TSAITONG-KAXTONG 12:14 - OTSAO BAIBEL (BSI)

¹⁴ Jowanpae, hünzom tütapu homjen haxtok ma wüi changlax, onui tuita zünle kopüi ilaxle hünzome ikhama hünzom töbu apüile kox angkya changpu; hünzom zokle ashunle tö kox angkya tamchu kue fakya kaxtombu kax ma laxle mok angkya ikha tix changpu.

TSAITONG-KAXTONG 12:14 ပူးပေါင်းရင်းမြစ်များ

2 KORIN 5:19

Zange Khrista makhange khünaknu füi muamüikya a kwom kaxho changle. Zange khünaknu ochax akiakle chithom ikoxle chemle hwom chix füi zuikhui ang achangpuix, ija kaxho kwome taipu.

TSAITONG-KAXTONG 12:11

Jowanpae chix to shwom angkya onui tuita wüi zünüi, ilaxle hünzome ang kue kaxtom fale changdaokya ningle, hünzom töbu pangwüi ikhato apüi angkya changpu; zokle ashunkya tö, müi langle tö koxkyabu, hünzom bünfong ilaxle hünzom chak angkya tö ilaxle hünzome Jowanpa ang koxüihex-ole tsaosaxdaokya mama hinghobu pangwüi apüi angkya changpu.

TSAITONG-KAXTONG 12:5

Hünzom haxtok pangnu khama, ikhato pangwüi nguilaxle chix shwom angkya hanpakma Zang-e onui tuita zünle kopüi.

IBRI 13:15

Jangchangba keme othuithuima chix makhange Zang ang münchong fakya tö oja tun füi chix ngaikya oziak hex, ija tö koxhax.

MÜNCHUAK-TSAI 9:11

Zaion apünle ngokya Jowanpa achuakle tsai ngaokox! Chixe chempang mokdaopuix ibu pangnok-jating to wünkox!

MÜNCHUAK-TSAI 5:7

Achongkya nang mongkün khokhoma ku nang hom to ngui ang thopu; Shwomle kue nang otsao Zangshwom-Hom ma achuak-achenle nang tong to akhux ang thopu.

TSAITONG-KAXTONG 12:13

Hünzome hünzom töbu mamong atsutsu khato kox angkya le münchang;

TSAITONG-KAXTONG 12:15

Ikoxlechu hünzome ma angongo to müilangle sax angkya a ma mongmong. Jowanpae chemtukux fapuix itukuxle hünzome sax ang tsuak. Hünzom pangwüi, zanglom ma tsaokya chitsaokya chisüile müikhi chichangba müijax müi sax ang tsuakkya lailaile, pangnusa wüi sax ang tsuak.

LIWI 17:3

Israel khünakbue Jowanpa ang tö kox ang, Jowanpa Ngwotnui Nyihom fülom ma chichang homtoxle ojongjong to, maihu wüi changlax chichangba chun wüi changlax chichangba zwon wüi changlax, langle jangchangba ija khünake Wanlom pünkya ang changpu.

TSAITONG-KAXTONG 12:18

Hünzome tamchu hünzom naosombue, hünzom dabu hia hünzom tingnu ma ngokya Liwi hwom chuwüi womle, ibu tö a, Jowanpa hünzom Zang-e chix to shwom-to ang zünle kopkya onui tuita, ojongkha ma chix ngole tüipuix, ikhama sax ang tsuak. Ilaxle, ikhama hünzome chempang mokpuix ibu füi hünzom ang mongmüi angkya oli changpu.

TSAITONG-KAXTONG 14:23

Ifüima onui tuita, ojongkha, Jowanpa hünzom Zang-e chix to shwom angkya zünle koplax puix; ilaxle ikhato chix pomtho ma hünzom saxziak, grep-ti, olip-münga ilaxle owangpa ma puxkya maihu hia chun hosa, ibu bünfong saxlax. Jowanpa hünzom Zang jento achuak-achenle chang angkya awan ang hünzome ija moklax.

TSAITONG-KAXTONG 15:20

Zanglao foto nang üntoxle kako homkha pangnue ibu a Jowanpa to shwom angkya onui tuita ma chix pomtho ma sax angkya changle.

TSAITONG-KAXTONG 16:2

Jowanpa hünzom Zang ang münchong fale achuak-achen angkya hanpakma jongtakha zangshwomnui to paolax ilaxle ikhato hünzome Kaitox Pangpwon hanpak ang chun chichangba maihu ibu langlax.

TSAITONG-KAXTONG 17:8

“Züizüi zangwün a tingpu kaxfünmixbue fün-wün ang chithole chu tüiüi, thütba: tingtok ba angkya zangwün. Chemtue iningkyabu zangwün tsaitsat-kaxtsale changüihex, Jowanpa hünzom Zang-e chix to shwom-to le chang angkya onui jongtakha zünle thomkya khato nguikox;

TSAITONG-KAXTONG 18:6

“Israel nok tingnu ojongjong tokya Liwi sün nguile jangchang, tamchu chix ang mongtsukya tuita jangtüi, jongtakha zangshwom ang süile thomkya onui to paolaxle

TSAITONG-KAXTONG 31:11

Zangshwom angkya nui jongta khama asoxle nguipongma ija a Israel khünaknu ang e-le laxkox.

JIHUSUA 9:27

Ifüi tomle chixe hwom a da ang zing. Israel khünakbu tamchu zangshwom-hom hanpakma hadün-tikhole chang angkya mwot hwom ang kox. Anyix kople ibue ija mwot, Jowanpa chix to shwom-tö le chang ang zünle kopkya haxmik-longkho ma hwome ile wüi mokle hüile.

JIHUSUA 22:29

Kwome Jowanpa füi chemtuechu münalün chichangba zokle ashunkya tö hia saxziak tö chichangba mama töbu koxle tö-tsap zinglaxle kwome chix mantokya danüile münchang. Jowanpa Ngwotnui Nyihom ma tüikya boma Jowanpa kem Zang hanpak ang mama tö-tsap tam-münzing.”

1 WANGHOMBU 8:29

Ija Zangshwom-Hom to zangnak zangngaile nyele ngohüi. Ija a nang to shwom angkya hanpakma nange zünle kopkya onui changle. Ija Zangshwom-Hom chito hulaxle kue zangjop pongma nange ku to apahüi.

2 WANGHOMBU 18:22

Ija Asiria nok nguakax-wangkhoe chizakle akax: “Chichangba nange, Jowanpa, nang Zang to mongongpule ku hama akaxüi hia? Judah hia Jerusalem ma tüikya khünaknu ang Jerusalem tö-tsap tata ma tix tö koxle chang angkya oli changpule akaxlaxle, Hezekiah-e pünle amakya zangshwomnui hia tö-tsap ibu a Jowanpa kux changkya.

1 PUKAX-PANGAO 22:1

Ikhoma Dawid-e thüi: “Jowanpa Zangshwom-Hom zai angkya onui a ikha changle. Israel khünaknue zokle ashunle tö kox ang tö-tsap ima tüikoxle müiüi.”