TSAITONG-KAXTONG 1:29 - OTSAO BAIBEL (BSI)

²⁹ “Ikoxlechu kue thüipu, ‘Ibu thua taxza.

TSAITONG-KAXTONG 1:29 ပူးပေါင်းရင်းမြစ်များ

HUAKE LAIPEX 14:9

Jowanpa to kaxthup-ngaotünle taxchang-ngo tamchu ikhato tüikya khünakbu thua kem za-ngo angkya oli münchang. Keme ochwonpai ma hwom to lüt ang thoüi. Jowanpa kem füi tüile ilaxle hwom kho-awale ngokya baozangbu to chixe wüi anao angkya changle, idaile ojao taxza.”

TSAITONG-KAXTONG 1:28

Kem ikhato chemto pao angkya? Kem zapu. Keme zyet ang apaokya khünakbue, ikha tokya khünakbu a kem füi huanuma tsak-zongle tüile tamchu hwom a zangkho alople long katuk swonlaxle ziakople tüikya tingnubu ma ngole le thüile. Hwome ikhato mixtsak-naomüibu ngün ang kopkya mo wünle!’

TSAITONG-KAXTONG 1:30

Jowanpa, hünzom Zang-e lom azuiüi. Ijip nok to hünzome ngünle hüidaokya ningle hünzom hanpakma chix azanüi. Chixe iningle mokkya hünzome Ijip nok to ngünle hüidaoa

TSAITONG-KAXTONG 31:6

Mongtex tüilax tamchu mongchonglax. Hwom thua ojao taxza. Jowanpa, hünzom Zang, chix jaojao hünzom füi tüiüi. Chixe hünzom mün-ale tamchu danle müntox.”

NEHEMIA 4:14

Kue khünaknu mongthang ngokya ngün ang kop, ikhoma kue hwom lompabu hia alixachongbu füi akax: “Kem zanpabu thua zale taxngo. Zang chemtukux chongkya tamchu za-adünkya hex, texle ataklax, ilaxle hünzom ma-mixbu, hünzom naosombu, hünzom kakonubu, tamchu hünzom homkha hanpak ang azankox.”

TSAITONG-KAXTONG 7:18

Hwom thua taxza; Jowanpa hünzom Zang-e Ijip nok wanghom hia chix khünaknu hanpakma chempangle mokdaopuix ibu texle ataklax.

TSAITONG-KAXTONG 20:1

“Chemtue hünzom zanbu füi azan ang laipuix tamchu hünzom ma tüikya füi süluile man-kanlin hia manbu tamchu süpahibu hünzome ngünle laxpuix, ibu thua hünzom za-ngo angkya münchang. Jowanpa hünzom Zang, owae hünzom Ijip nok chak tokya khosünle apüipuix, chix a hünzom füi tüile.

2 PUKAX-PANGAO 20:15

Jehaziel-e thüi: “Wanghompa tamchu Judah hia Jerusalem ma ngole tüikya nang khünaknu, Jowanpa thüile, hünzom a müimamakya süpahi changle le chiza angkya chichangba abüt-abanle chichang angkya akaxle. Azankya a Zang füifüi changpu, hünzom füifüile münchang.

NEHEMIA 4:8

Ikhoma hwom pangwüi tomle nguilaxle Jerusalem to sing angkya ilaxle hwom mwotkho asamle chang angkya hwome kat-azua,