TSAITONG-KAXTONG 10:8 - OTSAO BAIBEL (BSI)

⁸ Ipongma Jowanpae Tsaotsüt Suak to hu angkya Liwi homjen zünle, zompu-zangpabu mwot mokle chix thotha angkya ilaxle chix mün ma kaxzakdünle shozex angkya kox. Ilaxle ibu a hwome mok angkya hwom mwotbu changle.

TSAITONG-KAXTONG 10:8 ပူးပေါင်းရင်းမြစ်များ

TSAITONG-KAXTONG 21:5

Ikhato zompu-zangpa Liwi hwom chuwüi ngui angkya changpu, chemthüikoxle tütali ohyet-otsi zangwün laikya pangwüi hwome tix abax ang tho angkya changle. Jowanpa hünzom Zang-e hwom a chix thotha ang tamchu chix mün ma mohiman kaxzakdün ang kamle kopdaoa.

TSAITONG-KAXTONG 18:5

Hünzom jat-li kha angkya Jowanpae Liwi homjen a jento zom mwot mokle chix thotha angkya hanpakma zünle kopkya changpu.

HUAKE LAIPEX 4:15

Chemtue thongnui püntu nguipuix, Arun hia chix sasün hwome ibu otsao mwot-kat to chwop-zingle tsuak füimatix Kohath saxthom ibu pao ang nguiüi, ikoxle hwome wüi ija otsao tuina to münlyetüi, janglyet thüiningle hwom a ziüi. Nyihom achexle changfofo Kohath saxthome mok angkya mwot a ibibile changle.

HUAKE LAIPEX 3:6

“Liwi homjen apüilax ilaxle zompu-zangpabu ningle hwome Arun to fongle chix thothale chang ang tomkox.

JUHAN 15:16

Hünzome ku zünle kopkya chichang, ikoxle otsün lole ngokyali oziak huanuma ziakle pao angkya hanpakma kue hünzome zünlaxle kamle koppu. Ikhoma hünzome ku mün ma chix ma ajuju komle chixe kox angkya changle.

JEREMIA 15:19

Ija to Jowanpae ile lan: “Nang mongchatle jangchang kue pongle kopüi, ilaxle nang a tamchatle ku dapa ang ngoüi. Nange ongat zang wünle chingo homtoxle laxli kaxho apukle jangchang, nang a tamchatle ku ajepa ang ngoüi. Khünaknu nang hato tamchatüi, nang mix hwom hato paongo angkya mwot müntüi.

2 PUKAX-PANGAO 30:27

Zompu-zangpabu hia Liwi hwome khünak hanpakma mohiman ju. Zangkangting chix hom tokhange Zang-e hwom zangjop atat ilaxle hwom pongle kop.

1 PUKAX-PANGAO 15:26

Hwome maihupong anüt, chun anüt, Suak paile changpongma Zang-e Liwi hwom to asunle naxchang ang tö kox.

LIWI 9:22

Arun-e chix chak khünaknu chito ahalaxle khünaknu to mohiman; ilaxle ochax tö, zokle ashunkya to, tamchu tumüi tö, ibu koxlaxle chix thai.

GALATIA 1:15

Ikoxle Zange ku puxpaiüi thoto wüi zünle kop, üntoxle chix mwot mok ang sele lax.

2 KORIN 6:17

Idaile Jowanpa-e akax, “Hünzome hwom danle tox angkya wüi ilaxle hünzom hwom füi atsaiün; chitsaokya to ojao taxlyet, ikoxtix kue hünzom pongle kopüi.

ROM NOK HATO ZAKYA POL LAIZA 12:7

Mok angkya olom ma jangchang, keme mok angkya wüi. Apua-ano angkya olom ma jangchang keme apua-ano angkya wüi changle.

ROM NOK HATO ZAKYA POL LAIZA 1:1

Khrista Jisu da, ilaxle kamle kopkya wangshem tuita tamchu Kaxho Müikya apuk angkya hanpakma Zange nyakle kopkya mixsün Pol tokhange:

WANGSHEMBU MWOT 13:2

Hwome Jowanpa thothale üntoxle chisax chilingle Zang shwom üntoxle jople ngoponge, Otsao Chasae hwom füi akax: “Oja mwot hanpakmale kue hokhi nyak daopuix, ija mwot mok ang Barnaba hia Sol nyi süikox.”

EZEKEL 44:15

Jowanpa Khüthak Zang-e thüi: “Israel nok pangnusae ku hato tok ahole changpuix, ipongma Zadok makhange hüikya sixli hwome Zangshwom-Hom ma ngua-mwot komkaile mokle ku to mongong chiamütle le ngole hüipu, ikhoma athax ku ngwotnui to nguilaxle ku ang müizao hia aji töbu koxtsuak angkya a hwom tix changpu.

EZEKEL 44:11

Zünkaibu nyekya hia mama-mama Zangshwom-Hom mwotbu mokkya makhange hwome ku thotha ang tsuak. Zokle ashunkya tö hia mama töbu ang koxkya müibu hwome lang ang tsuak, ile hwom mwot a khünaknu nuazingle kox angkya mwot changüi.

MÜNCHUAK-TSAI 135:2

hünzom Jowanpa hom ma ajongkyabue, tamchu Zang Zangshwom-Hom ma ajongkyabu pangnusae!

MÜNCHUAK-TSAI 134:2

Zangshwom-Hom ma zangjople hünzom chak ajongkox, ilaxle Jowanpa achuak kox!

2 PUKAX-PANGAO 29:11

Ku sasün hwom, tu alyetle taxchang. Ongan müikya sobu zoklaxle chix khünaknubu ang chix to shwomtole changkya lom azui angkya hanpakma Jowanpa hünzom zünle koppu.”

1 PUKAX-PANGAO 23:26

Ikhoma athaxpi Liwi hwom, Jowanpa Ngwotnui Nyihom hia chix zangshwom pongma laxkya tuinabu pole aham ngo angkya mwot müntüi.”

1 WANGHOMBU 8:6

Ifüima zompu-zangpabue Tsaotsüt Suak Zangshwom-Hom to nwonle dün ilaxle Ataxkya Otsao Nui ma cherubim fang ma dan.

TSAITONG-KAXTONG 17:12

Ikoxle opupue ikhama asukya kaxfünpa chichangba nguapa kax ma chilaxle jangtüi, chix a mik max ang tomüi; ile hünzome ija haxshix mwotli Israel nok tu angkya awüt ang thoüi.

HUAKE LAIPEX 3:31

Hwome a tuina ibibi to hu ang tom: Tsaotsüt Suak, tsap-khua, wüntik lotsapbu, tö-tsap, nguapabue Otsao Nui ma lax-twonkya tiklakbu, ilaxle Otsao Nui fülom ma tukkya nyinu: Ibibi tuina füikya mwot-kat to hume angkya hwom hünlit changkya.

LIWI 8:9

Üntoxle Jowanpae chix ang fakya kaxtom ningle Mosa-e nguapa khang ma khang-ngüi-nyi füi nguile kox. Thünthochi ma chixe hun füi zingkya otsao khohom apütle kox.

TSAITONG-KAXTONG 31:9

Ikhoma Mosa-e Zang Wanlombu zale kop ilaxle Jowanpa Tsaotsüt akhi-atakle tamchu Israel nok lompabu ang ngokya Liwi hwom homjen nguapabu chak to ija kox.

1 PUKAX-PANGAO 15:2

Ifüima chixe thüi: “Ija Suak a Liwi hwom tatae tix pai angkya changle, chemthüikoxle ija azya angkya ilaxle jento ija thothale chang ang Jowanpae zünle kopkya a hwom tix changle.”

MÜNCHUAK-TSAI 134:1

Oman, Jowanpa to mohimankox, hünzom pangnu Jowanpa dabu, zangnak ma Zangshwom-Hom ma Jowanpa thothale changpuix, hünzom pangnu!

TSAITONG-KAXTONG 21:3

Ifüima süsoxle tüikya tingnu angkya lompabue manzai to malaxkya maihupong tuita zünle kopüi.

1 PUKAX-PANGAO 23:13

Chix sasün tüichongsa Amram a Arun hia Mosa nyi hopa changkya. (Arun hia chix sixli hwom a othuithui hanpak ang otsao tuinabu to twon angkya, Jowanpa to shwomle ongan müikya sobu zok angkya, chix thotha angkya, ilaxle chix mün ma khünaknu to mohiman angkya hanpakma süile dan.