TSAITONG-KAXTONG 12:18 - OTSAO BAIBEL (BSI)

¹⁸ Hünzome tamchu hünzom naosombue, hünzom dabu hia hünzom tingnu ma ngokya Liwi hwom chuwüi womle, ibu tö a, Jowanpa hünzom Zang-e chix to shwom-to ang zünle kopkya onui tuita, ojongkha ma chix ngole tüipuix, ikhama sax ang tsuak. Ilaxle, ikhama hünzome chempang mokpuix ibu füi hünzom ang mongmüi angkya oli changpu.

TSAITONG-KAXTONG 12:18 ပူးပေါင်းရင်းမြစ်များ

TSAITONG-KAXTONG 12:7

Jowanpa Hünzom Zang, owae hünzom to mohimanpuix, ikhato hünzom tamchu hünzom haxnu-homsabue mae mokle alaikya sütmüi-lingma saxlaxle mongmüi-pwonlale ngoüi.

TSAITONG-KAXTONG 14:23

Ifüima onui tuita, ojongkha, Jowanpa hünzom Zang-e chix to shwom angkya zünle koplax puix; ilaxle ikhato chix pomtho ma hünzom saxziak, grep-ti, olip-münga ilaxle owangpa ma puxkya maihu hia chun hosa, ibu bünfong saxlax. Jowanpa hünzom Zang jento achuak-achenle chang angkya awan ang hünzome ija moklax.

TSAITONG-KAXTONG 12:5

Hünzom haxtok pangnu khama, ikhato pangwüi nguilaxle chix shwom angkya hanpakma Zang-e onui tuita zünle kopüi.

GALATIA 5:22

Ikoxle Chasa oziak a ibu changpu: Mongkün; mongmüi; mongsom; adukya; chingchajaja; müikya; mongong; jonai; ilaxle ma alüile akumathumkya;

1 KORIN 10:31

Idaile, nang saxkya ma wüi changlax chichangba lingkya ma wüi changlax, nange chem moklaxpuix, tütalichu Zang fuazang angkya hanpakma mokkox.

WANGSHEMBU MWOT 16:34

Chixe Pol hia Sila nyi chix hom kople apüi ilaxle hokhi ang sütling kox. Athax a chixe Zang to onglaxle, chix tamchu hwom homkha pangwüi mongmüi atungle ngo.

WANGSHEMBU MWOT 2:46

Üntoxle mong tuita ang achang laxle Zangshwom-Hom to nyixfole nui. Üntoxle homkha ma tomwüi süt-sax, mongmüi pwonla füi tamchu mong jonai ma hwome fongsax.

ISAIA 12:3

Tikongsae tilan amüikya ningle, Zang khünakbu, chixe hwom khosünkya zuma mongmüile.”

WANWÜNKAX 3:17

Je-hwone nang tsün tuita pwonla tsün ang achangüi ilaxle ija akaile chem thomzün chitüile le ang tomüi.

MÜNCHUAK-TSAI 68:3

Ikoxlechu otsao khünakbu a chix womle tüikya to mongmüile; hwom a mongmüi-pwonla atungle akhongle.

MÜNCHUAK-TSAI 32:11

Hünzom otsaobu pwonlatungle mongmüikox, Jowanpae tsuakdaokya hünzom mwot bama a. Hünzom chix kax ma laxle tüikyabu, mongmüi to akhongkox.

TSAITONG-KAXTONG 15:20

Zanglao foto nang üntoxle kako homkha pangnue ibu a Jowanpa to shwom angkya onui tuita ma chix pomtho ma sax angkya changle.

TSAITONG-KAXTONG 12:19

Hulax, hünzome hünzom haxtok ma ngokya kople Liwi hwom otuechu taxalak.

1 SAMUEL 1:4

Elkanah-e tö koxkya foto, chixe müithom tuita Peninnah ang kox ilaxle müithom tuita a sasün nyi angle kox.

HWON-NWOT-JAONO 3:12

Idaile kue texpu, keme moktsuak angkya oli a mongmüile ngo angkya ilaxle ozün ma tüipongma tsuakkya tukuxle müile mok angkya, ijatix changpu.

HWON-NWOT-JAONO 5:18

Kue atatkya ikhama tüile: keme moktsuak angkya sümüikya mwot a: saxkox laxkox üntoxle mongmüikox ilaxle mazi tanto Zang-e keme ang koxkya mwot füi mongmüi-pwonlale ngokox; ija a kem osho changle.

TSAITONG-KAXTONG 12:14

Jowanpae, hünzom tütapu homjen haxtok ma wüi changlax, onui tuita zünle kopüi ilaxle hünzome ikhama hünzom töbu apüile kox angkya changpu; hünzom zokle ashunle tö kox angkya tamchu kue fakya kaxtombu kax ma laxle mok angkya ikha tix changpu.