TSAITONG-KAXTONG 1:8 - OTSAO BAIBEL (BSI)

⁸ Haxtok ibu pangwüi kue hünzom putong Abraham, Isak hia Jakop hwom ang owüiole koxkya chaxwan changpu. Paolax ilaxle ija haxtok amle koplax.’”

TSAITONG-KAXTONG 1:8 ပူးပေါင်းရင်းမြစ်များ

PONGWANG LAIPEX 15:18

Ija nyix Jowanpae Abram füi Tsaotsüt laxle thüi: “Ijip shuanu makhange Eufrat shuanu alople ija haxtok kue nang sixlibu ang koxpu.

PONGWANG LAIPEX 12:7

Jowanpa a Abram hato ngaile lai ilaxle chix füi akaxle thüi: “Ija a kue nang su-sabu ang kox angkya haxtok changpu.” Ifüima Abram-e, chix hato ngaile ahokya Jowanpa ang tötsap tuita zingle kox.

PONGWANG LAIPEX 15:16

Nang su-sa hwom ikhato chatle chat ang zanglao 400 homüi chemthüikoxle hwom ang sikngün koxtangle chichang-chizangle machang tanto kue Amor nok jwonle münapao.”

IBRI 6:13

Otue Abraham füi Zange chix kaxtsao koxpuix, chixe tsaodaokya pangwüi kox angkya hexo le tsaosax. Chix thak ma owachu chitüikya daile, ija tsaosüt ma chixe ma mün lün.

IBRI 6:14

Chixe thüi: “Kue nang to mohimanüi, üntoxle nang ang ku sixli faüi le tsaopu.”

LAIPAO 23:31

Kue hünzom longzi a Agaba angkya Tütsak-tinu tokhange Eufrat shuanu kople ilaxle Mediterenian tokhange sak-hax alople achenüi. Ija chaxwan ma ngokya nokpu pangnu thakma kue hünzom ang apün ang tomüi, ilaxle süsox-süsoxle soxle hüikya zuma hünzome hwom jwonle apaoüi.

LAIPAO 33:1

Jowanpae Mosa ang thüi: “Nang ilaxlechu Ijip nok tokya nange alaile apüikya khünaknu pangwüi ikha dantoxlaxle achexün. Kue Abraham, Isak hia Jakop hwom ang koxüihex-ole tsaokya chaxwan to paolax.

HUAKE LAIPEX 14:23

Hwom pupa hwom ang koxüihex-ole tsaokya haxtok to hwom tütue chu ngui ang müntho angkya changle. Ku pongle chikopkya mix owachu ikhato ngui ang müntho.

HUAKE LAIPEX 32:11

‘Kue tsaopu, hwome ku kax ma laxle chitüikya khoma, hwom Ijip nok tokya hüikyabu, zangtsa makhange thakchichi owaechu, kue Abraham, Isak hia Jakop hwom ang koxle thomkya ija haxtok to ngui ang müntom.’

TSAITONG-KAXTONG 1:11

Jowanpa, hünzom putong hwom Zang-e, chixe tsaodaokya ningle, hünzom othom hajate nüile jao pu-tsale chang ang tomkox, ilaxle hünzom ahak-achakle chang ang tomkox!

TSAITONG-KAXTONG 11:24

Hünzome hünzom ahamle hüidaokya haxtok pangwüi hünzom kux ang achangüi. Hünzom longzi a shuathongchi sak-hax alople, shuakuxchi ma Lebanon Haxnu alople, handünchi ma Eufrat shuanu makhange hannopchi Mediterenian tinu alople changüi.

NEHEMIA 9:15

“Chemtue hwom ang wok anole changpuix, nange hwom ang zangkangting tokhange süt fa, ilaxle ti alan pongma longnu tuita makhange ti alaile koxpu. Nange hwom ang ija haxtok akox-akomle chang angkya akaxpu nange hwom ang koxüihex-ole tsaokya haxtok a.

JEREMIA 32:22

Nange hwom ang ija ahak-aluale tüikya hia haxzaoe awangkya haxtok koxpu; ija a nang hwom pupa hwom füi tsaotsüt daokya ningle changpu.

EZEKEL 47:14

Kue ija haxtok hünzom ang kox angkya hex-ole hünzom putong hwom füi kue tsaotsütle changdaoa, idaile athax hünzome ija tomwüi-tomwüi tom-hanle laxlax.

TSAITONG-KAXTONG 1:35

‘Kue hünzom putong hwom ang koxüihex-ole tsaokya chaxwan, haxzao füikya haxtok to ija tsünthom angkya opupuchu ngui ang müntom.

TSAITONG-KAXTONG 2:29

Ija a Jowanpae kwom ang koxle tüikya Kanan haxtok alop ang Jordan shuanu tale le angkya onui alop lanle. Esau su-sa hwom, Edom nok, Moab nok, opang Ar tingnu ma tingtan-nokzing laxle tüipuix, hwome hwom haxtok akaile kwomle ang lom daple fapu.’

TSAITONG-KAXTONG 4:1

Ifüima Mosa-e khünaknu ang thüi: “Kue hünzom ang anwot-anole ngokya wanlombu pangwüi kax ma laxle tüilax, ilaxle hünzome, Jowanpa, hünzom putong hwom Zang-e hünzom ang koxle ngokya haxtok kop ang thoüi.

TSAITONG-KAXTONG 6:10

“Jowanpa hünzom Zang-e chemle hünzom putong Abraham, Isak hia Jakop hwom füi, chongkya hia ahak-aluale tüikya tingnubu oja hünzome zingle alaikya münchanghex, ibu füi tüikya haxtok koxüile tsaosaxkya ningle changpuix,

TSAITONG-KAXTONG 7:8

Ikoxlechu Jowanpae hünzom to mongkünle ilaxle chixe hünzom putong hwom füi tsaosax daokya otya ma thom angkya hanpakmale changle. Ikhoma chixe hünzom a chixtsak chix ong füi khosün laxle Ijip nok wanghompa chak tokya da ang ngokya dale paopu.

TSAITONG-KAXTONG 7:12

“Hünzome ibu kaxtom to na thale apalax tamchu mongong tüikya füi ibu kax ma laxle jangchang, Jowanpa hünzom Zang-e, hünzom füikya Tsaotsüt thomüi ilaxle hünzom putong hwom füi tsaosax daokya ningle hünzom ang chixe chizakle mongkün ahokya tüiüi.

TSAITONG-KAXTONG 7:13

Chixe hünzom to mongkünkya tüiüi ilaxle mohimankya tüiüi; ile hünzom khünak huak tüle pu-tsale changüi iningle su-sa hwom huanuma tüiüi; chixe hünzom haxtok manzai to mohimanüi ilaxle hünzome tüle saxkople, grepti-ju hia olip münga kople changüi; ilaxle hünzom ang osu-maihu hia chunbu tüle koxle mohimankya tüiüi. Chixe ibu mohiman a, hünzom putong hwom füi hünzom ang koxüihex-ole tsaokya haxtok ma koxüi.

TSAITONG-KAXTONG 8:1

“Anyix kue hünzom ang koxkya wanlombu kax ma laxle tüilax, ikoxle tix hünzom khüzün müile ngoüi, pu-tsale changüi, ilaxle Jowanpae hünzom putong hwom ang koxüihex-ole tsaokya haxtok hünzome kop ang thoüi.

TSAITONG-KAXTONG 9:5

Hünzom a tüle müi tamchu chem supuix ijaja mokle tüikya khoma Jowanpae ija haxtok hünzom ang kop ang tom angkya münchang. Hwom a chichang-chizangle tüikya ochax khünakbu changle tamchu Jowanpae hünzom putong Abraham, Isak hia Jakop hwom füikya chix tsaotsüt otia ma thomse tsukya khoma khünak ibu jwonle apao ang thüipu.

TSAITONG-KAXTONG 10:11

Ifüima chixe ku paolaxle hünzom lomzun angkya akax, ikoxle tix hünzom putong hwom ang koxüihex-ole tsaodaokya haxtok hünzome koptsuak angkya chang koxle.

TSAITONG-KAXTONG 11:9

Ilaxle Jowanpae hünzom putong hwom hia hwom su-sa hwom ang koxüihex-ole tsaokya haxtok ma hünzom tsünlo-khothole ngo ang thoüi.

TSAITONG-KAXTONG 26:3

Ipongma zomzing ang asukya nguapa hato nguilaxle chix füi akaxlax, ‘Athax kue, Jowanpa ku Zang-e kwom pupa hwom ang koxüihex-ole tsaosaxkya haxtok to ku ngui ang kopdaoale Jowanpa ang awan ang tompu.’

TSAITONG-KAXTONG 26:15

Nang ngwotnui otsao zangkangting tokhange hüihüi ilaxle nang khünaknu Israel nok to mohimanhüi; nange kwom füi tsaotsütkya ningle kwom ang fakya, ahak-aluale hia haxzaoe awangle tüikya kwom haxtok to mohimanhüi.’

TSAITONG-KAXTONG 28:11

Jowanpae hünzom ang koxüihex-ole hünzom putong hwom füi tsaosaxdaokya haxtok ma hünzom simüi-limüile ngo ang tomüi; tsom-pom wan müile chang ang tomüi ilaxle saxkop-linglole ngo ang tomüi.

TSAITONG-KAXTONG 29:12

Ija tsaotsüt kaxshing kop angkya hanpakma üntoxle ijama tüikya mwotli pongle kop angkya hanpakma anyix hünzom ikhama ngopu,

TSAITONG-KAXTONG 30:20

Jowanpa hünzom Zang to mongkünlax, chix kax ma laxle tüilax tamchu chix to mongong tüikya füi ngolax. Ile jangchangba, hünpu hwom, Abraham, Isak hia Jakop hwom ang koxüihex-ole tsaosaxkya haxtok ma hünzom tamchu hünzom su-sa hwom tsünlole ngo ang kopüi.”

TSAITONG-KAXTONG 31:7

Ifüima Mosa-e Jihusua se ilaxle Israel khünaknu tunthoma akax “Mong taxmax, mongchonglax; hwom putong hwom füi tsaotsütle changdaokya haxtok alop angkya hanpakma khünaknu ibu azüi angkya lompa a nang changpu.

TSAITONG-KAXTONG 34:4

Ifüima Jowanpae Mosa ang thüi: “Kue Abraham, Isak, hia Jakop hwom ang tamchu hwom su-sa hwom ang kox angkya hex-ole tsaokya haxtok a ija changle. Kue nang ang mike ngün ang koxpu ikoxlechu nang ikhato ngui ang müntom.”

JIHUSUA 1:6

Mongzangwünle tsuaklax tamchu mongong tüilax, chemthüikoxle kue hwom pupa hwom ang tsaokya haxtok hwome kopkya zuma nang a hwom lompa ang achang angkya changpu.

KAXFÜNPA-HWOM 2:1

Jowanpa kaxtaimix Gilgal makhange Bokim to nguilaxle Israel khünaknu ang thüi: “Kue hünzom Ijip nok tokya alaipu ilaxle hünzom pupa hwom füi tsaodaokya haxtok to apüipu. Kue thüipu, ‘Kue hünzom füi Tsaotsüt chemtuechu münama.