TSAITONG-KAXTONG 10:19 - OTSAO BAIBEL (BSI)

¹⁹ Idaile mixnok ibu hato mongkün ahokox, chemthüikoxle hünzom chuwüi tam a Ijip nok to püntüi ang ngole toxdaokya changle.

TSAITONG-KAXTONG 10:19 ပူးပေါင်းရင်းမြစ်များ

LAIPAO 22:21

“Mixnok wünpa to aza-anale hia dyen-nganle taxchang; texle ataklax, hünzom chuwüi Ijip nok to püntüi ang ngole toxdaokya changle.

GALATIA 6:10

Idaile kem ang otukux oshua tüipuix itukux keme noknusa towüi müikya mwot mok angkya oli changle, tamnüilechu mongong ma kem füi homkha tuita ang ngokyabu ang mok kox angkya oli changle.

KAXHO MÜIKYA LUK 17:18

Ija mixnoksün boma Zang ang münchong fa ang chatkya owachu müntüi tsuak hexnyi?”

KAXHO MÜIKYA LUK 6:35

Ile münchang! Hünzome ma zanbu to mongkün kox ilaxle hwom ang müikya olom mokle laxkox; olüix kopüi le ongkya chitüi le laxkox. Ile jangchangba nang ang hingho chongkya tüiüi, üntoxle hünzom a Taitax Zang susa ang achangüi; chemthüikoxle münchong chifakya hia chichang-chizangle tüikyabu to chixe chingchale.

TSAITONG-KAXTONG 23:7

“Edom nok wünhaile taxchang; hwom a hünzom haxnu-homsabu changle. Anaole Ijip nok thachu taxajao; hanpak tuita ma hünzom a hwom haxtok to ngodaokya changle.

EZEKEL 47:22

ija a jento hünzom kux ang ngoüi. Hünzom khato ngole tüikya mixnokbu ilaxle opange ikhato supux-sapaile ngole tüipuix, hwome chuwüi hünzome ija haxtok tom-hanle changpongma hwom süntswon kop angkya changpu. Ibu to Israel nok nokpu tuita ningle huüi ilaxle hwome chuwüi Israel nok homjenbu füi tomle hwom haxtok kop angkya hanpakma chizing tswon ang tom angkya changle.

EZEKEL 47:23

Ngole tüikya mixnok wünpa ibue, hwom opupu füi tomle ngole tüipuix, ibu Israel nok homjenbu khato hwom haxsüt kop angkya changle. Ija kax, Jowanpa Khüthak Zang, kue akaxpu.”

TSAITONG-KAXTONG 23:8

Tsünthom azom tokhange ibu sixlibu a Jowanpa khünaknu khato lax ang tsuaküi.