TSAITONG-KAXTONG 12:6 - OTSAO BAIBEL (BSI)

⁶ Ikhama hünzom zokle ashunkya hünzom töbu tamchu mama töbu chuwüi koxüi, ibu a hünzom bünfong hia hünzom töbu, chempang hingho hünzom Jowanpa ang koxüile tsaolaxpuix, küntsu-monglua to koxkya töbu tamchu hünzom osu-maihu hia chunbu khama owangpa ma puxkyabu, ibibi.

TSAITONG-KAXTONG 12:6 ပူးပေါင်းရင်းမြစ်များ

KAXHO MÜIKYA LUK 18:12

Hatdang to kue anyi pongma chisax chilingle atsaole joppu; kue akopkop pangnu li angkya bün ma thomta nang ang danpu.’

KAXHO MÜIKYA LUK 11:42

Hünzom farisibu, hünzom maxsax! Chemthüikoxle hünzome suingan hia büza üntoxle mama suilai oli pangnu akiakle Zang mün ma bün ma thomta koxpu, ikoxle otya ma kaxfünkya hia Zang mongkün hünzome awütle toxpu. Ibu mokkya hünzome mamabuchu wüi awütle chitoxle mok angkya oli changle.

MALAKI 3:10

Zangshwom-Hom to hünzome bünfong anguile apüihüi, ikoxtix ikhama süt okhonguile tüingoüi. Kue zangkangting fülom daplaxle müikya oli pangwüi okhonguile hünzom ang thokle chikox hia koxkox, ku to thwontsingle anohu.

MALAKI 3:8

Kue hünzom ma atüifang, khünake Zang dyenla angkya olom changcha? ‘Chemle?’ hünzome atüi. Ija a bünfong hia töbu koxkya ma changle.

EZEKEL 20:40

Haxtok chukhato, ku otsao haxnukho ma, Israel ma atsuakya haxnukho ma, Israel khünak hünzom pangnusae ku to shwom angkya changle. Ku ang hünzom füi mongmüiüi, ilaxle hünzome ku hato sümüikya töbu, hünzom töbu amüikya hia hünzom otsao hinghobu apüile kox angkya changle le mongongkya tüiüi.

TSAITONG-KAXTONG 26:2

puatakle laodong pongma pongwang angkya puamün wünkya nua ma sholaxle noknusae wüi zangshwom angkya nui to apüi angkya oli changpu.

TSAITONG-KAXTONG 12:17

Hünzome Jowanpa ang koxkya oli chemchu hünzom ngwotnui to sax angkya oli münchang; hünzome tö ang koxkya saxziak, grepti-ju, olip-münga ilaxle pongwang ma puxkya osu-maihu hia chun hosabu chemchu ilaxle hünzome Jowanpa ang tsaosaxlaxle koxkya hingho, hünzome ma küntsu-monglua to koxkya tö ilaxle mama tö chemchu ma hom ma sax ang müntho.

LIWI 1:3

Tö a müizyem kha angkya zokle kox angkya tö hanpak jangchang thüiningle, chixe ofwot chitüikya müi ola kox angkya changle. Jowanpa tunthoma ija ma khülüix ma pongle kop angkya hanpakma, chixe ija Jowanpa Ngwotnui Nyihom pomtho to apüiüi.

JIHUSUA 22:27

hünzom hia kwom, kem bama tamchu kem füima füichi-naoli hwom tsün thoma, kwome Jowanpa to chix Nyihom ma zokle ashunle tö koxkya hia notom-tusüi töbu koxle otsao nui ma Jowanpa to shwomkya changtomtapu lükya münwan tuita ang naxngolax ang tamchu hünzom tokfüi ma, füisu füisabue kwom ang Jowanpa füi tüta mok angkyachu müntüile akax angkya kaxlom naxtsyen ang mokpu.

1 SAMUEL 1:24

Ija nao hamtsuakle tsongle hüikya füima Hanah-e chix a Shiloh to pao. Chix füi tomle tuita zanglao azom nguidaokya maihupongpa, ankhix tuakbün, ilaxle müikhwon nyitsong tuita ma awangle grepti-ju, ibu laxlaxle pao. She-e Samuel a naosa ma tüitanto wüi Shiloh to Jowanpa hom to apüi.

IZRA 3:2

Jehuzadok sasün Jihusua, chix füikya nguapabu, Shealtiel sasün Jerubabel, chix füi tomle chix haxnu-homsabu, hwome Israel nok Zang tö-tsap tamchatle zingle tsuak. Ikhoma Zang khünak Mosa Wanlom ma tüikya ningle hwome ibu tö-tsap ma töbu zokle ashunle kox ang tsuakle hüi.

NEHEMIA 10:39

Israel khünaknu hia Liwi hwom pangnusae wüi, grep-ti, olip münga ibu a, Zangshwom-Hom tiklakbu thomle tüikya pung, nguapabu mwotmok nui to apüile kox angkya changpu, Zangshwom-Hom nyetmixbu, ilaxle Zangshwom-Hom ma tsaipabu hwom ang mahom-mahom tüikya. Kwome kwom Zang hom otuechu chie-chise le müntox.

1 SAMUEL 1:21

Anaole Elkanah hia chix homkha ang Shiloh to paolaxle Jowanpa ang zangpua tö hia chixe tsaosaxkya ataxkya tö, ibu kox angkya hanpak nguile hüi.

2 PUKAX-PANGAO 7:12

Jowanpa a chix hato zangnak ma ngai. Chixe Solomon ang thüi: “Kue nang zangjop atatdaoa, ilaxle ija Zangshwom-Hom a ku ang kox angkya onui tuita ang pongle kopdaoa.

2 PUKAX-PANGAO 31:14

Imnah sasün Kore, Liwi sün tuita owa Zangshwom-Hom Handünchi Fülom nyetmixbu khama akhokya changkya hex, chix ang Jowanpa hato apüikya hingho ibu pongle kop angkya hia ahanle kox angkya hünlit kox.

NEHEMIA 10:36

Kwom ang puxkya tüichongsasa nguapabu hato Zangshwom-Hom to apüiüi ilaxle ikhato Wanlom ma tüikya ningle, ija sasün Zang hanpak ang atsaole koxüi. Kwom maihu hosa puxkya pongwang angkya chuwüi Zang hanpak ang atsaole danüi, ija ningle chun hosa hia zwon hosabu chuwüi atsaole koxüi.

MÜNCHUAK-TSAI 116:17

Kue nang ang münchong fakya tö tuita koxüi ilaxle ku zangjop tö nang ang koxüi.