TSAITONG-KAXTONG 12:31 - OTSAO BAIBEL (BSI)

³¹ Jowanpa hünzom Zang to hünzome ibu noke hwom baozangbu to shwomkya lailaile taxshwom, chemthüikoxle ibue hwom baozangbu to shwomle changpongma Jowanpa ang nushix dongkya olom pangwüi twonle. Hwome hwom tö-tsap angkya wün ma masu-masabu ngaxchu tö ang koxle zokle ashunle.

TSAITONG-KAXTONG 12:31 ပူးပေါင်းရင်းမြစ်များ

JEREMIA 32:35

Hwom baozang Molek ang hwomsu-hwomsabu tö ang kox angkya hanpakma Hinnom Haxsha ma hwome Bal ang tö-tsapbu zingle kox. Ija mok angkya kue hwom ang kaxtom chifa, ilaxle hwom ija ningkya mwot mokle Judah khünaknu ang ochax lyen ang tom angkya ku mongkho ma jao chidong.”

JEREMIA 7:31

Hwome wünkha to zokle hwom sasün hia sacha hwom tö ang koxtsuak angkya kuxmale hwome Hinnom Haxsha ma Tofeth-e tö-tsap tuita zingle. Kue ija ile mok angkya hwom ang kaxtom chikox: ija ile chang angkya ku mongkho jaojao ma chidong.

2 WANGHOMBU 21:2

Chix khünaknu ngui pongma Jowanpae ija haxtok angkya jwonle apaokya nok zanglom tole nushix dongkya mwot mokkya tokhange chixe Jowanpa zongto ochax lyen.

TSAITONG-KAXTONG 12:4

Jowanpa hünzom Zang a ibu khünakbue hwom baozangbu to shwomkya lailaile taxshwom.

TSAITONG-KAXTONG 9:5

Hünzom a tüle müi tamchu chem supuix ijaja mokle tüikya khoma Jowanpae ija haxtok hünzom ang kop ang tom angkya münchang. Hwom a chichang-chizangle tüikya ochax khünakbu changle tamchu Jowanpae hünzom putong Abraham, Isak hia Jakop hwom füikya chix tsaotsüt otia ma thomse tsukya khoma khünak ibu jwonle apao ang thüipu.

LIWI 18:3

Kaipongma hünzom ngole toxdaokya Ijip nok chichangba kue hünzom zunle apüile ngokya Kanan haxtok, ibu ma tüikya khünakbu ningle taxchang.

LAIPAO 23:2

Hwome thaikya mokpongma tamchu sukya kaxfün tupangpün ang thaikya zangwün apüile changpongma, nang a ibu füito azuile taxchang.

MIKA 6:7

Kue chix hato chun hajat-hajat chichangba shuasa ningle olip münga laxlaxle nguiüi hia? Ku ochax tsangthom ang kue chix a kusa somwang nao koxüi hia?

EZEKEL 23:27

Ijip nok to tüitan tokhange wüi nange mokle hüikya zakkop mwotbu hia nang mongzok kue ashuk ang tomüi. Nange anaole chapabu to zalo angkya hia Ijip nok sung angkya athax müntomüi.”

EZEKEL 20:31

Anyixchu hünzome ibu chapabu tuitata ang wüi wün ma masu masabu zokle ashunle tö koxle hinghobu koxkya makhange ma alüile chitsaokya ang achangle. Ilaxle hünzom Israel khünaknu ku hato ku mongtex bama atüi ang nguingotüi! Ku a Jowanpa ozün ma ngokya Khüthak Zang changle, idaile kue hünzom ang ku ma chemchu tiksho chang ang müntomüi.

2 PUKAX-PANGAO 36:14

Ito obo ang, Judah nok lompabu, zompu-zangpa hwom, ilaxle khünaknu, ibu hwom akhople tüikya khünakbu ningle chapabu to shwomkya olom tole ochax lyenle changkya khoma, Jowanpa, chix jaoe atsaole dankya Zangshwom-Hom chitsaokya ang achang.

2 PUKAX-PANGAO 33:2

Chix khünaknu nguile ngopongma, ija haxtok angkya Jowanpae jwonle apaokya mixnokbue mokkya nushixdongkya mwotbu thüi anole Manasseh-e Jowanpa zongto ochax lyen.

LIWI 20:2

Israel khünaknu füi ija akax angkya kaxkox: “Hünzom wüi changlax chichangba hünzom khato ngole hüikya mixnok wüi changlax, owae masu-masabu Molek baozang shwom ang koxle changüihex, ija mixsün a noknue long füi thuple lang angkya changpu.

LIWI 18:21

Molek zangshwom pongma lax ang nang naosom opupuchu taxkox. Ile chang koxle Jowanpa ang nang füi küntsik mongma angkya tüiüi.

TSAITONG-KAXTONG 9:4

“Jowanpa hünzom Zang-e hünzom hanpak ang ibu jwonle apao füima, hünzome ija haxtok kopkoxle asule tüikya khoma chixe hünzom ikhato ngui ang tompule hünzom taxakax. Ile münchang, ikoxle hwom a chichang-chizangle tüikya khoma, Jowanpae hünzom hanpak ang hwom jwonle apao ang thüipu.

TSAITONG-KAXTONG 12:30

Jowanpae ibu mixjat-mixlibu amütle changkya füima hulax, hünzome ibu zanglom chitwon angkya bama khünzailax, chemthüikoxle ile changkya a thama chongkya ang changüi. Ibue hwom baozangbu to chemle shwompuix, ija awanle kop ang taxazongzi, ile chang koxle hünzomechu hwom lailaile shwomsele tsuüi.

TSAITONG-KAXTONG 20:18

Hwom langdao, ikoxle hwome hwom baozangbu to shwomkya ningle nushix dongkya mwot pangwüi mok ang hünzom to jik-naikya müntüiüi.

2 WANGHOMBU 16:3

chixe Israel nok wanghombu man to. Israel noke hwom haxtok alople changpongma, Jowanpae jwonle apaokya khünakbue mokkya, nushixdongle baozang to shwomkya olom tole, chixe chix sasün tuita zokle ashunkya tö hanpak ang chapa ang kox.

MÜNCHUAK-TSAI 106:37

Hwome tö ang masu masabu koxle Kanan nok chapabu to shwom-töle chang.

2 WANGHOMBU 3:27

Ikhoma chixe chix sasün tüichongpa, owae chix man ma wanghom küntong mantswon angkya tüipuix, chix koplaxtoxle pao, ilaxle Moab nok baozang ang chix a tö tuita ang koxle pan angkya zün ma lang. Ija ngünlaxle Israel khünakbu tüle abüt-aban ikhoma hwom ija tingnu angkya anong laxle ma chaxwan to chat.

2 WANGHOMBU 17:31

Iwah khünakbue Nibhaz hia Tartak chapabu zing, ilaxle Sefarwaim angkya khünakbue hwom baozang Adramelek hia Anamelekbu ang masu-masabu zokle ashunkya tö ang kox.