TSAITONG-KAXTONG 10:20 - OTSAO BAIBEL (BSI)

²⁰ Jowanpa hünzom Zang kax ma laxle tüilax ilaxle chix tata to shwom-to le changlax. Chix to mongong tüile ngolax ilaxle hünzome chix mün ma zaza tsaolax.

TSAITONG-KAXTONG 10:20 ပူးပေါင်းရင်းမြစ်များ

TSAITONG-KAXTONG 6:13

Jowanpa hünzom Zang chathua zale tüilax, chix tata tong shwomlax, ilaxle hünzome chix mün tata ma tsaosaxle changlax.

TSAITONG-KAXTONG 13:4

Jowanpa mantolax ilaxle chix achuak-achenle changlax; chix kax ma laxlax ilaxle chix kaxtombu thomlax; chix to shwom-to lax ilaxle chix to mongongle tüilax.

KAXHO MÜIKYA LUK 4:8

Jisu-e lan: “Otsao Lai ma thüile: Nange Jowanpa, nang Zang tata to shwomlax; chix mwot tix moklax!”

TSAITONG-KAXTONG 11:22

Kue hünzom ang koxkyakya wanlombu kax ma laxle tüilax: Jowanpa hünzom Zang to mongkünkox, tütalichu chix kaxtom ma laxle mokkox, ilaxle chix to mongong tüikya füi ngokox.

MATHI 4:10

Ija ma Jisu-e chix to sa, “Bao, nang ikha angkya atsaiün; chemthüikoxle ile zakya tüile: ‘Nange nang Jowan Zang shwonlax, ilaxle chix thotha lax.’”

MÜNCHUAK-TSAI 63:11

Zang-e chix ang lüt ang tomkoxle, wanghompa ang mongmüiüi. Zang mün male tsaosaxkyabue chix achuaküi, ikoxle atsekya mixe ma wikha a huxüi.

ROM NOK HATO ZAKYA POL LAIZA 12:9

Mongkünkya a zongbakle kün angkya changle. Chem oma hex ija thua anu, oja müipuix ija to mongle künkop angkya changle.

ISAIA 45:23

Ku kaxtsao a otsingtsing changpu, ilaxle ija alüix angkya münchang. Ikhoma ku chemle tüipuix ile kue tsaosaxpu; Noknusa wüi ku hato nguiüi ilaxle akhuxüi ilaxle ku kax ma laxle ngo angkya tsaosaxüi.

WANGSHEMBU MWOT 11:23

Ikhato chix ngui ilaxle Zange khünakbu to mohimankya ngünlaxle chixe hwom ang zong adünle Jowanpa to mongongkya ma shingmongle ngo angkya akax.

JIHUSUA 23:8

Itülüi, Jowanpa to mongong thomlax. Anyix kople hünzom ngole hüikya lailai ngolax.

TSAITONG-KAXTONG 4:4

ikoxle hünzom opange Jowanpa hünzom Zang to mongong thomtsuak puix, athax kople pangwüi ozün ma tüipu.

LAIPAO 20:7

“Ochax lom to ku mün Lünle taxchang; chemthüikoxle Jowanpa, ku hünzom Zang-e chichang-chizang lom to ku mün lünkyabu to sikngün apong ang tomüi.

TSAITONG-KAXTONG 5:11

“‘Ku mün a ochax lom to taxtwon, chemthüikoxle ku, Jowanpa hünzom Zang-e, othai to ku mün twonle changkya mix pangwüi to sikangünüi

TSAITONG-KAXTONG 30:20

Jowanpa hünzom Zang to mongkünlax, chix kax ma laxle tüilax tamchu chix to mongong tüikya füi ngolax. Ile jangchangba, hünpu hwom, Abraham, Isak hia Jakop hwom ang koxüihex-ole tsaosaxkya haxtok ma hünzom tamchu hünzom su-sa hwom tsünlole ngo ang kopüi.”

JIHUSUA 23:7

ilaxle hünzom khama danle toxkya mixnok khünakbu füi hünzom tomsax-tommok le chichangüi chichangba hwom baozangbu mün lünle zang chiwünüi chichangba tsaosaxle changpongma ibu mün chilünüi chichangba ibu baozangbu to shwom-to le chichangüi chichangba ibu tong to puinaile chichangüi.

1 SAMUEL 7:3

Israel khünaknu füi Samuel akax: “Hünzom a Jowanpa hato mongchatle jangchang, hünzom mixnok baozangbu hia baozangchabu Astarte chapabu pangwüi füi atsai angkya changle. Hünzome ma alüile Jowanpa chak to ma alüile atsaole bakle koxlax ilaxle chix tata to shwomlax, ile jangchangba chixe hünzom a Filistia nok chak tokya khosünle kopüi.”

2 WANGHOMBU 18:6

Chixe Jowanpa to mongong thom ilaxle otuechu chixe kax ma chilaxle chitüitox, ikoxle Mosa ang koxkya Jowanpa kaxtombu pangwüi otia ma thom.

JEREMIA 4:2

ku mün lünlaxle kaxlan fa angkya hünzom hanpakma sukya ang changüi. Ifüima pangnu jat-lie ku ang hwom to mohiman angkya akaxüi, ilaxle hwome ku achuakle changüi.”

TSAITONG-KAXTONG 5:29

Hwome othuima ile lüwüi ajangle namngo thüikoxba! Hwome jento ku chathua zale tamchu ku kaxtombu kax ma laxle jangtüi thüikoxba, hwom hanpakma tamchu hwom su-sa hwom füi pangnuli othuithuima müile changsedai.

HWON-NWOT-JAONO 12:13

Ibu pangnu füima, zangwün angkya oli tuita wüi: Zang chathua zalax, ilaxle chix kaxtombu kax ma laxle tüilax, chemthüikoxle kem a ija hanpakmale zingle alaikya changle.