TSAITONG-KAXTONG 10:18 - OTSAO BAIBEL (BSI)

¹⁸ Chixe zomnu hia khaxsa hwom wünhai chitüile tomwüi hule; kem füi tomle ngole hüikya mixnokbu to chixe mongkünle ilaxle hwom ang sütling hia nyiwun ibu koxle.

TSAITONG-KAXTONG 10:18 ပူးပေါင်းရင်းမြစ်များ

MÜNCHUAK-TSAI 146:9

Kem haxtok ma ngokya püntüibu kho chixe awale; chixe zomnu hia khaxsabu to asunle, ikoxlechu chichangchizangle tüikyabu a hwom müt lom to paole.

MÜNCHUAK-TSAI 68:5

Zang, owa chix Zangshwom-Hom ma ngopuix, chixe zomnu hia khaxsa hwom to humele.

JEREMIA 49:11

Hünzom khaxsa nao hwom ku ma dantoxlax, kue hwom to hulax angpuix. Hünzom thanu hwome ku to mongong ang tsuak.

ISAIA 1:17

ilaxle sukya mwot mok ang awanle koplax. Kaxfün sule facha: afangle thomkya to fongcha hex, zasa-khaxsabu ang süntswon facha hex, zomnubu kho awale kopcha hexle hukoplax.”

MÜNCHUAK-TSAI 145:9

Chix a noknusa zongto müile ilaxle chix chakzing pangwüi zongto chingchakya tüile.

MÜNCHUAK-TSAI 103:6

Jowanpae afangle thomkyabu chikao ma sele kaxfün fale ilaxle hwom ang hwom chifün koxle.

HOSIA 14:3

Asiria-e kwom otuechu sün ang müntsuak ilaxle zankat manbue kwom kho awa ang müntho. Kwome kwom chapabu füi ibu a kwom Zang changle le chatle münthüi. O Jowanpa, owa hato pao angkyachu chitüile ngokyabu to nange chingcha ahohüi.”

LAIPAO 22:22

Zomnu hia khaxsa hwom to omale taxhwon.

WANGSHEMBU MWOT 14:17

Ibachu chixe hünzom ang ding tokya zangwat kox üntoxle otu nguikya ma tsaxsa hikha puamün ang kox; chixe hünzom ang sütling kox üntoxle hünzom mongmüie awangle ngo ang kox; ile chixe müikya mwot mokkya tokhange othuithuima chixe chix chemningkya hex ija aho.”

MATHI 5:45

Ikoxletix hünzom a zangkangting tokya Apa susabu ang achang ang tsuaküi; chemthüikoxle chixe chix zanghan füi chimüikya hia müikya khünaknu nok to tomwüi nyan ang tomle; tamchu omüi mokkya hia oma mokkya pangnu ang zangwat tomwüi fale.

LAIPAO 22:23

Hünzome ile janghwonba hwome chingchahüile akhongkya zuma kue hwom kax to lanüi.

HUAKE LAIPEX 10:32

Nang kwom füito janghüi thüiningle, Jowanpae kwom afafa mohiman komkaile nang füi tom-hanle changüi.”

TSAITONG-KAXTONG 27:19

“‘Mixnok wünpa hia zomnu-khaxsabu to jemlaxle, hwom süntswon pale paokyabu to Zang-e thuakzomkya naxtüi.’ “Ilaxle noknusae lanüi, ‘Amen!’

2 PUKAX-PANGAO 19:7

Jowanpa chathua zakya tüilaxle ilaxle khün-likya füi kaxfün falax, chemthüikoxle Jowanpa, kem Zang-e, dyen-ngankya, masüi-mixlüile changkya hia zuizun, ibu füi adukya müntüi.”

LAIPAO 22:20

“Jowanpa ku boma owawa ang tö koxkya mix jangtüi, chix thajaole wünhai ang tomkox.

LAIPAO 22:21

“Mixnok wünpa to aza-anale hia dyen-nganle taxchang; texle ataklax, hünzom chuwüi Ijip nok to püntüi ang ngole toxdaokya changle.

LIWI 25:35

Nang homzui ma ngokya Israel khünak tüita-naopa ma cha ma ajong ang thüikoxle zongmo chiapongle tuimix-nuakmix ang achangle pao; ija to hingchak koxle thomkya mix to chemle humele changpuix ilailaile nange humele kox angkya changpu ikoxle tix chix a nang homzui ma ngo ang thoüi.

MÜNCHUAK-TSAI 10:18

Afangle thomkya hia zasa-khaxsabu sopkya zing nange atat angkya changle; nange hwomchi ma sele kaxfün faüi, ikoxle tix ziün angkya khünake thama mwot chatle tammünmok.

MÜNCHUAK-TSAI 68:6

Ma tata ngokyabu chang chix ngwotnui koxle ilaxle kople thomkyabu danle khangkho angaile, ikoxlechu chix zongto apüile tüikyabu a khünak chingokya haxtok to ngo angkya laiüi.