TSAITONG-KAXTONG 12:29 - OTSAO BAIBEL (BSI)

²⁹ “Hünzome tingtakle hüikya zuma Jowanpae mixjat-mixlibu komle amütüi, ilaxle hünzome ibu haxtok lax üntoxle tingtan-nokzingle ngoüi.

TSAITONG-KAXTONG 12:29 ပူးပေါင်းရင်းမြစ်များ

JIHUSUA 23:4

Athax kople makoptsuakle tüikya haxtokbu ngaxchu kue hünzom homjen-homjen ang ma haxtok hex-ole tom-hanle koxdaopu. Ifüima kue opang jat-libu to lütle koptsuakdao laxpuix, ija a Jordan shuanu handünchi ma, imakhange hannopchi ma Mediterenian Tinu alople, ma süntswon-tswon le ahanle koxdaopu.

TSAITONG-KAXTONG 19:1

“Jowanpa hünzom Zang-e hünzom ang koxle ngokya haxtok ma tüikya mixnokbu amütle changkya füima tamchu hünzome ibu tingnu hia hom-haxbu koplaxle tingtan-nokzingle ngokya füima,

MÜNCHUAK-TSAI 78:55

Chix khünakbu nguikya füi tomle ikhato ngokya khünakbu chixe jwonle apao; chixe ija haxtok Israel nok saxthom-homjen bama ahanle lax ang tom ilaxle chix khünaknu ang hwom ngo angkya hom-haxbu kox.

TSAITONG-KAXTONG 9:3

Ikoxle athax hulax, Jowanpa hünzom Zang a wünnu dongkya lailaile hünzom thoto achale leüi. Hünzom hüikya zuma chixe hwom to lütüi, ile chixe tsaosaxkya lailaile ochwonpai ma hünzome hwom jwonle apao ang tamchu amüt ang thoüi.

LAIPAO 23:23

Ku kaxtaimix hünzom thoma leüi ilaxle chixe hünzom Amor nok, Hit nok, Hip nok üntoxle Jebu nok ngokya chaxwan to apüiüi, üntoxle kue hwom max ang tomüi.

TSAITONG-KAXTONG 12:30

Jowanpae ibu mixjat-mixlibu amütle changkya füima hulax, hünzome ibu zanglom chitwon angkya bama khünzailax, chemthüikoxle ile changkya a thama chongkya ang changüi. Ibue hwom baozangbu to chemle shwompuix, ija awanle kop ang taxazongzi, ile chang koxle hünzomechu hwom lailaile shwomsele tsuüi.

JIHUSUA 21:43

Ikhoma Jowanpae hwom pupa hwom füi koxüihex-ole tsaokya haxtok Israel nok ang komkaile kox. Chemtue hwome ija haxtok kople tsuak puix, hwom ikhama tingtan-nokzingle ngo.

2 PUKAX-PANGAO 33:2

Chix khünaknu nguile ngopongma, ija haxtok angkya Jowanpae jwonle apaokya mixnokbue mokkya nushixdongkya mwotbu thüi anole Manasseh-e Jowanpa zongto ochax lyen.