TSAITAX-NGAONÜI 5:16 - OTSAO BAIBEL (BSI)

¹⁶ Chix wikha füi tun apongkya tiwüi ti; chix ma tüipu pangnusae ku ang mong amüi. Ku mowünpa a ija ningle tüile, Jerusalem angkya sheko hom.

TSAITAX-NGAONÜI 5:16 ပူးပေါင်းရင်းမြစ်များ

MÜNCHUAK-TSAI 45:2

Khünak khama nang a osün amüikya mix; nang a khosam chitüile zangwünkya mix. Othuithuima Zang-e nang to mohimankya mix.

TSAITAX-NGAONÜI 7:9

ilaxle nang wikha a müikya grepti-ju lailai. Ifüima grepti-ju a küithole ku mowünpa hato jenle ju ang laxkox, chix tunpün-leza to jenle jule a.

JAKOP 4:4

Hünzom chaxwannu zuikhui ang achangkya a Zang zongto zan ang achangpu le hünzome matsing hia? Hünzome chaxwannu zuikhui ang ngose tsukya a malailai to Zang füi zan ang achangpu.

JAKOP 2:23

“Abrahame Zang to mongong, üntoxle chix mongong khoma Zange chix atsaole pongle lax”, le akaxkya Otsao Laikax changle kotok to ngai. Ikhoma Abraham ang “Zang shempa”, le nyak.

FILIPI 3:8

Ibu tata le münchang, ikoxle ija thakma akhokya thanu, oja Jowanpa Jisu Khrista bama tsingwankya hex, ija kuxmale kue pangnu wüi omüt ang laxpu. Chix kuxma kue pangwüi dantox daoa; ikoxle kue Khrista koptsuak angkya ilaxle chix füi komkaile motom angkya hanpakma, ibu awüt toxkya ku zongto chemchu münchangle texpu.

GALATIA 2:20

Ikhoma athax ku ozün ma ngokya a ku münchang, ikoxle kuma khüzün tüikya a Khrista changle. Ija tsün ku ozün ma ngokya a, owae ku to mongkün ilaxle ku bama chix tsün koxlaxpuix, ija Zang Hosa tokya mongonge ku ozün ma ngopu.

HOSIA 3:1

Jowanpae ku ang thüi: “Tamchatle paokox ilaxle ma mongkün hwom füi chinunchakkaile ngokya mixcha hato nang mongkün ahokox. Hwome mama baozangbu hato mong alople pao ilaxle grep zanbu töbu chapabu ang koxle chang koxle ngaxchu kue chizakle Israel nok to chemle mongkünpuix ija ningle nange she to mongkün angkya changpu.”

JEREMIA 15:16

Nange ku füi zangwünpu, ilaxle kue kaxfa tuita chialyetle apapu. Jowanpa Khüthak Zang, ku a nang kux changle, ikhoma nang zangwünbue mongmüi-pwonla tungle ku mongkha awangle.

JEREMIA 3:20

Ikoxlechu mongong chithomkya kakonu tuita lailaile, hünzome ku to mongong chithomtsuak. Ku, Jowanpae ija akaxdaoa.”

TSAITAX-NGAONÜI 6:3

Ku mowünpa a ku kux changpu, ilaxle ku a chix kux changpu; chixe chix chunbu lili maipuabu tham to osüt asüt ang danle.

TSAITAX-NGAONÜI 2:16

Ku mongkün a ku kux, ku a chix kux. Chixe chix chunbu lili maipua tham to tux

TSAITAX-NGAONÜI 2:3

Faonu mongto pün khama apel pünbu ningle, chamüinu hwom tu ma ku mowünnu. Ija zangkhung ma ku lüise tsule, nang ziak-jum chu ku tunza ma ti ang.

TSAITAX-NGAONÜI 2:1

Ku a Sharon ma puakya fao maipuasa, haxnucha ma puakya lili maipua.

TSAITAX-NGAONÜI 1:16

Ku mowünpa, ku mongkün, nang sünmüi ning; nangetix ku ang mong amüi! Hingzang-khümox künyi fyensa changüi;

TSAITAX-NGAONÜI 1:2

Tun apongkya füi nang tunpüne ku to chwople; grepti-ju füi ngaxchu nang mongkün wüi sümüi.

MÜNCHUAK-TSAI 148:13

Hwom pangnusae wüi Jowanpa mün achuak-achenle changkox! Chix mün mamabu pangnusa thakma achongkya changle; chix fuazangkya a chaxwan hia zangkho pangnu thak to tüile.

MÜNCHUAK-TSAI 119:103

Nange adangle fakyabu chemtukux tipuix: nax-ti füi ngaxchu sütile!

MÜNCHUAK-TSAI 89:6

Jowanpa, zangkangting to nang lailaikya owachu müntüi; ding tokya zünmok tütali chu nang füi tawüi le thüi angkya müntüi.

MÜNCHUAK-TSAI 19:10

Hun amüikya füi ngaxchu ibu wüi laxse tsule; nax-ti tsaothakya füi ngaxchu ibu wüi sütile.

2 SAMUEL 1:23

“Sol hia Jonathan nyi, mongkün chingchae awangkya nyi; ozün ma tüipongma chu tomtomle, zik machu tomtomle; ola pik to kai, chax tsak-zongto kaile.

TSAITAX-NGAONÜI 1:5

Jerusalem angkya shekobu, nakkoxlechu ku a osün müipu Kedar sak-hax angkya nyihombu ningle nakünbachu, Ku a Solomon homlo angkya tuknyinu ningle müi.

TSAITAX-NGAONÜI 4:3

Nang tunpünsa aning, haxkhi-zangsum daxzat zusa lailaile; ibu chemkuxma müipuix, nange zangwün pongma.