8 Hwom pangwüi changtwon mankyabu; shixkya zanhok lütle hüidaokyabu. Hwom pangwüi changlo awüiwüile, zangnak zansing thoto ziakople.
Nang changlo latkoplax, tsak-zong chongle tüikya wanghompa; nang a fuazangkya tamchu apünkya changle.
“Kue ija to chizakle hule tamchu ti koxle ngoüi. Ija owaechu chiama angkya hanpakma zangnak zangngaile nyele thomüi.
Zangnak ma nang ningkya thomzün thuachu za-ngo angkya müntüi chichangba anyixningle allele hüikya zansing thua za-ngo angkyachu müntüi.
Solomon a nguingole, chix tsap ma nwonlaxle; chix nyetmix ang sün puzom, Israel nok süpahi khama sümüimüi zünlaxle.
Wanghompa Solomon a chix thungnui ma, müikya pün füi zingkya lyakho to azyale aham.
Kue shuakuxchi ma tsak-zong füikya jat-libu to lüixüi ilaxle hwom ang Babilon nok to sing ang tomüi. Hwome ija nok füi azan ang zyenthole piaüi ilaxle ija nok to lütüi. Hwome müihap mankyabu changle, ilaxle hwome hapkya sanhap otuechu münthai.
Ehud, chix jaoe sokta lokya, pangnyichi anaxkya changlo tuita zingle kop. Chixe ija changlo nyi fang to tsaxchi sam ma pyenle kop.
Ija makhange ku khünaknu süifie mwot mok ikoxle süifie, chang-pax, di hia sanhap, ibu akhyep adi laxle zanhule nui. Ilaxle kwom lompabue
ija long katuk swonle mwot mokle ngokyabu ku khünaknu to zongbakle fong. Ija katuk zai ma sütle ngokyabue ngaxchu kaochi chak füi mwot mok ikoxle kaochi chak füi chang-pax kop.