TSAITAX-NGAONÜI 5:6 - OTSAO BAIBEL (BSI)

⁶ Kue ku mongkün hanpakma ka daple kox, ikoxle chix a chatünle bang. Kue chix zangwünsa atat-sele chemtukux anoppuix! Kue chix lomle huno, ikoxle chix a chiataktsuak; kue chix nyak, ikoxle chix chitsa.

TSAITAX-NGAONÜI 5:6 ပူးပေါင်းရင်းမြစ်များ

TSAITAX-NGAONÜI 5:2

Chemtue ku jippuix, ku ang mong azangle ngo. Ku mongküne kahak to hongpuixta le wünmang chito ngün. Ku nop ang koxhüi, ku ashem, ku mongkün, ku suosa. Ku khang a nyenti füi shanle tüile, ilaxle ku kho a zangfwom ti füi shanle tüile.

MIKNGÜN-OHÜN 3:19

Kue akünkün pangto wüi kue sapu üntoxle sikangünpu. Idaile nang mongtsulax üntoxle ochaxbu tokya mong chatlax.

MARK 14:72

Ifüima lüile O chatle ha; ilaxle Jisu-e, O anyi ma mahaba wüi, nange ku münawan le atseüi, le chix füi akaxkya kax Pitar-e texle atak. Üntoxle chix mongmaxle ozak alaile sop.

MATHI 26:75

Ijama Pitar-e chix füi Jisu-e akaxkya: “Awün O haüi thoma wüi nange ku münawan le othom azom ma tsaoüi hexo”, le thüikya kax texle atak ilaxle chix laile paolaxle mong maxle sop.

ZEKARIA 7:13

Kue akax pongma hwome ku kax to na chitha, ikhoma hwome zangjop pongma kue chilan.

HOSIA 5:15

“Hwom ochax khoma okhonguile hwome sikngün apongle machang tanto tamchu ku lomle mangui tanto kue ku khünaknu awütle thomüi. Hwom sikngün tokhange ngaxchu hwome ku lom ang cha.”

HOSIA 5:6

Hwome Jowanpa ang tö kox ang hwome chun hia maihubu apüile, ikoxlechu ijae hwom fün amüikyakha müntüi. Hwome chix chiataktsuak, chemthüikoxle chixe hwom dantox daokoxle.

MANGSOP 3:8

Fong angkya mix lomle ku zongbakle akhong, ikoxlechu Zang-e ija to mün-apapule angam;

ISAIA 58:2

Nyixfokya to hwome ku shwomle, hwome ku lomtang awansele mongtsukya akaxle ilaxle ku kaxtom kax ma laxle le thüile. Kue hwom ang sukya wanlombu koxkya hia hwome ku to shwomle chang angkya hwom mongtsule.”

ISAIA 57:16

Kue ku khünakbu ang khüzün koxpu, ilaxle kue hwom ma tsaitox-kaxfele münngoüi chichangba othuithuima hwom füi mongmale münngoüi.

ISAIA 50:2

“Ku hwom khose ang hwom hato nguikya zuma khünaknu pongzik chitüile hünzom chem ang thai? Kue nyak pongma hwome büthüikoxle chilan? Ku ma hwom khose ang zong chitüile lehia? Kaxtom tuita makhange wüi kue tinu azop ang tsuak ilaxle ti chitüile ikha angkya nyaxbu naxzi ang shuajen a sak-hax ang achang ang tsuak,

ISAIA 12:1

Khünaknue tsaingao angkya hanpak tunu nguile ngole, “Kue nang achuakpu, Jowanpa! Nang a ku füi mongtsikle ngokya, ikoxle athax nange ku mong asom ilaxle ku füi mongtsikkya chitüi.

ISAIA 8:17

Jowanpae chix a khünaknu mikngün thoto khünle thomdaoa, ikoxlechu kue chix to mongongpu tamchu monghom thompu.

TSAITAX-NGAONÜI 6:1

Sheko khama sünmüicha, nang mowünpa omaüna-o? Chix lekya lom kwom hama apuale fahüi, Chix atak angkya kwome nang to asun kuxma.

TSAITAX-NGAONÜI 5:4

Ku mongküne kahak to chix chak füi twon, ilaxle chix owüiole soxünpia le ku mong anyemle tox.

WANWÜNKAX 1:28

Ipongma hünzome je-hwon to nyaküi, ikoxlechu kue münlanüi. Hünzome ku pangnu chito lomüi, ikoxlechu hünzome ku münatak.

MÜNCHUAK-TSAI 80:4

Nang khünaknu zangjop füi nang chemtukux mongtsikle ngoüi, Khüthak Jowanpa?

MÜNCHUAK-TSAI 77:3

Chemtue kue Zang texle atakpuix, ku azak maxle; chemtue kue chix lomle changpuix, ku ang monghixle. Selah

MÜNCHUAK-TSAI 69:3

Fong angkya nyakle akhongkyakyae ku zongshole maxündai, Ilaxle ku dingdua a zanle maxngole. Nang nguilaxle ku khosünle kop angkya hanpakma kue nang tanle hungopu.

MÜNCHUAK-TSAI 30:7

Jowanpa, nang a ku zongto müihule; haxnu angkya zanhunuibu lailaile nange ku ziakop. Ikoxlechu chemtue nange ku thoto nang thün khompuix, ku ang Tüle chazale.

MÜNCHUAK-TSAI 28:1

O Jowanpa, ku khosekya mix, kue nang nyakpu. Ku sopkya zing apahüi! Nange ku kaxto chilan thüikoxle, Ku a amalum pan thaikyabu khato wom angkya changle.

2 SAMUEL 16:10

Wanghompa-e Abishai hia hotüi Joap hokhi ang thüi: “Ija a hünkhi mwot münchang. Jowanpa kax khoma chixe ku to thuakzomle changkya jangchang, ile büthüikoxle thuakzompule owae satsuak angkya?”

1 SAMUEL 28:6

ikhoma chixe chemle thüiüile Jowanpa ma tsaitik-kaxshole chang. Ikoxlechu chix zangwün to Jowanpae chemle chu chilan, wünmang chitochu chiaho, chichangba o-nan machu chidong chichangba ajebu makhangechu chiaho.

PONGWANG LAIPEX 42:28

Chixe hotüi-honao hwom nyakle akax: “Ku angpi ku ngun chatle achat koxle. Hulax, ikhama ku nyitsong kax ma tüile!” Hwom mong athomle dütle abanlaxle tata ma atüi: “Zang-e kem to chem hwonpuix?”