TSAITONG-KAXTONG 11:24 - OTSAO BAIBEL (BSI)

²⁴ Hünzome hünzom ahamle hüidaokya haxtok pangwüi hünzom kux ang achangüi. Hünzom longzi a shuathongchi sak-hax alople, shuakuxchi ma Lebanon Haxnu alople, handünchi ma Eufrat shuanu makhange hannopchi Mediterenian tinu alople changüi.

TSAITONG-KAXTONG 11:24 ပူးပေါင်းရင်းမြစ်များ

JIHUSUA 14:9

Kue ile mokkya khoma, Mosa-e, ku tamchu kusu-kusa hwome, kue tingle aham toxdaokya haxtok ma kwom süntswon tüi angkya hex-ole tsaosax.

LAIPAO 23:31

Kue hünzom longzi a Agaba angkya Tütsak-tinu tokhange Eufrat shuanu kople ilaxle Mediterenian tokhange sak-hax alople achenüi. Ija chaxwan ma ngokya nokpu pangnu thakma kue hünzom ang apün ang tomüi, ilaxle süsox-süsoxle soxle hüikya zuma hünzome hwom jwonle apaoüi.

1 WANGHOMBU 4:21

Solomon wangting ma Eufrat Shuanu makhange Filistia alople ilaxle Ijip nok longzipong, ibu ma tüikya jat-li pangwüi womle tüikya. Hwome chix hato süidün ilaxle chix tsüntsün ma hwom chix wangpünnu ang ngonui.

2 PUKAX-PANGAO 9:26

Ufrat Shuanu angkya, Filistia hia Ijip nok longzipong alople tüikya haxtok wankam ang chongwangpa hanpak changkya.

1 WANGHOMBU 4:24

Solomon Eufrates shuanu hannopchi makhange Tifsah hia Gaza tingnu hannopchi kople tüikya haxtok pangwüi apün. Eufrates hannopchi ma tüikya wanghombu pangwüie chix hato süidün, ilaxle tomzi nokbu füi chix nokmüi ma ngo.

TSAITONG-KAXTONG 1:7

Pombu pünlax ilaxle achexlax. Amor nok haxnu to paolax ilaxle hozui ma akhople tüikya pangnu haxtok to: Jordan haxsha to, haxhua chito, ilaxle haxchithong chito, shuathongchi chaxwan to, ilaxle Mediterenian tinu kax to paolax. Kanan haxtok to paokox tamchu Lebanon haxnu tokna kai tokya Eufrat shuanu alople paokox.

TSAITONG-KAXTONG 1:8

Haxtok ibu pangwüi kue hünzom putong Abraham, Isak hia Jakop hwom ang owüiole koxkya chaxwan changpu. Paolax ilaxle ija haxtok amle koplax.’”

TSAITONG-KAXTONG 12:20

“Chemtue chixe tsaodaokya ningle, Jowanpa hünzom Zang-e hünzom haxtok achenle faüihex, hünzome müi saxse atsutsu ma tüta khato hex sax ang tsuak.

TSAITONG-KAXTONG 34:2

Neptali haxtok pangwüi; Efraim hia Manasseh haxtokbu; Judah haxtok a hannop chito Mediterenian tinu alople;

JOEL 2:20

Shuakuxchi tokhange nguikya zazwop-kuknu süpahibu kue apaoüi ilaxle züizüi sak-hax chito jwonle apaoüi. Hwom khama tunpa thom a Omang Tinu khato jwonle apaoüi, hwom füikomle tüikya thom a Mediterenian to jwonle apaoüi. Hwom zikya omangbu tüle nom-sya le changüi. Hwome hünzom to chempangle mokdaopuix ibu khoma kue hwom max ang tomüi.