TSAITAX-NGAONÜI 5:13 - OTSAO BAIBEL (BSI)

¹³ Chix bwomzongsa a suihing laihinge awang laxle tüikya tuita tsawat kha ningle mongkünkaile. Chix tunpünsa a lili maipuasabu ningle, jingso ti füi ashan laxle tüi.

TSAITAX-NGAONÜI 5:13 ပူးပေါင်းရင်းမြစ်များ

TSAITAX-NGAONÜI 1:10

Nang namya makhange thalix likwünbu ningle dingkux akaile ashai jukya nang kho sünmüi wüi.

TSAITAX-NGAONÜI 6:2

Ku mongkün a chix mwonsa to kaüna, balsam pünbu nyemle tüikya khato a. Chixe chix haxtok ma chunbu ang osüt asüt ngole ilaxle lili maipuabu pakle afox ngole.

TSAITAX-NGAONÜI 2:1

Ku a Sharon ma puakya fao maipuasa, haxnucha ma puakya lili maipua.

MIKNGÜN-OHÜN 21:23

Ija tingnue she to nyan angkya zanghan hia lyetnu lax angkya chem mwot chitüi, chemthüikoxle Zang fuazangkyae ija to nyanle tüi tamchu ija ma wüntik ang Chun Hosa changle.

KAXHO MÜIKYA LUK 4:22

Üntoxle pangnue wüi chix mowün amüi, ilaxle chix tun makhange zingzama dongle akaxkya bama abüt. Ilaxle hwome thüi: “Ija a Jusep sasün münchangkox hia?”

ISAIA 50:6

Ku to chietkkyabu hato kue tok ahole kox. Hwome ku tha ajao pongma kue hwom chiabax, hwome ku khang mun file awüt pongma tamchu ku thün to thuak füi thuakle changpongma a.

TSAITAX-NGAONÜI 5:5

Ku a chix nop ang tom ang achwonle tüikya. Ku chakbu a jingso füi chwoplaxle tüikya, ku chakkhibu a jingso tibu füi shanle tüikya, kue kapatja to twonle changpongma.

TSAITAX-NGAONÜI 4:11

Nang tunpün ma tüile nax-ti ningle tikya, ku mongkün; ku zongto nang lesa a tsomti hia nax-ti jaojao changle. Nang nyiwun ma Lebanon angkya so ngane awangle.

TSAITAX-NGAONÜI 3:6

Wünkhut ajutkya ningle chemsa hüingopuix sak-haxchi tokya a, thalex mixbue hangkya ongan müikya ongan müikya jing-so ngan ma zingwüi zing namngan le?

MÜNCHUAK-TSAI 89:15

Tsai ngaokya füi nang shwom-tole changkya khünakbu chemtukuxkya mongmüi hex, nang chingcha zangngai ma ngokyabu a!

MÜNCHUAK-TSAI 45:2

Khünak khama nang a osün amüikya mix; nang a khosam chitüile zangwünkya mix. Othuithuima Zang-e nang to mohimankya mix.

MÜNCHUAK-TSAI 27:4

Kue oli tuita Jowanpa ma juüi; kue laxse texkya oli tuita a: Jowanpa hom ma tsünjangmasule ngo angkya, ikhato chix müikya bama abüt angkya, ilaxle chix ang lomzunhüile thüi angkya.

ISAIA 50:4

Kue na-juale maxngokyabu zong adün ang chem akax angkya hex, Jowanpa Khüthak Zang-e ku hama apuadaoa, Chixe ku hama anwot-anole chang angkya apale kop angkya nopfokya to ku ang mongtsukya kox.

MÜNCHUAK-TSAI 45:3

Nang changlo latkoplax, tsak-zong chongle tüikya wanghompa; nang a fuazangkya tamchu apünkya changle.

TSAITAX-NGAONÜI 1:16

Ku mowünpa, ku mongkün, nang sünmüi ning; nangetix ku ang mong amüi! Hingzang-khümox künyi fyensa changüi;