TSAITAX-NGAONÜI 3:11 - OTSAO BAIBEL (BSI)

¹¹ Zaion angkya mixchabu, wanghompa Solomon to hu ang nguilax. Chix a, chix ma wangcha apüile mongmüi atungkya nyix, honue chix khang ma sünle koxkya khohom sünlaxle tüile.

TSAITAX-NGAONÜI 3:11 ပူးပေါင်းရင်းမြစ်များ

ISAIA 62:5

Naosün tuitae chix tuinu ang naochasa laxkya ningle, Nange owae zingle alaipuix chixe wüi nang füi aju-asomle changüi. Tuipa tuitae ma tuinu füi chemle mongzom müipuix, Ija lailaile nang Zang chuwüi nang füi mongzom müiüi.

JEREMIA 2:2

Jerusalem ma tüikya pangnusa hato ija kaxho fa angkya akax: “Nang naosom pongma chemtukux mongong ma chiale le tüikya hex kue münalak, künyi aju-asomle chang tanto owangpongma nange ku to tüle mongkünkya dai; sak-hax akaile nange ku mantole azüi, thomo-manzaile chichangkya haxtok akaile a.

MIKNGÜN-OHÜN 1:7

Hulax, chix zangfwom ma nguile ngole! Noknusae chix ngünüi; Chix to pax füi tsunkyabuechu; Chaxwannu angkya khünak nok wüi, chix bama sopkya tüiüi. Ija ile changüi jao! Amen.

IBRI 13:13

Idaile, chix thünzak tom-han ang kem homtho to laihax.

MATHI 12:42

Handünchi tokya wangchanu Sheba-e ija tsünthom füi kaxfün nui to ajongüi ilaxle ija tsünthom ajaoüi; chemthüikoxle chaxwannu oshuk tokya she a Solomon hwon-je to apa ang nguipu ikoxle hulax, Solomon füi süchongkya tuita ikhama tüile.

ZEFANIA 3:17

Jowanpa nang Zang nang füi tüile; chixtsak chix ong makhange nange lüt ang tomüi. Jowanpae nang füi mongzom müikya tüiüi, ilaxle chix mongkün makhange chixe nang ang tsün hozün koxüi. Chix ang nang füi mongmüile tsaingaoüi,

MÜNCHUAK-TSAI 9:14

Jerusalem angkya khünaknu tunthoma ku ajong tsuak angkya hanpakma ilaxle kue nang achuakkya pangnu li bama hwom hama wüntho angkya hanpakma. Ku ang mongmüiüi, nange ku khosünkya hanpakma.

MIKNGÜN-OHÜN 19:12

Chix mikbu a wünle ningle tüikya, üntoxle chix khang ma khohom obiobi asün. Chix ang ija ma mün zale tüikya, ikoxlechu chix boma ija chemhex owaechu chiawan.

MIKNGÜN-OHÜN 19:7

Oman, kem mongmüi pwonlahax; keme chix chongkya achuak-hax! Chun Hosa Aju-asom ang otu nguile; ija hanpakma tuinuchu achwonle tüile.

IBRI 2:9

Ikoxlechu Jisu, owa noxtakya hanpak bama, Zange kaxtaimixbu süfang le zingkya keme ngünpuix, ija a Zang chingcha makhange chix nok hanpakma zi angkya hanpakmale changle. Chixe zikya sikngün apongle hüidaokya khoma athax a keme chix fuazang hia achuak achenkya khohom sün laxle ngün ang kople.

KOLOSI 1:18

Chix a ma tsangtsa thüikoxle müimüithom ma okhang; chix a tsangtsa khüzün otong. Pangnu li to chix tata ang pongwang lükya chifün tüi angkya hanpakma, zidaokya chatle azangle azwotkya oput wangkya nao chix changle.

JUHAN 15:11

“Ku mongmüi hünzom ma naxngo; ija a hünzom mongmüi okho angui angkya kuxma; ibibi kax kue hünzom füi akaxdaoa.

JUHAN 3:29

Tuinu zongto Tuipa tix hopupa changpu; ikoxlechu tuipa hozui owae ajong laxle chix kax apale ngopuix, tuipa kaxzing atatlaxle chix mong sisi huanuma müiüi; ku mongmüi okho anguikya a ija lailaile changpu.

KAXHO MÜIKYA LUK 15:32

Ikoxle keme mongmüi laxle fongkha angkya olom changle, chemthüikoxle hünnao zidaokya, ikoxle athax azangle tüile; chix maxle ngokya, athax chix atakdaoa.’”

JEREMIA 32:41

Hwom hanpakma müikya mwot mokkya to mongmüiüi, ilaxle kue hwom a ija haxtok ma othuithui hanpak ang ating-anokle ngo ang tomüi.

ISAIA 53:11

Khüzün sikngünle chang füima, chix ma chatle mongsom tüiüi; chixe chix a thabi-juaba to sikngünkya münchangle awanüi. Ku to mongkoxkya da, owa füi ku mongzom müipuix, chixe noknu sikngün hünlit hünüi ilaxle chix khokho ma kue hwom ang thailak tüiüi.

ISAIA 9:6

Kem ang naosa tuita puxdaoa! Kem ang sasün tuita koxdaoa! Ilaxle chix a kem lompa ang changüi. Chix ang a: “Ohünotün Mongjang zukya” “Khüthak Zang”: “Oshuk chitüi Hopa”, “Tumüi Wanghompa”, le amünüi.

ISAIA 4:4

Chix tsak-zong makhange Jowanpae ija jat-li kaxfünüi, atsaoüi ilaxle Jerusalem ochax hia ikhama thokdaokya aji sole faüi.

TSAITAX-NGAONÜI 8:5

Sak-haxchi tokya nguile ngokya chuja owahex, mongkün shem füi akün-künshi lea? Apel pünsum fang ma kue nang azwotpu, ojongkha ma nang puxpuix, ikhama a.

TSAITAX-NGAONÜI 7:11

Oman, ashem, künyipi tingtui-panja chito laile paohax ilaxle tingkhuabu to zangnak akaihax.

TSAITAX-NGAONÜI 2:7

Tsaohu, hünzom Jerusalem angkya chamüi hwome; oham tsuakkya müikhisa mün lünlaxle, kukhi mongkün sha to münpoxpu le.

TSAITAX-NGAONÜI 1:5

Jerusalem angkya shekobu, nakkoxlechu ku a osün müipu Kedar sak-hax angkya nyihombu ningle nakünbachu, Ku a Solomon homlo angkya tuknyinu ningle müi.

MÜNCHUAK-TSAI 48:11

Zaion tingnu angkya khünaknu ang mongmüi ang tomkox! Nange sukya kaxfün fakoxle; Judah angkya tingnubu ma mongmüi naxtüikox!

ZEKARIA 6:11

Hwome koxkya khop-jan hia hun makhange khohom tuita zinglax, ilaxle ija Jehozadak sasün Jihusua, Nguakho khang ma sünle laxkox.