TSAITONG-KAXTONG 12:5 - OTSAO BAIBEL (BSI)

⁵ Hünzom haxtok pangnu khama, ikhato pangwüi nguilaxle chix shwom angkya hanpakma Zang-e onui tuita zünle kopüi.

TSAITONG-KAXTONG 12:5 ပူးပေါင်းရင်းမြစ်များ

TSAITONG-KAXTONG 12:11

Jowanpae chix to shwom angkya onui tuita wüi zünüi, ilaxle hünzome ang kue kaxtom fale changdaokya ningle, hünzom töbu pangwüi ikhato apüi angkya changpu; zokle ashunkya tö, müi langle tö koxkyabu, hünzom bünfong ilaxle hünzom chak angkya tö ilaxle hünzome Jowanpa ang koxüihex-ole tsaosaxdaokya mama hinghobu pangwüi apüi angkya changpu.

TSAITONG-KAXTONG 26:2

puatakle laodong pongma pongwang angkya puamün wünkya nua ma sholaxle noknusae wüi zangshwom angkya nui to apüi angkya oli changpu.

2 PUKAX-PANGAO 7:12

Jowanpa a chix hato zangnak ma ngai. Chixe Solomon ang thüi: “Kue nang zangjop atatdaoa, ilaxle ija Zangshwom-Hom a ku ang kox angkya onui tuita ang pongle kopdaoa.

TSAITONG-KAXTONG 16:2

Jowanpa hünzom Zang ang münchong fale achuak-achen angkya hanpakma jongtakha zangshwomnui to paolax ilaxle ikhato hünzome Kaitox Pangpwon hanpak ang chun chichangba maihu ibu langlax.

1 WANGHOMBU 8:29

Ija Zangshwom-Hom to zangnak zangngaile nyele ngohüi. Ija a nang to shwom angkya hanpakma nange zünle kopkya onui changle. Ija Zangshwom-Hom chito hulaxle kue zangjop pongma nange ku to apahüi.

MÜNCHUAK-TSAI 78:68

Itülüi chixe Judah homjen wüi zünle kop üntoxle chixe mongbakle koxle künkya Zaion Haxnu wüi zünle kop.

TSAITONG-KAXTONG 12:13

Hünzome hünzom töbu mamong atsutsu khato kox angkya le münchang;

KOLOSI 2:9

Chemthüikoxle Khrista ma tamchu chix khünak ang achangkya ma Zang jaopo komle tüile,

1 WANGHOMBU 8:27

“Ikoxle, O Zang, nang a chaxwannu ma ngo ang tho ang chami? Zangdingkho ibibi ma ngaxchu nang shatang onui chitüi, idaile kue zingkya Zangshwom-Hom tomning nguiüi hia?

1 WANGHOMBU 8:20

“Ilaxle athax Jowanpae chix kaxtsao thom. Kue Israel ma apa man ma wanghompa mantswon ang kop, ilaxle Jowanpa Israel nok Zang to shwom angkya hanpakma Zangshwom-Hom zaile alaidaoa.

1 WANGHOMBU 8:16

‘Kue ku khünaknu Ijip nok tokya apüikya makhange, Israel haxtok ma ijongkha ma Zangshwom-Hom zailaxle ku to shwom angkya hex-ole kue tingnu tuita chu zünle chikop. Ikoxlechu, Dawid, kue ku khünaknu thakma apün angkya hanpakma nang zünle koppu’ le thüikya chix tsaotsüt otya ma thom.”

IBRI 12:22

Itülüi, hünzom Zaion haxnu üntoxle ozün ma tüikya Zang tingsho, hajat-hajat kaxtaimixbu füi tüikya zangkangting Jerusalem to ngui.

HUAKE LAIPEX 7:89

Chemtue Jowanpa füi zangwün ang Mosa Nyihom to dongpuix, ipongma ozang füikya zünmok anyi otanti ma Tsaotsüt Suak ding ma atsople thomkya wün makhange Jowanpae chix füi zangwünkya atat.

1 PUKAX-PANGAO 22:1

Ikhoma Dawid-e thüi: “Jowanpa Zangshwom-Hom zai angkya onui a ikha changle. Israel khünaknue zokle ashunle tö kox ang tö-tsap ima tüikoxle müiüi.”

1 WANGHOMBU 14:21

Solomon sasün Rehoboam, Judah ma wanghom ang achang pongma zanglao 41 nguile changdaokya, ilaxle chixe Jerusalem ma zanglao 17 apün. Ija tingnu a Israel haxtok khama, ikha makhange chix to shwom angkya hex-ole Jowanpae zünle kopkya tingnu tuita changkya. Rehoboam honu a Amon nok tokya Naamah changkya.

JIHUSUA 18:1

Hwome haxtok bakle lüttsuakkya füima Israel khünak pangwüi Shiloh ma asox ilaxle ikhama Jowanpa ngwotnui Nyihom tuita ajong.

LAIPAO 25:22

Nang füi ku ikhama apongüi, ilaxle chingcha ngwotnui dingma, Cherubim nyi ba makhange, Israel khünaknu hanpakma wanlom pangwüi kue nang chak ma atwonle koxüi.

JIHUSUA 9:27

Ifüi tomle chixe hwom a da ang zing. Israel khünakbu tamchu zangshwom-hom hanpakma hadün-tikhole chang angkya mwot hwom ang kox. Anyix kople ibue ija mwot, Jowanpa chix to shwom-tö le chang ang zünle kopkya haxmik-longkho ma hwome ile wüi mokle hüile.

LAIPAO 15:2

Jowanpa a kutsak-kuzong tamchu ku kho-awapa; Ku khosünle kopkya a chix changpu. Chix a ku Zang, kue chix achuaküi, ku apa Zang, kue chix chongkya achuakle tsai ngaoüi.

MIKNGÜN-OHÜN 14:1

Ifüima kue hukoxle Zaion haxnu ma Chun Hosa ajongle ngokya ngün. Ma khangpong ma chix mün üntoxle Hopa mün zalaxle tüikya 144, 000 khünaknu chix füi tüikya.

LAIPAO 20:24

Ku hanpakma hax makhange tö-tsap tuita zinglax, üntoxle ija dingma hünzome chun hia maihubu langlaxle, zokle ashunkya tö ilaxle tumüi tö, le koxhüi. Onui ojongpang to kue ku shwom angkya hanpak süile changüihex, ikhato ku nguiüi ilaxle hünzom to mohimanle changüi.

TSAITONG-KAXTONG 12:4

Jowanpa hünzom Zang a ibu khünakbue hwom baozangbu to shwomkya lailaile taxshwom.

TSAITONG-KAXTONG 12:18

Hünzome tamchu hünzom naosombue, hünzom dabu hia hünzom tingnu ma ngokya Liwi hwom chuwüi womle, ibu tö a, Jowanpa hünzom Zang-e chix to shwom-to ang zünle kopkya onui tuita, ojongkha ma chix ngole tüipuix, ikhama sax ang tsuak. Ilaxle, ikhama hünzome chempang mokpuix ibu füi hünzom ang mongmüi angkya oli changpu.

TSAITONG-KAXTONG 14:23

Ifüima onui tuita, ojongkha, Jowanpa hünzom Zang-e chix to shwom angkya zünle koplax puix; ilaxle ikhato chix pomtho ma hünzom saxziak, grep-ti, olip-münga ilaxle owangpa ma puxkya maihu hia chun hosa, ibu bünfong saxlax. Jowanpa hünzom Zang jento achuak-achenle chang angkya awan ang hünzome ija moklax.

TSAITONG-KAXTONG 14:24

Jowanpae mohimankya kha angkya bünfong apüi ang, Zang to shwom-to angkya nui tsailo towüi jangchang, ija ningle moklax:

TSAITONG-KAXTONG 15:20

Zanglao foto nang üntoxle kako homkha pangnue ibu a Jowanpa to shwom angkya onui tuita ma chix pomtho ma sax angkya changle.

TSAITONG-KAXTONG 17:8

“Züizüi zangwün a tingpu kaxfünmixbue fün-wün ang chithole chu tüiüi, thütba: tingtok ba angkya zangwün. Chemtue iningkyabu zangwün tsaitsat-kaxtsale changüihex, Jowanpa hünzom Zang-e chix to shwom-to le chang angkya onui jongtakha zünle thomkya khato nguikox;

TSAITONG-KAXTONG 31:11

Zangshwom angkya nui jongta khama asoxle nguipongma ija a Israel khünaknu ang e-le laxkox.

JIHUSUA 22:11

Israel nok mamabu ang thüi: “Apalax! Reuben, Gad hia Handün Manasseh homjenbue Galiloth ma tö-tsap tuita zingdao; ija a Jordan shuakax kemchi kao ma changle!”

IZRA 3:2

Jehuzadok sasün Jihusua, chix füikya nguapabu, Shealtiel sasün Jerubabel, chix füi tomle chix haxnu-homsabu, hwome Israel nok Zang tö-tsap tamchatle zingle tsuak. Ikhoma Zang khünak Mosa Wanlom ma tüikya ningle hwome ibu tö-tsap ma töbu zokle ashunle kox ang tsuakle hüi.

IZRA 6:12

Zang owae chix to shwom-tö angkya hanpakma onui ang Jerusalem zünle koplax puix, chixe wüi, opange ija kaxtom kax ma chilaxle tüilaxpuix tamchu ikha angkya Zangshwom-Hom ama ang azong laxpuix, ibu wanghombu hia jat-libu to lütle naxchang kox. Ija kaxtom, Dairas, kue koxdaoa. Ija ku kaxtom komkaile apa angkya wüi changle.”

IZRA 7:17

“Hünzome ngun ibu khünzaile twonüi ilaxle maihupongbu, chunlabu, chun hosabu, saxziakbu ilaxle grep-tibu, ibu pangwüi shaküi ilaxle Jerusalem angkya Zangshwom-Hom ma tüikya tö-tsap ma ibu tö koxüi.

JEREMIA 7:14

Ikhoma kue chemle Shiloh to hwonpuix ija ningle, hünzome mongongle ngokya ku Zangshwom-Hom to kue hwonüi. Ijongkha oja kue hünpu-hünpa hwom ang tamchu hünzom ang koxle thompuix, itochu kue Shiloh to hwonpupule hwonüi.

JEREMIA 26:2

Jowanpae ku füi akax: “Zangshwom-Hom khwa ma ajongkox ilaxle Judah tinglongbu tokhange nguilaxle ikhama zangshwomle changkya khünakbu füi akax angkya kaxtom kue chempang koxdaopuix ibu pangwüi apuk-kox. Oli tuita chu danle taxtox.

TSAITONG-KAXTONG 16:7

Müi a huakle atsanlaxle zangshwom angkya onui jongtakha ma saxlax, ilaxle ofüinop a hom to chatlax.

TSAITONG-KAXTONG 16:11

Jowanpa pomtho ma hünzome masu-masabu, dabu, Liwi hwom, püntüibu, zomnu hia khaxsabu, opangsa hünzom tingnu ma ngole tüipuix, hwom pangnusa füi tomle mongmüi-pwonlakya tüikox. Ija a zangshwom angkya onui jongtakha ma moklax.

TSAITONG-KAXTONG 16:15

Zangshwom angkya onui tuita ma nyix-anüt hanpak laxle ija pangpwon saxle nuikya füi Jowanpa hünzom Zang achuak-achenle changkox. Tüle pwonladongle mongmüikox, büthüikoxle Jowanpae hünzom manzai hia hünzom puamün to mohimandaoa.

TSAITONG-KAXTONG 18:6

“Israel nok tingnu ojongjong tokya Liwi sün nguile jangchang, tamchu chix ang mongtsukya tuita jangtüi, jongtakha zangshwom ang süile thomkya onui to paolaxle

2 WANGHOMBU 18:22

Ija Asiria nok nguakax-wangkhoe chizakle akax: “Chichangba nange, Jowanpa, nang Zang to mongongpule ku hama akaxüi hia? Judah hia Jerusalem ma tüikya khünaknu ang Jerusalem tö-tsap tata ma tix tö koxle chang angkya oli changpule akaxlaxle, Hezekiah-e pünle amakya zangshwomnui hia tö-tsap ibu a Jowanpa kux changkya.

NEHEMIA 1:9

Ikoxlechu hünzom ku hato künlop-monglüile janghüi tamchu kue kaxtom fakya kax ma laxle jangmok thüiningle, hünzom chaxwan tok to chiakle tüikoxlechu, kue hünzome zangshwom angkya hanpakma zünle thomkya onui to hünzom tamchatle ngui ang tomüi.

JEREMIA 7:12

Shiloh to paolax, owangpa ma zangshwom nui ang kue zünle kopkya tingnu changpu, ilaxle hulax, ku khünaknu Israel nok ochaxbu khoma kue ija tingnu to chemle hwonpuix.