TSAITAX-NGAONÜI 8:1 - OTSAO BAIBEL (BSI)

¹ Nang a ku atüi namchanglaxba, ku anue she tsomti füi tuxle atsünkya mixsün a. Ifüima, tingjang lomnu to kue nang apongle jangchangba, owa mongma angkya chitüile kue nang füi tun apongle changse.

TSAITAX-NGAONÜI 8:1 ပူးပေါင်းရင်းမြစ်များ

GALATIA 4:26

Ikoxlechu Zangkangting füikya Jerusalem a pankya changpu, ilaxle ija a kem honu changle.

ZEKARIA 9:9

Mongmüikox, mongmüikox, Zaion angkya khünaknu! Mongmüi to akhong kox, hünzom Jerusalem angkya khünakbu! Hulax, hünzom wanghompa hünzom hato nguile ngole! Chix a zanbu to lütlaxle chuak-chongle nguingole, ikoxlechu mantsak kun kha angkya mantsaksa kho ma ngalaxle somdangle.

KAXHO MÜIKYA LUK 2:38

Ipongkhae she Zangshwom-Hom to nguilaxle Zang ang münchong kox, üntoxle Jerusalem khosün tanle ngokyabu pangnu hama she e ija naosa bama akax.

MALAKI 3:1

Khüthak Jowanpae lan: “Ku hanpakma lomtang achwon ang kue ku mwot-tsan mix tomle ajoüi. Ifüima hünzome lomle ngokya Jowanpa allele chix Zangshwom-Hom ma nguiüi. Hünzome sungle ngokya mwot-tsan mix nguilaxle ku Tsaotsüt apuküi.”

HAGAI 2:7

Jat-libu pangwüi kue asongle thoküi, ilaxle hwom tuina ikhato apüiüi, ilaxle Zangshwom-Hom a tuiza-nakome awangle changüi.

ISAIA 60:14

Hünzom to zothuple ngokya putong hwom nguiüi Ilaxle chathua zakya ahole hwom akhuxüi. Tam-a hünzom adix-adale changdaokyabue hünzom chitong ma shwomüi. Hwome hünzom ang ‘Zaion, Israel nok Otsao Zang Jowanpa tingnu’, le nyaküi,

ISAIA 9:6

Kem ang naosa tuita puxdaoa! Kem ang sasün tuita koxdaoa! Ilaxle chix a kem lompa ang changüi. Chix ang a: “Ohünotün Mongjang zukya” “Khüthak Zang”: “Oshuk chitüi Hopa”, “Tumüi Wanghompa”, le amünüi.

ISAIA 7:14

Jangchangba müihudaoa, Jowanpa chix jaoe hünzom ang mowan naxfafa: naocha tuita owa ma nao nguidongle chang üntoxle lüka naosa tuita puxlaxle ‘Immanuel’ le amünüi.

1 TIMOTHI 3:16

Kem zanglom otukux chongkya huxsa tuita hex, owaechu münchangle thüi ang münthoüi: “Chix khünak sündün ma angai, Chasae changle le aho; kaxtaimixbue ngün. Chaxwannu pangnu khato chix apuk-apua; zangfang pangkhato wüi chix to ong, ilaxle chix zangkangting to dün.”

FILIPI 3:3

Otsingtsing khwonzüt zom kopdaokyabu a hwom münchang ikoxle kwom changle, chemthüikoxle kwome Zang, chix chasa makhange shwomle ilaxle kwom khüzün tsün Khrista füi notom tüikya bama kwom ang mongmüi le. Kwome otok zom chemtochu münong.

GALATIA 6:14

Ikoxlechu ku hanpakma pi Khrista pünsak bama tix tsaichong-kaxbongüi; chemthüikoxle chix pünsak makhange chaxwannu ku zongto omang, ilaxle chaxwannu zongto ku omang.

1 KORIN 1:28

Chaxwannue okho le laxkya tha ama angkya hanpakma, chaxwannue afangle hukya hia tüta ma lax angchu münmüi le awütle thomkya Zange zünle kop.

JUHAN 16:28

Ku a Apa tokhange hüipu ilaxle chaxwannu to nguipu; ikoxle athax a kue chaxwannu dantoxüi ilaxle Apa hato paoüi.”

JUHAN 13:3

Hopae chix chak to pangnu tsakzong koxdaoa le Jisu-e awan; chix Zang tokhange nguikya changpu ilaxle chix Zang hato chat angkya changle le chixe awan.

JUHAN 8:42

Jisu-e hwom ang thüi: “Zang hünzom Hopa tsingtsing changkoxle, hünzome ku to mongkünse; chemthüikoxle ku a Zang tokhange nguikya mix tamchu athax ku ikhama ngopu, ija a ku küntsu monglua ma chichang.

JUHAN 3:13

Khünak Hosa owa zangkangting tokya nguipuix, chix boma owaechu zangkangting mangün.

JUHAN 1:14

Ija kax khünak ang achang laxle chingcha hia kaxtsinge awangle chix kem khama ngo. Hopa ang Hosa tuita wüi tüikya fuazang ningle kwome chix fuazang ngün.

KAXHO MÜIKYA LUK 18:9

Üntoxle khünak züizüi hwom lualua to atsaole ong laxle mama pangnu wüi ajaole ngokyabu füi Jisu-e ija kaxpan akax:

KAXHO MÜIKYA LUK 12:8

“Üntoxle kue hünzom ang thüipu: Owae khünaknu thüntho ma chix ku füito azuikya mix changpule ngaiüi hex, Khünak Hosaechu kaxtaimixbu thüntho ma chix hanpakma ile moküi.

KAXHO MÜIKYA LUK 10:16

Jisu-e chix wangshembu ang thüi: “Owae hünzom kax apapuix hwome ku kax apapu; ilaxle opange hünzom pongle chikop puix hwome ku pongle chikoppu; üntoxle owae ku pongle chikop laxpuix, chixe ku tsankya mix pongle chikopkya changpu.”

KAXHO MÜIKYA LUK 9:26

Khünak tuita ku hanpakma hia ku kax hanpakma jangazak thüiba, Khünak Hosa-echu Hopa fuazang ma kaxtaimixbu füi nguikya zuma chix hanpakma azaküi.

TSAITAX-NGAONÜI 1:2

Tun apongkya füi nang tunpüne ku to chwople; grepti-ju füi ngaxchu nang mongkün wüi sümüi.

MÜNCHUAK-TSAI 51:17

O Zang, puinaikya ku chasa a ku tö changpu; puinaikya hia mong alüixkya ku künmong nange pongle chikople müntüiüi.

MÜNCHUAK-TSAI 2:12

ilaxle chix chitong ma akhuxlax; chichangthüiba chix mongtsik a lebama wüi alaiüi, ilaxle nang allele ziüi. Ma kho awa ang chix hato nguikyabu pangwüi mohiman.

TSAITAX-NGAONÜI 7:13

Nange mendrek ongan atum ang tsuaküi ilaxle mongzom müikya pünziakbu pangwüi künyi fülom ma tüile. Ashem, kue nang hanpakma nange laxse khütkya ozang hia hozün pangnyi thomle.

TSAITAX-NGAONÜI 8:2

Kue nang anu hom to apüise, ikhato nange ku ang mongkün anole fase. Kue nang ang grepti-ju amüikya fase, kue homkya pomegrenet ti alingse.