TSAITONG-KAXTONG 12:25 - OTSAO BAIBEL (BSI)

²⁵ Hünzome ija kaxtom kax ma laxle jangtüi thüiningle, Jowanpa ang mongmüikya tüiüi, ilaxle hünzom hia hünzom su-sabu pangwüi kuimüi zangmale ngoüi.

TSAITONG-KAXTONG 12:25 ပူးပေါင်းရင်းမြစ်များ

ISAIA 3:10

Otsao khünakbu a mongmüiüi ilaxle hwom zongto jalinu müile hüiüi. Hwome chem hanpakma mokdaopuix ija bama hwom mongmüi ang thoüi.

1 WANGHOMBU 11:38

Nange ku kax ma komkaile laxle, ku dapa Dawid lailaile, ku wanlom ma ngolaxle ku kaxtombu kax ma laxle jangtüi thüiningle, ku a nang füi othuithuima ngoüi. Kue nang Israel nok wanghom ang achangüi ilaxle kue Dawid ang koxkya ningle, nang füima chuwüi nangsix-nanglie apünle ngo ang tomüi.

TSAITONG-KAXTONG 4:40

Anyix kue hünzom ang koxkya chix wanlombu pangwüi kax ma laxle tüilax, ile jangchangba hünzom tamchu hünzom su-sabu hanpakma shomüimüi angwüi changüi. Jowanpa hünzom Zang-e hünzom kuxhex-ole koxkya haxtok ma hünzom othuithuima ngo ang kopüi.”

LAIPAO 15:26

Chixe thüi: “Hünzome kue sule le athüithüi mok tamchu ku kaxtombu thomle kax ma laxle tüiüi jangthüi: kue Ijip nokbu hato lai ang tomkya kak-lak tüta ningkyaechu hünzom to sikngün fa ang müntom. Ku a Jowanpa, hünzom kaklak pangwüi amaüile fakya Zang changpu.”

TSAITONG-KAXTONG 13:18

Anyix kue hünzom ang fakya kaxtombu kax ma laxle jangtüi thüiningle, chixe ibu pangwüi ile chang ang tomüi.

TSAITONG-KAXTONG 6:18

Jowanpae changle tamchu sule le athüithüi pangwüi moklax, ile jangchang thüiningle hünzom a kuimüi-zangmale ngoüi. Hünzom putong hwom ang Jowanpae tsaosaxle changdaokya haxzao füikya haxtok hünzome kop ang thoüi,

EZEKEL 33:25

“Ku, Jowanpa Khüthak Zang-e akaxkya ija kax hwom hama wünkox: Hünzome müi a ija ma aji tüikya füi afomle saxtüi. Hünzome chapabu to shwomtüi. Hünzom mix mik amütüi. Jangchangba ija haxtok a hünzom kux changpule hünzom mongto chem makhange ajangle laxlaxpu?

HWON-NWOT-JAONO 2:26

Je-hwon, tsing-wankya, ilaxle mongmüi a Zang-e chix mong amüikyabu ang koxle, ikoxle chixe ochax khünakbu ang kop-lo angkya hia tsyenle twon angkya bama mwot mok ang tomle, ikoxle tix chixe ma mong amüikya mix ang koxtsuak angkya chang koxle. Ima laxli chemchu müntüi. Ija a zangwin füito zikkya thatha changpu.

MÜNCHUAK-TSAI 112:2

Müikya khünak su-sa hwom haxtok ma tsak-zongle tüiüi; chix sixli hwom to mohimanüi.

TSAITONG-KAXTONG 12:28

Kue chempang kaxtom fale changdaopuix ibu pangwüi kax ma laxle tüilax, ikoxle othuithuima hünzom hia hünzom su-sabu kuimüi-zangmale ngo ang kopüi, chemthüikoxle hünzome Jowanpa hünzom Zang zongto müikyakya hia sukyakya mokle ngo angkya changle.

TSAITONG-KAXTONG 5:16

“‘Ku, Jowanpa nang Zang-e nang ang kaxtom koxkya ningle, nang ma manu hia mapa thua zakya tüilax, ikoxtix nang füi pangwüi müile tüiüi tamchu kue hünzom ang koxkya haxtok ma hünzom tsünlo-khothole ngo ang kopüi.

TSAITONG-KAXTONG 5:33

Ibu pangwüi kax ma laxlax, ikoxtix hünzom füi pangwüi müile hüiüi ilaxle hünzome kop angkya haxtok ma hünzom jento ngo ang kopüi.

TSAITONG-KAXTONG 12:24

Aji a süt ang taxsax, itülüi ija a ti thokkya ningle haxkha to thokle awütdao.

HWON-NWOT-JAONO 8:12

Ochax khünak tuitae oho to lünle mütkop koxlechu ozün ma wüichu ngole. Oh changle: “Nange Zang kax ma laxle jangchang thüiningle, pangwüi sukya ang changpule hwome akaxkya kue awanle,

TSAITONG-KAXTONG 21:9

Ile Jowanpae lomkya jangmok thüiningle, ija mikmüt bama hünzom hünlit ang münchangüi.