TSAITONG-KAXTONG 11:18 - OTSAO BAIBEL (BSI)

¹⁸ Kaxtom ibu texle ataklax ilaxle hwom ang mong amüilax. Texle atak angkya hanpakma ibu a hünzom suakto ma tamchu khangpong ma khakle koplax.

TSAITONG-KAXTONG 11:18 ပူးပေါင်းရင်းမြစ်များ

KOLOSI 3:16

Hünzom kün-mong ma Khrista kax a thanu juapa ningle ngo ang laxkox. Hwon-je pangnu makhange tata hama anwot-anokox ilaxle adangle laxkox. Münchuak tsai, otsao tsai, üntoxle chasa tsai, ibu ngaokox.

WANWÜNKAX 3:1

Ku sa, kue nang hama anwot-anole fakya taxalak. Kue chem mok ang akaxpuix ija jento mong ma kople thomlax.

MÜNCHUAK-TSAI 119:11

Kue nang zongto ochax chilyen angkya hanpakma kue nang wanlom ku mongkha ma thompu.

2 PITAR 1:12

Hünzome ibu tsingle ngoün koxlechu üntoxle hünzome pongle kopkya otsingtsing ma hünzom tsingju kamong le tüiün koxlechu, kue ibu jento hünzom mongto texle atak ang tomüi.

LAIPAO 13:9

Ija pangpwon a tuita mongto texle atak ang tom angkya hanpakma changle; ija a oli tuita nang chak ma chichangba nang khangpong ma khale thomkya münwan ningle changpu. Imakhange nang ang ija mo wün angkya tamchu Jowanpa Wanlom tole chang angkya mongto texle atak ang tomüi; chemthüikoxle Jowanpae hünzom a Ijip nok tokya chongkya chix tsak-zong füi alaile paokya changpu.

TSAITONG-KAXTONG 32:46

chixe thüi: “Anyix kue hünzom ang koxkya kaxtom pangwüi kax ma laxle-ole thüilax. Hwome chu mongong tüikya füi Zang hwon-nwot pangwüi kax ma laxle naxtüi lax ang ibu naosombu hama chatchatnaole wünkox.

IBRI 2:1

Ikhoma keme atatle hüidaokyabu otsingtsing to shingmongle künkop angkya changle, ikoxtix kem tswonle münpaoüi.

LAIPAO 13:16

Ija pangpwon a tuita hünzom chak ma langle chichangba khangpong ma sünle kopkya ningle münwan ang changpu. Ijae kem ang, chix tsak-zong chongkya makhange Jowanpae Ijip nok tokya kem alaile paokya texle atak ang tomüi.’”

MATHI 23:5

Hwome tütalichu khünake naxngün le mokle; hwome münwan sükhaokya khale kop ilaxle nyitua ma osutua ashale laxse tsule.

WANWÜNKAX 3:3

Kax ma laxle tüikya hia mongong-chalom nang chak angkya pao ang taxtom. Ibu a nang dingkux ma adangle kha thomlax; ibu a nang mongkha ma zale thomlax.

JEREMIA 32:39

Kue hwom ang tsün ma mwotli tuita wüi koxüi: ija a, hwom tamchu hwom su-sa hwom fünmüi angkya hanpakma, hwome othuithuima ku chathua zale ngo angkya.