TSAITONG-KAXTONG 10:12 - OTSAO BAIBEL (BSI)

¹² Athax a, O Israel khünaknu, Jowanpae hünzom ma chem jupuix ija to apalax: Jowanpa to shwom-to le changlax ilaxle chix kaxtom ma pangwüi moklax. Hünzome ma kün-hi-mong bakle koxle chix to mongkünkox tamchu chix thothakox,

TSAITONG-KAXTONG 10:12 ပူးပေါင်းရင်းမြစ်များ

TSAITONG-KAXTONG 6:5

Nang mongtsang pangnu füi, nang chamua pangnu füi, ilaxle nang tsak-zong pangnu füi Jowanpa nang Zang to mongkünkya tüilax.

MIKA 6:8

Ile münchang, Jowanpae chem müipuix ija kem hama apuadaoa. Chixe kem angkya laxse tsukya a ija changle: chem supuix ija mok angkya, chithwon mongkün angkya, ilaxle kem Zang füi puinaikya notom-tusüi ma ngo angkya.

KAXHO MÜIKYA LUK 10:27

Ija mixsüne lan: “Nang mongtsange abakle, nang chamuae abakle, nang tsakzonge abakle, üntoxle nang khangkae abakle, Jowanpa nang Zang to mongkünlax; üntoxle nange ma tukux tomzi to künlax.”

TSAITONG-KAXTONG 5:33

Ibu pangwüi kax ma laxlax, ikoxtix hünzom füi pangwüi müile hüiüi ilaxle hünzome kop angkya haxtok ma hünzom jento ngo ang kopüi.

TSAITONG-KAXTONG 11:13

Idaile anyix kue hünzom ang fakya kaxtombu kax ma laxle tüilax. Jowanpa hünzom Zang to hünzome ma kün-hi-mong makhange zongbakle mongkünlax tamchu chix thothale changlax.

MATHI 22:37

Jisu-e lan: “Nange nang Zang to mong makhange abakle, chasa makhange abakle, tamchu tutex makhange abakle mongkünkox!

ZEFANIA 3:9

“Ifüima kue jat-li angkya khünaknu mong alop ang tomüi, ilaxle hwome ku to jopkya boma mama baozangbu owa tochu chijop chitoüi. Hwome pangnusae ku kax ma laxle changüi.

MÜNCHUAK-TSAI 34:9

Jowanpa chathua zakya tüikox, chix khünaknu pangnu; chix kax ma laxle tüikyabu ang hwome lomkya pangwüi tüi ang tomüi.

TSAITONG-KAXTONG 4:29

Ekhato hünzome Jowanpa hünzom Zang lomüi, ilaxle hünzom künbak-mongbakle janglom, hünzome chix ataküi.

IBRI 12:28

Idaile Zang ang münchong fahax, chemthüikoxle sile alox ang chithokya Wangting keme pongle koppu. Chixe pongle kopkya lima tamchu chix chathua zakya füi keme Zang shwomhax;

EZEKEL 11:20

Ifüima hwome ku wanlombu thomüi ilaxle ku kaxtombu kax ma laxle tüiüi. Hwom a ku khünakbu ang changüi, ilaxle ku a hwom Zang ang changüi.

MÜNCHUAK-TSAI 145:20

Chix to mongkünle tüikya pangnusa kho chixe awale, ikoxlechu chichangchizangle tüikyabu chixe olithu ang tomle.

MÜNCHUAK-TSAI 128:1

Jowanpa kax ma laxle tüikyabu mohiman, chix kaxtombu ningle ngotsuakkyabu a.

MÜNCHUAK-TSAI 81:13

Ku khünakbue ku kax ma laxle namtüibae texkox chemning chitüi; hwome ku kax ma laxle kangtüibae texkox chemning chitüi!

JIHUSUA 22:5

Mosa-e hünzom ang koxle toxkya wanlom: ‘Jowanpa hünzom Zang to mongkünkox, chix mongtex mokkox, chix kaxtombu kax ma laxkox, chix to mongong tüile ngokox, ilaxle hünzom kün-mong hia chasa pangnu makhange chix thothakox; le tüikyabu kax ma laxle-ole azongkox.’”

TSAITONG-KAXTONG 30:20

Jowanpa hünzom Zang to mongkünlax, chix kax ma laxle tüilax tamchu chix to mongong tüikya füi ngolax. Ile jangchangba, hünpu hwom, Abraham, Isak hia Jakop hwom ang koxüihex-ole tsaosaxkya haxtok ma hünzom tamchu hünzom su-sa hwom tsünlole ngo ang kopüi.”

TSAITONG-KAXTONG 30:16

Hünzome Jowanpa hünzom Zang kax ma laxle jangtüi, chix kax ma laxlax, ilaxle chix wanlombu tole ngolax, jangchangba hünzom a ahak-aluale tamchu khünak huanuma tsale tüikya jat-li ang achangüi; ija a anyix kue hünzom ang koxle ngopu. Hünzome kop angkya haxtok ma Jowanpa hünzom Zang-e hünzom to mohimanüi.

1 JUHAN 5:5

Chaxwannu to anao ang: Jisu a Zang Hosa changpu le ongkya mixe tix thole.

1 JUHAN 2:15

Chaxwannu to chichangba chaxwannu kux chem tochu mong taxkün, hünzome chaxwannu to jangkünba, hünzome Hopa to münkün.

ROM NOK HATO ZAKYA POL LAIZA 8:28

Chix to mongkünkyabu, kem opang Zange chix mwot mok ang ahyenpuix, hwom füi Zange omüi hanpak paktikle mwot mokkya keme awanle.

KAXHO MÜIKYA LUK 11:42

Hünzom farisibu, hünzom maxsax! Chemthüikoxle hünzome suingan hia büza üntoxle mama suilai oli pangnu akiakle Zang mün ma bün ma thomta koxpu, ikoxle otya ma kaxfünkya hia Zang mongkün hünzome awütle toxpu. Ibu mokkya hünzome mamabuchu wüi awütle chitoxle mok angkya oli changle.

JOB LAIPEX 36:11

Hwome Zang kax ma lax üntoxle chix thothale jangchang, Hwom a mongsom ma üntoxle tüinangle ngo ang tomüi.

TSAITONG-KAXTONG 6:13

Jowanpa hünzom Zang chathua zale tüilax, chix tata tong shwomlax, ilaxle hünzome chix mün tata ma tsaosaxle changlax.

WANGSHEMBU MWOT 9:31

Ile Jehudi üntoxle Galili tamchu Samaria tokya müimüithombue sikngün apongkya zakle tumüikya hanpak atak. Jowanpa chathua zakya hia Otsao Chasa mongsom ma ngokya füi, hwom khünak huak tsale hüi.

ROM NOK HATO ZAKYA POL LAIZA 1:9

Hosa bama Kaxho Müikya apukle mong bakle koxlaxle Zang owa mwot kue mokle ngolaxpuix, chixe ku zangwün otsingtsing changpu le kaxkhi fa ang thoüi. Kue zangjopkya foto hünzom texle atakkya Zange awanle.

MÜNCHUAK-TSAI 18:1

Jowanpa, kue nang to chemtukux mongkünpuix! Nang a ku khowa-pa changle.

1 TIMOTHI 1:5

Ija kax koxkya mongtex a: tsaothakya mong makhange laikya mongkün, je chipakya khangka ilaxle otsingtsing mongong azwot angkya hanpakma changle.

LAIPAO 23:25

Hünzome Jowanpa hünzom Zang, ku to shwomle jangchang, kue süt hia ti füi hünzom to mohimanüi ilaxle hünzom kaklak komkaile paoüi.

TSAITONG-KAXTONG 6:2

Hünzom ozün ma ngokya kople, hünzom tamchu hünzom su-sa hwome hünzom Zang Jowanpa achuak-achenle tüi angkya oli changle. Hünzom ija haxtok ma tsün-khothole ngo angkya hanpakma kue hünzom ang fakya chix wanlombu pangwüi kax ma laxle tüilax.

TSAITONG-KAXTONG 6:24

Ifüima Jowanpa kem Zang-e wanlom ibu to ilaxle chix to achuak-achenle tüi angkya kem ang kaxtom kox. Keme ile jangmok thüiningle chixe kemjat kemli to nyele ngoüi ilaxle ahak-aluale ngo ang tomüi.

TSAITONG-KAXTONG 10:11

Ifüima chixe ku paolaxle hünzom lomzun angkya akax, ikoxle tix hünzom putong hwom ang koxüihex-ole tsaodaokya haxtok hünzome koptsuak angkya chang koxle.

TSAITONG-KAXTONG 10:13

ilaxle chix wanlom kax pangwüi ma laxle tüikox. Hünzom fün naxmüikoxle anyix kue hünzom ang koxpu.

TSAITONG-KAXTONG 11:1

Jowanpa hünzom Zang to mongkünkox ilaxle othuithuima chix wanlombu kax ma laxle tüikox.

JIHUSUA 24:14

Jihusua-e chizakle akaxle thüi: “Idaile athaxpi, Jowanpa achuak-achenle changkox ilaxle künkox-mongkoxle tamchu mongong tüikya füi chix thothale changkox. Mesopotamia hia Ijip haxtok to hünzom putong hwome shwomle ngokya baozangbu füi atsaiün, ikoxle Jowanpa, chix tata thothale changlax.

1 WANGHOMBU 3:3

Solomon-e Jowanpa to mongkün ilaxle hopa Dawid-e adangle fakya kaxtombu kax ma laxle hüi, ilaxle chixe ngaxchu ma tö-tsaptsap to müibu langle zangshwomle hüi.

MÜNCHUAK-TSAI 119:2

Opange hwom kün-hi-mong makhange abakle chix kax ma laxle chix kaxtombu tole tüipuix, hwom a mohiman.

HWON-NWOT-JAONO 12:13

Ibu pangnu füima, zangwün angkya oli tuita wüi: Zang chathua zalax, ilaxle chix kaxtombu kax ma laxle tüilax, chemthüikoxle kem a ija hanpakmale zingle alaikya changle.

TSAITONG-KAXTONG 5:29

Hwome othuima ile lüwüi ajangle namngo thüikoxba! Hwome jento ku chathua zale tamchu ku kaxtombu kax ma laxle jangtüi thüikoxba, hwom hanpakma tamchu hwom su-sa hwom füi pangnuli othuithuima müile changsedai.

TSAITONG-KAXTONG 26:16

“Anyix Jowanpa hünzom Zang-e ibu wanlom pangwüi kax ma laxle tüi angkya kaxtom koxle, ilaxle mongong tüikya füi hünzome mong makhange ibu kax ma laxle tüilax.

TSAITONG-KAXTONG 27:10

idaile chix kax ma laxle tüilax ilaxle anyix kue hünzom ang koxle ngokya kaxtombu thomlax.”

1 SAMUEL 12:20

Samuel-e lan: “Taxza, ilaxle hünzome iningkya ochax mwot mokle changdao koxlechu, Jowanpa tok ahole taxchang, ikoxle nangkün-nangmong bakle koxlaxle chix thothale changkox.

2 WANGHOMBU 10:31

Ikoxlechu Jehu-e Jowanpa, Israel nok Zang Wanlombu chix mong makhange abakle chito; itülüi Israel khünakbu ochax to düt ang tomkya Jeroboam man mix to.

2 WANGHOMBU 18:3

Chixe hopa Dawid mantole Jowanpa zongto chem müipuix ijaja mok.

2 WANGHOMBU 18:6

Chixe Jowanpa to mongong thom ilaxle otuechu chixe kax ma chilaxle chitüitox, ikoxle Mosa ang koxkya Jowanpa kaxtombu pangwüi otia ma thom.

1 PUKAX-PANGAO 28:9

Anaole chixe Solomon ang thüi: “Ku sasün, nange hünpa ku Zang to otsing changpule ngaitsuak angkya oli changpu ilaxle mong züizüihanle chichang homtoxle mongtsutsule chix thotha angkya changpu. Chixe kem küntex-mongsung komkaile tsingle. Nang chix hato hüile jangchang thüiningle, chixe nang a pongle kopüijao; ikoxlechu nange chix hato tok ahole jangchang, chixe othuithui hanpak ang nang a awütüi.

2 PUKAX-PANGAO 15:12

Izuma hwome, Jowanpa, hwom pupa hwom Zang to kün-hi-mong makhange zongbakle shwom angkya tsaosax.

MÜNCHUAK-TSAI 81:14

Kue hwom zanpabu to lütlaxle hwom zanbu pangwüi chak ma kop ang those.