TSAITAX-NGAONÜI 6:9 - OTSAO BAIBEL (BSI)

⁹ Ikoxlechu kue tuita towüi mongkün, she a tuita suosa ningle mongkünkaile. She a honu ang tuita wüi tüikya sacha, honue tüle künkak-mongkünkya nao. Shekobue she ngünlaxle noknue she achuak; wangcha hia wangnubue she achuakle tsai ngao.

TSAITAX-NGAONÜI 6:9 ပူးပေါင်းရင်းမြစ်များ

TSAITAX-NGAONÜI 2:14

Nang a longnu kangkya nuk to azwonle ngokya osu ningle. Nang sünmüisa kue ngün ang tomhüi; dingmüi-zakmale ngaokya ding-zak kue atat ang tomhüi.

TSAITAX-NGAONÜI 5:2

Chemtue ku jippuix, ku ang mong azangle ngo. Ku mongküne kahak to hongpuixta le wünmang chito ngün. Ku nop ang koxhüi, ku ashem, ku mongkün, ku suosa. Ku khang a nyenti füi shanle tüile, ilaxle ku kho a zangfwom ti füi shanle tüile.

MÜNCHUAK-TSAI 45:9

Nang khwa angkya shekobu khama wanghom sachabu tüihule, üntoxle nang tüntong tsaxchi ma wangcha ajongle tüile; she a hun likwün füi aza-apua laxle tüile.

PONGWANG LAIPEX 30:13

Anaole Liah-e thüi: “Ku ang mong huanuma müile! Athaxpi shekobue ku ang mongmüi mixcha le nyaküi.” Ilaxle she-e ija nao ang Ashar le mün kox.

GALATIA 4:26

Ikoxlechu Zangkangting füikya Jerusalem a pankya changpu, ilaxle ija a kem honu changle.

MÜNCHUAK-TSAI 126:2

Kem chemtukux nyipuix, kem chemtukux pwonlatungle tsai ngaopuix! Ipongma mixnokbue kem jat-li bama zangwünle thüi: “Hwom hanpakma Jowanpa chongkya mokdaoa!”

TSAITONG-KAXTONG 33:29

Israel, nang mong chemkuxma müipuix! Nang lailaikya owachu müntüi, Jowanpae sünle thomkya jat-li tuita a. Nang di hia changlo a Jowanpa chixjao changpu, chixe nang khosele ilaxle lütkya koxle. Nang zanpabu nang hato chingcha jule hüiüi, ilaxle nange hwom to cha füi tingle akhünüi.

HUAKE LAIPEX 23:9

Tsuathakya longnubu kho tokhange kue hwom ngün ang thole; Haxhuabu tokhange kue hwom to hungo ang thole. Hwom a matata ngokya jat-li tuita changle; Mama jat-libu to kaile hwom to mohimankya hwome awan ngole.

2 THESALONIKA 1:10

Ija a, chix khünaknu angkya fuazang kop ang üntoxle chix to ongkya chix khünakbu angkya achuak achenkya kop ang chix nguikya nyix nguiüi. Hünzom chuwüi hwom khama tüiüi, chemthüikoxle hwome akaxkya kaxho to hünzome ongdaoa.

1 WANGHOMBU 11:3

700 wangchabu bomachu Solomon-e 300 wangnuchabu lax. Ibue chix ang Zang chito tok aho ang tom,