TSAITONG-KAXTONG 1:19 - OTSAO BAIBEL (BSI)

¹⁹ “Kwome kem Jowanpae kwom ang kaxtom fakyakya mokpu. Keme Sinai Haxnu dantoxlaxle tüpong chongkya tamchu za-adünkya sak-hax, Amor nok haxhua chito lepu. Chemtue keme Kadesh Barnia aloppuix,

TSAITONG-KAXTONG 1:19 ပူးပေါင်းရင်းမြစ်များ

TSAITONG-KAXTONG 1:2

Haxhua nok Edom lomnu makhange lele Sinai Haxnu alop ang nyixbün ata lax.)

JEREMIA 2:6

Hwome ku tüi jaojao chitex. Ijip nok tokya hwom kue sünle apüihupu ilaxle sak-hax faokha akaile kue hwom azuipu: Sak hia sak haxbange awangle tüikya haxtok, zuazoxkya hia thomzün tüikya haxtok ojong khato owachu chingo ilaxle owa ngaxchu ahamle chichangkya haxtok.

TSAITONG-KAXTONG 8:15

Tüle za-adünkya sak-hax ojongkha to oje füikya pu hia twonsibu ngopuix, iningkya haxtok akaile chixe hünzom lom azüi. Chixe hünzom hanpakma iningkya haxzan hia ti chitüikya chaxwan to longnu makhange ti angaile fapu.

TSAITONG-KAXTONG 32:10

“Chixe hwom a sak-hax to hamhamle ngokya atakle lax, khünak chingokya kha, zangwin wuwukya faokha. Chixe hwom kho awa ilaxle akox-akomle hume, chixe ma khosün pupule.

HUAKE LAIPEX 13:26

Mosa, Arun tamchu Paran faonu mong tokya Kadesh ma tüikya Israel khünaknu hato chat. Hwome ma mik füi ngünle toxkyabu kaxwün wang tamchu hwome apüikya pünziakbu hwom hato aho.

HUAKE LAIPEX 10:12

ilaxle Sinai haxnu angkya laile Israel khünaknu aham ang achex. Paran faonu mongto ija zangfwom nazakle tang.

HUAKE LAIPEX 32:8

Kue Kadesh Barnia tokhange ija haxtok to hu ang akat pongma hünpa hwomechu ilüwüi hwonpu.

TSAITONG-KAXTONG 1:7

Pombu pünlax ilaxle achexlax. Amor nok haxnu to paolax ilaxle hozui ma akhople tüikya pangnu haxtok to: Jordan haxsha to, haxhua chito, ilaxle haxchithong chito, shuathongchi chaxwan to, ilaxle Mediterenian tinu kax to paolax. Kanan haxtok to paokox tamchu Lebanon haxnu tokna kai tokya Eufrat shuanu alople paokox.

TSAITONG-KAXTONG 1:20

kue thüipu, ‘Athax hünzom a Amor nok haxhua to nguidaoa. Ikha a, Jowanpa, kem putong hwom Zang-e, kem ang koxle ngokya haxtok changpu. Paolax ilaxle chix kaxtom lailaile ochujongkha amle koplax. Mongao taxtüi chichangba taxza.’

TSAITONG-KAXTONG 2:7

“Chemthüikoxle Jowanpa nang Zang-e hünzom mwot pangnu lom ma hünzom to mohimanle hüidaoa; ipong chongkya faonu mong akaile ahamkya chixe awan ngole; ibu zanglao punyi mong ma Jowan Zang hünzom füi womle tüikya, ipongma hünzom chemmachu tui-nole chichang.

HUAKE LAIPEX 14:14

hwome ija Kanan haxtok ma ngole tüikyabu hato wünle apuküi. Ibu khünake kaiwüi nang kwom füi womle tüikya tamchu nang zangfwom kwom khangkho ma zakle changpongma tsaothale nang ngün ang kopkya tamchu nang kwom thothoma anyixningle thong lailaikya zangfwom ma ilaxle ajaning a wün lailaikya zangfwom ma kwom khangkho ma ahamkya ozing noke wüi atatle hüidaoa.

JIHUSUA 10:41

Ija zankate Jihusua a Kadesh Barnia makhange shuathongchi Gaza Tinu kax alople, Goshen haxsüt pangwüi womle, ilaxle shuakuxchi ma Gibeon alople longzi achen.