa.

ISAIA 23:18

Thalex laxle she-e kopkya ngun a Jowanpa hanpak ang atsaole danüi. She-e ija athünle münthomüi, ikoxle Jowanpa to shwomkya khünakbue hwom hanpakma laxsese süt hia nyizabu shak ang twonüi.

TSAITONG-KAXTONG 26:11

Jowanpa hünzom Zang-e nang üntoxle hünzom kako ang müikya jali chempangsa koxpuix, ibu hanpakma Jowanpa füi mongmüikya tüikox; ilaxle hünzom tingsho ma tüikya Liwi hia püntüibu hünzom füi ija fongkhat ma wom ang laxkox.

TSAITONG-KAXTONG 12:8

Chemtue ija hanpak nguile hüipuix, izuma hünzome mokle ngokya ningle taxmok. Athax kople hünzome ma mongtextex to shwom-to le hüipu,

TSAITONG-KAXTONG 28:47

Jowanpae hünzom to pangnu lom ma mohimanle changdaoa, ikoxle hünzome mongmüi-pwonlale künkox-mongkoxle chix tho chitha.

NEHEMIA 8:9

Wanlome lomkya hwome atatle laxkya zuma, khünaknu mongto po ilaxle hwom a sop ang süt. Ikhoma Gowarnor Nehemia, nguapa hia Wanlom tsingpa ang ngokya Izra, ilaxle khünaknu hama Wanlom akhixle wünle fangtokya Liwi khünakbu, hwome khünaknu ang thüi: “Anyix a Jowanpa, hünzom Zang hanpakma otsao nyix changle, ikhoma hünzom a sop angkya oli münchang.

HWON-NWOT-JAONO 3:12

Idaile kue texpu, keme moktsuak angkya oli a mongmüile ngo angkya ilaxle ozün ma tüipongma tsuakkya tukuxle müile mok angkya, ijatix changpu.

HWON-NWOT-JAONO 3:13

Keme mokkya mwottho ma kem pangwüi sax-lingle tamchu mongmüi-pwonlale sax-mok angkya changpu. Ija a Zang hingho changle.

HWON-NWOT-JAONO 5:18

Kue atatkya ikhama tüile: keme moktsuak angkya sümüikya mwot a: saxkox laxkox üntoxle mongmüikox ilaxle mazi tanto Zang-e keme ang koxkya mwot füi mongmüi-pwonlale ngokox; ija a kem osho changle.

JOEL 1:16

Kem saxziak komkaile ama füima mongtex samle keme hungopu. Kem Zang Zangshwom-Hom ma mongmüi ojao müntüi.

JOEL 2:26

Athax a hünzom huanuma tüinangle ngoüi, ilaxle okhonguile changüi. Hünzome Jowanpa hünzom Zang achuak-achenle changüi. Chix a hünzom hanpakma ohünotün mwot mokle fakya Zang changpu. Ku khünakbu tamchatle thajao-wünhai ang müntom.

1 PUKAX-PANGAO 29:22

Ija nyix hwome Jowanpa tunthoma sax-lingle chang ilaxle hwom ang mong tüle müi. Anyi-lükya ma hwome Solomon a wanghom ang achangkya khuapu. Jowanpa mün ma hwome chix to münga füi lile kox, ile wanghom ang kam ilaxle Zadok a nguakho ang kam.

ISAIA 62:9

Ikoxlechu hünzom ija sozam küi-thwomle changkyabu Hünzome tix ija an saxüi ilaxle Jowanpa achuakle changüi. Hünzom opange grep manzai laxle ibu oziak khaile asoxpuix Hünzome tix ku khwa ma ija grepti-ju ling angkya changpu.”

EZEKEL 44:3

Apünle ngokya wanghom, ku ngokya khama otsao fong sax ang nop ang tsuak. Chix a nopüi ilaxle ikoxle homzong ma tüikya nui to leüi fülom makhange chix laile paoüi.”