TSAITAX-NGAONÜI 5:1 - OTSAO BAIBEL (BSI)

¹ Ku a ku tsawat khato nopdaoa, ku mongkün, ku tuinu. Kue ku jingso hia otex-tsyapi athünle ngopu; kue ku nax-ti hia naxzop saxle ngopu; kue ku grepti-ju hia tsomti lingle ngopu. Saxlax, mongkün hwom, ilaxle linglax Hünzom to mongkün füi matok-matokle!

TSAITAX-NGAONÜI 5:1 ပူးပေါင်းရင်းမြစ်များ

TSAITAX-NGAONÜI 6:2

Ku mongkün a chix mwonsa to kaüna, balsam pünbu nyemle tüikya khato a. Chixe chix haxtok ma chunbu ang osüt asüt ngole ilaxle lili maipuabu pakle afox ngole.

TSAITAX-NGAONÜI 4:16

Zolax, Shuakux Zangwin. Shuathong Zangwin, jepkox ku tsawat to; zangwinsa ongan müikyae awang ang tomkox. Ku mongkün ija tsawat khato naxngui ilaxle ima tüikya pünziak sümüikya naxsax.

MIKNGÜN-OHÜN 22:17

Chasa hia Tuipa-e thüi: “oman!” Ija atatkya noknusae wüichu, thüi angkya changle, “Oman!” Oman, opangsa ang ti alan laxpuix; laxse tsukya pange wüi, ija khüzün ti, hingho ang pongle koplax.

WANWÜNKAX 9:5

“Nguihüi, ku fong saxlax ilaxle kue langkya jubu linglax.

WANGSHEMBU MWOT 11:29

Jehudi haxtok angkya tüinaobu to fong angkya hanpakma hwom mixhuak pangnue wüi mae tsuakkya apongle hingho akat angkya bama Jisu wangshembue zangwün tsuak.

JUHAN 3:29

Tuinu zongto Tuipa tix hopupa changpu; ikoxlechu tuipa hozui owae ajong laxle chix kax apale ngopuix, tuipa kaxzing atatlaxle chix mong sisi huanuma müiüi; ku mongmüi okho anguikya a ija lailaile changpu.

KAXHO MÜIKYA LUK 12:4

“Ku zuikhuibu, kue hünzom ang thüipu, owae tsangtsa lang ang tsuakpuix, ikoxle ija to akaile chemchu mok ang chitho, ibu thua taxza.

ISAIA 66:14

Hünzome chemtue ile changkya ngünüihex, hünzom ang mongmüiüi. Ijae nang tsak-zongle tamchu tsangtsa fan müile ngo ang tom. Ifüima, Jowanpa, kue ku kax ma laxle ngokyabu to kue fongle hüikya, ilaxle ku zanpabu hato ku mongtsik ahokya hünzome awanle hüiüi.”

ISAIA 65:13

Idaile kue hünzom ang thüipu, opange ku to shwompuix tamchu ku kax ma laxle tüipuix, ibu ang sax angkya hia ling angkya okhonguile tüiüi, ikoxlechu hünzom a wokno tilanle wüi ngoüi. Hwom ang mongmüile tüiüi, ikoxlechu nang a chilaxle ahaiüi.

ISAIA 61:11

Chemle suitsang daple asoklaxle tsongle hüipuix, Jowanpa Khüthak Zang-e chix khünaknu khosünle changüi, Ilaxle chaxwannu nok pangnue chix achuakle changüi.

ISAIA 58:11

Ilaxle kue hünzom jento azuiüi ilaxle müikya oli pangwüi füi hünzom ang mongzom müi ang tomüi. Kue hünzom a tsak-zongle tamchu müimüi-zangngaile ngo ang tomüi. Hünzom a ti okhonguile tüikya tsawatkha lailaile changüi, tamchu zople chipaokya shuasa jajen ningle changüi.

ISAIA 51:3

“Kue Jerusalem hato chingcha ahoüi, ija pündaokya khama ngokya pangnusa to. She haxtok a sak-hax chang koxlechu, kue ija a tsawatkha ang achangüi, Kue Eden ma zingkya tsawatkha lailaile. Künsom-mongmüi ima tüile ngoüi, ilaxle ku achuakle hia münchong fale ngaokya tsaibu a.

TSAITAX-NGAONÜI 8:13

Tsawat mong tokhange kue nang kaxzing atat ang tomhüi, ku mongkün; ku zuikhuibue nang kaxzing apa ang tanle ngole.

EFISIA 5:18

Hünzom olithu angkya jue nang to taxtok; itülüi Chasae awangle ngolax.

MATHI 25:40

Wanghome chatle lanüi: ‘Otsingtsingma kue hünzom ang thüipu: ku tüinao hixkyabu to hünzome humekya a ku to humekya changpu!’

ISAIA 53:11

Khüzün sikngünle chang füima, chix ma chatle mongsom tüiüi; chixe chix a thabi-juaba to sikngünkya münchangle awanüi. Ku to mongkoxkya da, owa füi ku mongzom müipuix, chixe noknu sikngün hünlit hünüi ilaxle chix khokho ma kue hwom ang thailak tüiüi.

ISAIA 23:18

Thalex laxle she-e kopkya ngun a Jowanpa hanpak ang atsaole danüi. She-e ija athünle münthomüi, ikoxle Jowanpa to shwomkya khünakbue hwom hanpakma laxsese süt hia nyizabu shak ang twonüi.

ISAIA 5:1

Kue ija tsai ngaopongma apalax, ku zuikhui hia chix grep haxtok tsai: Ku zuikhui ang grep haxtok tuita tüikya haxzaoe awangkya haxhua tuita ma.

TSAITAX-NGAONÜI 8:1

Nang a ku atüi namchanglaxba, ku anue she tsomti füi tuxle atsünkya mixsün a. Ifüima, tingjang lomnu to kue nang apongle jangchangba, owa mongma angkya chitüile kue nang füi tun apongle changse.

TSAITAX-NGAONÜI 6:11

Ku a almon pün tham to jule haxsha angkya pünbu to hu ang, grep-zu chuikya chakzün to hu ang tamchu pomegrenet pünpuabu to hu ang.

MÜNCHUAK-TSAI 16:3

Jowanpa to mongong tüikya khünakbu chemtukux ataxkya hex! Hwom füi ngo angkya a ku mongmüi akhokya changpu.

MÜNCHUAK-TSAI 147:11

ikoxle chix achuakle changkyabu füi chix ang mongmüile, ojao chithwonkya chix mongkün to mongong thomkyabu füi a.

KAXFÜNPA-HWOM 14:11

Chemtue Filistia noke chix ngünle laxpuix, chix füi tomle ngo ang hwome naosün hwom 30 apao.

KAXFÜNPA-HWOM 14:20

ilaxle chix kakonu a chix asom pongma zuikhui shemkhax ang laxkya mixsün ang kox.

WANWÜNKAX 24:13

Ku sa, nax-ti saxlax; ija a müile. Üntoxle otidwon angkya nax-ti nang le zongto chemle tipuix,

HWON-NWOT-JAONO 2:5

Kue küili-wüli pangwüi akiakle hia pünziak-laimobu zaile alai;

TSAITAX-NGAONÜI 1:13

Ku mongkün mowünpa ku khaxtok ma jiple hüipongma ongan müikya jing-so zing ma zingle ngan.

TSAITAX-NGAONÜI 4:8

Ku füito oman Lebanon Haxnu tokhange, ku tuinu nang; ku füito oman Lebanon tokhange. Amana Haxnukho tokya juhüi, Senir hia Hermon Haxnu nyi kho tokya a, mailang hia fuachaxbu ngwotnui tokya a.

PONGWANG LAIPEX 37:25

Hwome fongsaxle ngoponge, Gilid tokhange Ijip nok to ka angkya Ishmael nokbu ngünle lax. Hwom utbu a hum-hing hia grep zanbue awangle hünzing laxle tüikya.