TSAITONG-KAXTONG 11:15 - OTSAO BAIBEL (BSI)

¹⁵ ilaxle hünzom tsom-pom hanpak ang fumchui chuwüi kopüi. Hünzome alomlom sütling atak-apongle hünzom ang woknuak-tilan müile ngoüi.

TSAITONG-KAXTONG 11:15 ပူးပေါင်းရင်းမြစ်များ

TSAITONG-KAXTONG 6:11

Hom-haxbu a hünzome chidankya tuina müikyabu füi awangle tüiüi, ilaxle hünzome chithokya tüküibu ikhama tüiüi, ilaxle hünzome küi-thwomle chichangkya grep hia olip manzai haxtokbu tüiüi. Chemtue Jowanpae hünzom ija haxtok to apüiüihex tamchu hünzome saxsele atsutsu komle tüile ngoüihex,

MÜNCHUAK-TSAI 104:14

Nange müibu hanpak ang fum chui ang tom ilaxle khünake lax-twon angkya hanpakma pünzuabu nyem ang tom. Ikhoma hwome saxziak saile alai ang tsuak

JOEL 2:19

Chixe hwom zangjop to lan: “Athax kue hünzom ang saxziak hia grep-ti tamchu olip münga koxüi, ilaxle hünzom a wokfwot-tilan müile ngoüi. Athax mixnoke hünzom to chemtuechu thajao-wünhaile münchangüi.

JOEL 2:22

Faomüi-janyaxbu, hünzom taxza. Hünzom fumtsütnui to fum hingshüi tüile; pünzuabue ma-pün ziakziak ziakle, ilaxle fupsa hia grep okhonguile tüile.

TSAITONG-KAXTONG 8:10

Hünzome saxse tsupupu pangwüi ikhato tüiüi, ilaxle chixe hünzom ang koxkya haxzao füikya haxtok bama hünzome Jowanpa hünzom Zang ang münchong faüi.

HAGAI 1:6

Hünzome sax müimamale shitdaoa, ikoxlechu hidaole wüi züt ang koppu. Hünzom ang sax angkya süt tüile, ikoxlechu hünzom hanpakma wokfwot müitang okhonguile chichang. Hünzom ang ling angkya grepti-ju tüipu, ikoxlechu hünzom to tokle lingtang chitüipu! zom ang nyi-za tüile, ikoxlechu hünzom tsangtsa alomle thomtang chichang. Üntoxle hingchak achakkyabue ifüi okhonguile ngotang achak ang chitho.

JOEL 1:18

Müibu khosam ashukle osüt lomle samle aham chemthüikoxle hwom hanpakma fumtsüt nui ojao chitüi; ija ningle chun zyembu chuwüi samle aham.

JEREMIA 14:5

Zimfa to müikhi honu tuitae puxle adütlankya hosa danle tox chemthüikoxle tsüt angkya fum ojao chitüi.

1 WANGHOMBU 18:5

Ahap-e Obadiah ang thüi: “Kem pao üntoxle shuasa bang hia shuakax-shuakho pangwüi to, man hia mansabu ozün ma thom ang tho tang fum chuile tüicha ang hule anohax. Owatsing keme müibu tuita chiazikle thom angchu thotüilax.”

LIWI 26:5

Hünzom grep ziak khaitue ngaxchu tsax atule naxchangle saxziak tüle müiüi, ilaxle sax shittu nguikoxle ngaxchu hünzome grep ziak khaile wüi ngoüi. Hünzome saxle tsupupu komle ataküi, ilaxle hünzom a ma chaxwan ma chem okhong-okha chitüile ngoüi.

JOEL 2:26

Athax a hünzom huanuma tüinangle ngoüi, ilaxle okhonguile changüi. Hünzome Jowanpa hünzom Zang achuak-achenle changüi. Chix a hünzom hanpakma ohünotün mwot mokle fakya Zang changpu. Ku khünakbu tamchatle thajao-wünhai ang müntom.