TSAITONG-KAXTONG 1:17 - OTSAO BAIBEL (BSI)

¹⁷ Nang kaxfün ma süi-chapkya taxtüi; pangwüi ang kaxfün otyatya wüi laxkox, chix tütapu wüi changle ngolax. Owa thuachu taxza, chemthüikoxle nang kaxfün a Jowanpa tokhange hüikya changle. Tütali zangwün nang zongto sütsakle jangchang, ija zangwün ku hato apüihüi, ija kue tsuakle faüi.’

TSAITONG-KAXTONG 1:17 ပူးပေါင်းရင်းမြစ်များ

TSAITONG-KAXTONG 16:19

Hwome kaxfün fapongma chisule tamchu süi-süi-chaple kaxfün chifaüi; ilaxle hwome zuizun chilaxüi, chemthüikoxle hingho chakzun makhange jetüi-hwonlangkya hia sukya khünakbu ang ngaxchu mik apwom ang tomle, ilaxle kaxfün othai fa angkya hato ahüile.

JAKOP 2:9

Ikoxlechu otok sünngün to hünzome mapai mixzün le jangchangba hünzome ochax lyenpu ilaxle kax ma chilaxle tüikyabu le wanlome hünzom ahaile.

LAIPAO 18:26

Hwome khünakbu hanpakma othuithuima kaxfün mixbu ningle mok. Muakya zangwünbu hwom lailai to azutle lax ikoxle hwome chithünkya zangwün a Mosa hato apüi.

WANWÜNKAX 24:23

Jetüi-hwonlangkyabue ijabu chuwüi akaxdaoa: Masüi-mixlüi le kaxfün fa angkya a sukya münchang.

2 PUKAX-PANGAO 19:6

ilaxle hwom hama ile adangle fa: “Kaxfün thothuile chifa angkya bama khünzailax, chemthüikoxle hünzome a khünak tsak-zong mwot mokkya münchang ikoxle Jowanpa tsak-zong mwot mokpu, ilaxle nange kaxfün fale changpongma chix a nang füi tüile ngole.

LIWI 19:15

“Wanlom ma kaxfün fa angkya zangwün azut pongma olom ma tamchu sule mokkox; mixshix-zasabu to asongle hu ikoxle saxpu-luawang to angakle hule mapai-mixzünkya chitüile tomzi bama sukya kaxfün laxkox.

LAIPAO 18:22

Ibu a jento khünaknu kaxfün mixbu ang naxngo. Hwome chithünkya tsai-kax ibue nang hato apüiüi, ikoxlechu muakya zangwünbu a hwom lualua to hwome azutle tsuaküi. Ile chang koxle hwom bama hünlit lax angkya nang zongto ochwon ang changüi.

1 PITAR 1:17

Khünaknu nok ang, mamwot mwot ma thütle, mapai mix chizün homle otya kaxfün fa angkya Zang ang zangjop pongma hünzome “Apa”, le nyaktüi; jangchang thüiba ija chaxwannu ma tsün ngotanto chix chathua zale ngokox.

1 THESALONIKA 2:4

Itülüi kwome Zang mongtex chem hex ijaja akax, chemthüikoxle Kaxho Müikya apuk angkya mwot kwom ang koxkox le asule tüile le chixe ngünle tsuak. Kwome khünak mong amüi ang chiazong, ikoxle Zang owae kwom mongthwon lop, chix mong amüi ang azongpu.

WANWÜNKAX 29:25

Mixe nang bama chemle ajang üntongsi le ija bama süchongle khütkhi ngokya a tuita thomzün changpu, ikoxle nang Jowanpa to mongongle jangchang, nang to chem münthüi.

2 SAMUEL 14:14

Kem pangwüi zi angkya changle; kem a haxkha to ti thokle awütkya füima tamchatle tswonle asox ang chimüikya thatha changpu. Zang-e ngaxchu zile paodaokya tamchatle chat ang müntom, ikoxlechu wanghome tütale thüichu paole samngoünkya zandabu apüi ang tsuak.

1 SAMUEL 16:7

Ikoxle Jowanpae chix ang thüi: “Nange chix pum-tsa hia osün müikya to taxhu. Kue chix münlax, chemthüikoxle kue khünake hukya lailaile kotok to hukya münchang ikoxle kue kün-hi-mong khato hupu.”

TSAITONG-KAXTONG 10:17

Jowanpa hünzom Zang a baozangbu pangwüi thakma achongkya tamchu pangwüi thakma chatsak-muazongle tüikya Zang changle. Chix a tüle chongle tamchu athakle tüile, ikhoma chix chathua a za angkya wüi changpu. Chixe masüi-mixlüile münchang tamchu zuizun münlax.

KOLOSI 3:25

Ilaxle thaile amokmok pangnu ang wüi hwome thaile mokkya olüix faüi, chemthüikoxle masüi mixlüikya chitüi le Zange pangnusa ang kaxfün fa angkya

EFISIA 6:9

Opupa hwomechu ilailaile ma dahaibu füi ile saxmok kox ilaxle aza-anakya olom twonkya zakün. Nok to chifün tuita makhange kaxfün fa angkya tuita hopupa kux changle le hünzom pangwüi hopupabue hex ilaxle dahaibue hex mong ma koplax.

ROM NOK HATO ZAKYA POL LAIZA 2:11

Chemthüikoxle Zange pangnusa ang wüi chifün tuita ma kaxfün fale.

KAXHO MÜIKYA LUK 20:21

Khualop mix ibue Jisu ang thüi: “Nwotmix, nange chem akaxpuix üntoxle chem anwot-anopuix ibu pangnu thaikya müntüile kwome awanle. Nange khünak chifün to chihu homle khünak hanpakma Jowanpa mongtex otsingtsing apuapu le kwome awanle.

MARK 12:14

Hwom hüilaxle chix ma atüi: “Nwotmix, nang a otsingtsing zangwünkya mix changle tamchu nang owa thuachu münza; nange khünak thünza to münhu, ikoxle otsingtsing ma khünak bama Zang mongtex chem hex ija apuale le kwome awanle. Kwome Kaisar ang chaxwan süi fa angkya olom chichang changpuix?

MATHI 22:16

Ofüima hwome hwom wangshembu tamchu Herod othom kha angkya khünakbu züita Jisu hato tsanle apao. Hwom nguilaxle thüi: “Nwotmix, kwome nang a mixmüi changpule awanle; khünaknue tütale wüi thütkoxlax tamchu owa thuachu chizale, nange khünaknu hama Jowanpa bama otsingtsing anwot-anole le kwome awan ngopu; chemthüikoxle nange khünak chifün to chihu.

JEREMIA 1:17

Achwonlax, Jeremia; paokox ilaxle kue nang ang akax angkya kaxtom fale tüikya hwom hama pangwüi akaxkox. Athax hwom thua zale taxngo, chichangba nang hwom füi ngole tüipongma kue nang sisi mix zale chang ang tomüi.

JOB LAIPEX 31:34

Tütuechu khünaknu zangwün thua ku münza; ku tütuechu dangle chichangba homkhama mango, chemthüikoxle hwom mwop angkya thua ku zale.

TSAITONG-KAXTONG 24:17

“Püntüibu hia khaxsabu ang hwom süntswon chifale müntüiüi, ilaxle ma thashe hanpak thathap ang zomnu tuita angkya nyiwun laxle chichangüi.

LAIPAO 18:18

Ile chang koxle nangchu tamchu khünaknu chu nale shuüi. Nang tatae mok angkya ija a huanu changpu.

PONGWANG LAIPEX 18:25

Nange müikya khünak ochax khünakbu füi tomle max ang müntomüi. Ija atsingsho! Nange ile otuechu münmok angkya changle. Nange ile jangmok thüiningle müikya khünakbu chu ochaxbu füi tomle sikngün ang tom angkya changle. Ija a tsuak angkya oli münchang. Zangfang angkya kaxfün mixbue kaxfün changle fang angkya olom.”

TSAITONG-KAXTONG 25:1

“Thütba Israel khünak mixsün anyi tütali ma alakya bama zangwün khwa to pao, ilaxle tuita a sule ata mix a thaile le kaxfün tsuak.

1 SAMUEL 2:25

Khünak tuitae mama mix owawa zongto thaile jangchang, Zang ija khünak khose ang thoüi; ikoxle Jowanpa zongto achaxkya khünak kho owae süntsuaküi?” Jowanpae hwom mik amüt angkya mongzangwünle tsuakdaokoxle hwome hopa kax ma ojao chilax.

2 PUKAX-PANGAO 19:5

Pan zailaxle ziakople tüikya Judah tingnu pangkha towüi chixe kaxfünpabu kamle dan

MÜNCHUAK-TSAI 82:2

“Hünzome chisukya kaxfün fale ngokya zak angkya wüi changle; chichang-chizangkyabu to hünzome süi-chapkya chemchu chitüi angkya oli changle! Selah

WANWÜNKAX 18:5

Chemchu chitikkya khünak ang sukya kaxfün chifa homtoxle thaikya chima se angkya a sukya olom münchang.

MALAKI 2:9

Hünzom ku mongtex ma kax ma laxle chitüikya khoma tamchu pangnu to tomwüi chihukya khoma, kue, Israel khünakbu ang hünzom ada ang tomüi.”

WANWÜNKAX 28:21

Masüi-mixlüikya a münsu. Ikoxle züizüi kaxfün mixbue hidaoküsa zuizun kop ang ngaxchu thaile mokle.