TSAITONG-KAXTONG 1:33 - OTSAO BAIBEL (BSI)

³³ hünzom thoma thongnui lomle bang ang ngaxchu Jowanpa, chix wüi thoma achale bangpu. Hünzom ang lom aho ang hünzom thothoma, zangnak ma thongnu lailaikya wün ma ilaxle anyixningkya zangngai ma thong lailaikya zangfwom ma chix ahampu.

TSAITONG-KAXTONG 1:33 ပူးပေါင်းရင်းမြစ်များ

HUAKE LAIPEX 10:33

Chemtue khünaknue otsao haxnu Sinai danle toxpuix, hwom chizakle nyix-azom aham. Jowanpa Tsaotsüt Suak jento hwom tunthoma aham ilaxle hwom ang pom zai angkya onui atakle kox.

MÜNCHUAK-TSAI 78:14

Anyixningle chixe zangfwom füi hwom azüi ilaxle zangnaknu akaile zangngai füikya wünzung to hwom aham.

NEHEMIA 9:12

Anyix ning ma nange hwom zangfwom füi azüi, ilaxle zangnak ma nange wünchua füi hwom lomtang angaile kox.

ZEKARIA 2:5

Jowanpa chixjao ija tingnu zongto wün katuk ang changüi ilaxle chix fuazangkya füi ikhama ngo angkya changle.”

EZEKEL 20:6

Ilaxle epongma kue hwom Ijip nok tokya alaile pao angkya ilaxle kue hwom hanpakma zünle kopkya, tüle ahak-aluale tamchu haxzaoe awangle tüikya haxtok, zangfang ma sümüipupa haxsüt, ikhato apüi angkya tsaosax.

MÜNCHUAK-TSAI 105:39

Zang-e chix khünaknu khangkho ma zangfwom dan ilaxle hwom ang zangngai fa angkya hanpakma awünningle wün kox.

HUAKE LAIPEX 14:14

hwome ija Kanan haxtok ma ngole tüikyabu hato wünle apuküi. Ibu khünake kaiwüi nang kwom füi womle tüikya tamchu nang zangfwom kwom khangkho ma zakle changpongma tsaothale nang ngün ang kopkya tamchu nang kwom thothoma anyixningle thong lailaikya zangfwom ma ilaxle ajaning a wün lailaikya zangfwom ma kwom khangkho ma ahamkya ozing noke wüi atatle hüidaoa.

MÜNCHUAK-TSAI 77:20

Mosa hia Arun nyi ma hünlit koxlaxle, Chunnyetpa tuita lailaile nange nang khünaknu lomzun.

LAIPAO 14:24

Anopningle swomsa ma Jowanpae thong lailaikya zangfwom hia wün makhange hwom to hu. Ija a abütle Ijip nok süpahibu ang chabüt-lasün ang tom.

JEREMIA 31:2

Sak-hax to chizile azangkyabu hato kue chingcha ahopu. Chemtue Israel khünaknue nazak laxse sungpuix,