TSAITAX-NGAONÜI 2:3 - OTSAO BAIBEL (BSI)

³ Faonu mongto pün khama apel pünbu ningle, chamüinu hwom tu ma ku mowünnu. Ija zangkhung ma ku lüise tsule, nang ziak-jum chu ku tunza ma ti ang.

TSAITAX-NGAONÜI 2:3 ပူးပေါင်းရင်းမြစ်များ

TSAITAX-NGAONÜI 8:5

Sak-haxchi tokya nguile ngokya chuja owahex, mongkün shem füi akün-künshi lea? Apel pünsum fang ma kue nang azwotpu, ojongkha ma nang puxpuix, ikhama a.

ISAIA 32:2

Hwom pangwüi zangchei-zangwat thoto khangkhom angkya pom ningle changüi. Hwom a sak-hax to jenkya shuajen ningle changüi, kohwon fato longnu tuita nuk angkya zangkhung ningle.

ISAIA 25:4

Mixshix-zasa hia chitüi-chinang khünakbu nang hato pao ilaxle sikngün pongma khangkho sün ang kople chang. Zangchei pongma nange hwom ang ngwotnui fa ilaxle zanghan huakle changpongma zangkhung fa. Zangwat zangchei lailaile mongtsik ashukkya zanpabue single hüi

IBRI 12:2

Owang tokhange oshuk kople kem mongong thomkya Jisu angkya kem mik taxachex hax. Pünsak sikngün khoma hexle chix ang mong chiatho! Itülüi, chix hanpak ang tanle ngokya mongmüi khoma, pünsak ma zikya thünzak tuita changpu le chixe chithüt, üntoxle athax chix a Zang ngwotnui tsaxchi ma thungle tüile.

EZEKEL 47:12

Shuasa kax pangnyichi ma wüi süt koxkya tuita ang saxli pünziak füikya pünbu nyemüi. Ibu pünchak otuechu dütle münpao, ilaxle ibue oziak ziakkya otuechu ahuale münngo. Ibu ma lyetfo le pünziak hozünzün ziakle ngoüi, chemthüikoxle ibu a Zangshwom-Hom makhange jenle jukya shuasae ti koxle. Pün ibue süt koxüi, ilaxle ibu pünchak ang khünaknu kak amüi ang twonüi.”

ISAIA 4:6

Chix fuazange anyixningkya zangkham pongma tingnu to oüi ilaxle zangchei hia zangwat pangnu chak tokya azangle ngo angkya onui müikya kha ang achangüi.

ISAIA 4:2

Jowanpae ija haxtok angkya pünzuabu tüle chongle tamchu osün müile tsong ang tom angkya hanpak hüile ngole. Chimaxle azangkya Israel nok pangwüi mongmüiüi ilaxle hwom haxtok ma saxkop-linglole changkya to hwom ang mong ngamüi.

TSAITAX-NGAONÜI 5:16

Chix wikha füi tun apongkya tiwüi ti; chix ma tüipu pangnusae ku ang mong amüi. Ku mowünpa a ija ningle tüile, Jerusalem angkya sheko hom.

TSAITAX-NGAONÜI 4:16

Zolax, Shuakux Zangwin. Shuathong Zangwin, jepkox ku tsawat to; zangwinsa ongan müikyae awang ang tomkox. Ku mongkün ija tsawat khato naxngui ilaxle ima tüikya pünziak sümüikya naxsax.

TSAITAX-NGAONÜI 2:5

Ku tsak-zongle chang ang tomfa, fupsa ziak ozanbu füi a ilaxle ku kodong handong ang tomfa apel jumbu füi a! Mongkün zaoe wokno jalan maxün tong.

MÜNCHUAK-TSAI 91:1

Khosün hanpakma opang Jowanpa hato paopuix, Khüthak Zang ziakop wanmong ma opang ngole tüipuix,

MÜNCHUAK-TSAI 89:6

Jowanpa, zangkangting to nang lailaikya owachu müntüi; ding tokya zünmok tütali chu nang füi tawüi le thüi angkya müntüi.

MÜNCHUAK-TSAI 57:1

Ku to chingcha hüi, O Zang, ku to chingcha hüi, chemthüikoxle ku a nang hato khosün lomle nguipu. Tüle zongkya tinu-tichap madang-madangle, nang zangkhung ma kue khosün koppu.

MÜNCHUAK-TSAI 45:2

Khünak khama nang a osün amüikya mix; nang a khosam chitüile zangwünkya mix. Othuithuima Zang-e nang to mohimankya mix.

KAXFÜNPA-HWOM 9:15

Ija huxpüne lan, ‘Hünzome ku hünzom wanghompa ang otsing tomtata ma achangse jangtsu, nguilax ilaxle ku zangkhung ma nazak laxlax. Hünzome ija to chilua, ku huxpünbu makhange wün laiüi ilaxle Lebanon angkya sedar pünbu bakle zokle ashunüi.’

TSAITAX-NGAONÜI 1:16

Ku mowünpa, ku mongkün, nang sünmüi ning; nangetix ku ang mong amüi! Hingzang-khümox künyi fyensa changüi;

TSAITAX-NGAONÜI 4:13

ikhato pünsa-zuasa wan huanuma müile. Ibu a pomegrenet pünbu küile tüikya tsawat tuita ningle ilaxle oziak amüimüi ziakle. Henna hia nard pünbu tomning awang jao awangle tüile,

TSAITAX-NGAONÜI 7:13

Nange mendrek ongan atum ang tsuaküi ilaxle mongzom müikya pünziakbu pangwüi künyi fülom ma tüile. Ashem, kue nang hanpakma nange laxse khütkya ozang hia hozün pangnyi thomle.

TSAITAX-NGAONÜI 8:11

Solomon ang grep haxtok tüile Bal Hamon le nyakkya onui ma. Chix tokhange akatkya manzai mixbu tüile, pangnusae wüi khop-jan ngunkhix ojat pong tüile.

TSAITAX-NGAONÜI 8:12

Solomon a chix tsyen hajat ngunkhix lax ang pongle kop, ilaxle manzaimixbu ang hwom tsyen ho-anyi pong kox; Ku ang ku grep haxtok tuita tüile!

JOEL 1:12

Grep zu hia fupsa pünbu komkaile zanle zidaoa; pünziak füikya pünbu pangwüi hüilaxle zidaoa. Khünaknu mongmüi a athodaoa.

MÜNCHUAK-TSAI 45:3

Nang changlo latkoplax, tsak-zong chongle tüikya wanghompa; nang a fuazangkya tamchu apünkya changle.