TSAITAX-NGAONÜI 5:2 - OTSAO BAIBEL (BSI)

² Chemtue ku jippuix, ku ang mong azangle ngo. Ku mongküne kahak to hongpuixta le wünmang chito ngün. Ku nop ang koxhüi, ku ashem, ku mongkün, ku suosa. Ku khang a nyenti füi shanle tüile, ilaxle ku kho a zangfwom ti füi shanle tüile.

TSAITAX-NGAONÜI 5:2 ပူးပေါင်းရင်းမြစ်များ

MIKNGÜN-OHÜN 3:20

Apalax! Kue fülom ma ajong laxle kahak to hongpu; owawae ku kaxzing atatlaxle ka daple jangfa thüiba, ku chix hom to noplaxle chix füi tomle fongsaxüi, üntoxle chixe ku füi tomle fong saxüi.

TSAITAX-NGAONÜI 2:14

Nang a longnu kangkya nuk to azwonle ngokya osu ningle. Nang sünmüisa kue ngün ang tomhüi; dingmüi-zakmale ngaokya ding-zak kue atat ang tomhüi.

ZEKARIA 4:1

Ku füi kaxkaxle ngokya kaxtaimix chatle ngui ilaxle jiple ngokya azwot pupu le ku azwot.

TSAITAX-NGAONÜI 6:9

Ikoxlechu kue tuita towüi mongkün, she a tuita suosa ningle mongkünkaile. She a honu ang tuita wüi tüikya sacha, honue tüle künkak-mongkünkya nao. Shekobue she ngünlaxle noknue she achuak; wangcha hia wangnubue she achuakle tsai ngao.

MÜNCHUAK-TSAI 119:1

Thaikya chitüile Jowanpa wanlom fang ma ngotsuak puix, ibu khüzün a mohiman changpu.

MATHI 8:17

Ile changkya makhange ajepa Isaia-e “Chixe kem boshokya tamchu kaklak mün thom”, le akaxkya kax kotok to ngai.

ISAIA 52:14

Chix ngünkya zuma khünaknubu huanuma abüt; chix a khünak ningle jao chingünle pope dongle tüikya.

ISAIA 50:6

Ku to chietkkyabu hato kue tok ahole kox. Hwome ku tha ajao pongma kue hwom chiabax, hwome ku khang mun file awüt pongma tamchu ku thün to thuak füi thuakle changpongma a.

TSAITAX-NGAONÜI 8:7

Ti füi ija amüt ang müntho; chemningkya tichen füichu ija to chwople chang ang chitho. Ikoxle owawae tuina füi mongkün shak ang azongle jangchang, chixe ma mong athokya boma chemchu münkop.

TSAITAX-NGAONÜI 7:9

ilaxle nang wikha a müikya grepti-ju lailai. Ifüima grepti-ju a küithole ku mowünpa hato jenle ju ang laxkox, chix tunpün-leza to jenle jule a.

TSAITAX-NGAONÜI 5:11

Chix thünza a khop-jan ningle nün wüi nün; chix kho a sham-tü-sham, okha mun lailaile nakjeple.

TSAITAX-NGAONÜI 4:9

Nang mik-hu thünzamsa, ku mongkün tamchu ku tuinu, tamchu nange alik ngokya likwaisae ku kün-mong ahuxle paodaoa.

TSAITAX-NGAONÜI 4:7

Nang sün chemkuxma müipuix, ku mongkün; nang ma jao angkya kha jao müntüi!

TSAITAX-NGAONÜI 3:1

Zangnaknakba ku fyensa ma jipkya ashem kue shimang ma ngünle lax; kue chix lomle ngo, kue chix a chiataktsuak.

TSAITAX-NGAONÜI 2:10

Ku mowünpae ku füi zangwün. Jangchangthüiba ku mongkün zui; ashem nang a ku füito oman.

TSAITAX-NGAONÜI 2:8

Kue mowünpa zing atatle. Haxnukhobu akaile chix zikle nguingole, haxhuabu akaile ku ha alop ang a.

WANWÜNKAX 23:26

Müile mongkoxle apalax, sasün, ilaxle ku tsün a nang hanpakma tuita apyen angkya ang naxchang.

MÜNCHUAK-TSAI 81:10

Ku a Jowanpa hünzom Zang changpu, Ijip nok tokya hünzom kue apüipu. Hünzome wikha lanle akahüi, ilaxle kue hünzom tuxüi.

PONGWANG LAIPEX 29:20

Rachel lax angkya kuxmale Jakop-e Laban hom ma zanglao anüt mwot mokle kox. Ibibi hanpak, Rachel tokya mongküne chix zongto nyixnyi-zom ang laxle akai.

MIKNGÜN-OHÜN 14:4

Hwom a chinunchakkai chemchu chitüi le shekobu füi atsaile ngokya tsaothakyabu changle. Chix alele chito lele hwome Chun Hosa man to. Hwom a khünaknüsa kha angkya shakle kopkyabu changle. Hwom a Zang üntoxle Chun Hosa ang pongwang ole kox angkya thom changle.

MIKNGÜN-OHÜN 3:4

Ikoxlechu Sardia ma ngokya hünzom züizüie ma nyiza tsaotha le thomtsuakle. Nyiza tsekya awunlaxle hünzom ku füi tomle ahamüi, chemthüikoxle hünzom ma ile chang ang asule tüile.

EFISIA 5:14

chemthüikoxle oja tsaotha le angaipuix, ija zangngai ang achangle. Idaile ile akaxkya tüile, “Jiple ngokya mix, zolax; üntoxle zi ngoünkya zolax, üntoxle Khrista-e nang to nyanüi.”

GALATIA 2:20

Ikhoma athax ku ozün ma ngokya a ku münchang, ikoxle kuma khüzün tüikya a Khrista changle. Ija tsün ku ozün ma ngokya a, owae ku to mongkün ilaxle ku bama chix tsün koxlaxpuix, ija Zang Hosa tokya mongonge ku ozün ma ngopu.

JUHAN 10:4

Otue chixe ibu homtho to alaipuix, chix a hwom thoma leüi, ilaxle chunbue chix man tole azuiüi, chemthüikoxle hwome chix dingzak awanle.

KAXHO MÜIKYA LUK 22:44

üntoxle chix zangmuk ti aji ningle jenle hax to düt.

KAXHO MÜIKYA LUK 9:32

Pitar hozui hwom a mikngüt müile jip ngo, ikoxle hwom zolaxle Jisu fuazangkya hia chix hama ajongle ngokya mixsün anyi ngün.

KAXHO MÜIKYA LUK 6:12

Iponge Jisu haxhua to zangjop ang dong ilaxle wünmütungle zangjople akai.

MARK 1:35

Ifüinop huazunge, zang mangaiba wüi zolaxle chix ija hom angkya laile pao ilaxle mix zing chiatatkya khato tingnu pan kaile paolaxle ikhato zangjop.

DANEL 8:18

Chix akaxle ngopongma ku a haxkha to nguak, ile ku ang khangka sam. Ikoxle chixe ku to künle kop, ku cha ma ajongle kox,

MATHI 7:8

Chemthüikoxle ajuju ang kox angkya changle; alomlome atak angkya changle; tamchu ahonghong ang ka daple fa angkya changle.

TSAITAX-NGAONÜI 1:16

Ku mowünpa, ku mongkün, nang sünmüi ning; nangetix ku ang mong amüi! Hingzang-khümox künyi fyensa changüi;

TSAITAX-NGAONÜI 5:6

Kue ku mongkün hanpakma ka daple kox, ikoxle chix a chatünle bang. Kue chix zangwünsa atat-sele chemtukux anoppuix! Kue chix lomle huno, ikoxle chix a chiataktsuak; kue chix nyak, ikoxle chix chitsa.