TSAITAX-NGAONÜI 2:16 - OTSAO BAIBEL (BSI)

¹⁶ Ku mongkün a ku kux, ku a chix kux. Chixe chix chunbu lili maipua tham to tux

TSAITAX-NGAONÜI 2:16 ပူးပေါင်းရင်းမြစ်များ

TSAITAX-NGAONÜI 6:3

Ku mowünpa a ku kux changpu, ilaxle ku a chix kux changpu; chixe chix chunbu lili maipuabu tham to osüt asüt ang danle.

TSAITAX-NGAONÜI 7:10

Ku a ku mowünpa kux changle, chixe ku to mikzalole.

MÜNCHUAK-TSAI 63:1

O Zang, nang a ku Zang changpu, ilaxle kue nang sungpu. Ku khüzün pangnue nang zaopu; zuazoxkya, shanle tamchu tizanle paoünkya haxtok lailaile, ku chasa nang zaoe dingdua zanle.

MÜNCHUAK-TSAI 48:14

“Ija Zang a othuithuima kem Zang changle; mahüikya hanpak pangnu ma chixe kem lomzunüi.”

GALATIA 2:20

Ikhoma athax ku ozün ma ngokya a ku münchang, ikoxle kuma khüzün tüikya a Khrista changle. Ija tsün ku ozün ma ngokya a, owae ku to mongkün ilaxle ku bama chix tsün koxlaxpuix, ija Zang Hosa tokya mongonge ku ozün ma ngopu.

JEREMIA 31:33

Tsaotsüt hozün kue Israel nok füi thom angkya a ija changpu: Kue ku wanlom hwom mongkha to shoüi ilaxle hwom mongtsang ma zale thomüi. Ku a hwom Zang changüi ilaxle hwom a ku khünaknu changüi.

TSAITAX-NGAONÜI 7:13

Nange mendrek ongan atum ang tsuaküi ilaxle mongzom müikya pünziakbu pangwüi künyi fülom ma tüile. Ashem, kue nang hanpakma nange laxse khütkya ozang hia hozün pangnyi thomle.

TSAITAX-NGAONÜI 4:5

Nang tsombu a tahunutsule, lili tham to otsom siple ngokya müikhisa anyi lailai.

TSAITAX-NGAONÜI 2:1

Ku a Sharon ma puakya fao maipuasa, haxnucha ma puakya lili maipua.

TSAITAX-NGAONÜI 1:7

Ku mongkün, ku hama wünhu, Nange chunzyem okao ma danüi? Senu zatzong pongma nang na oma zaküi? Mix chunzyembu khato kue nang omalax ang lomngoüi?

TSAITAX-NGAONÜI 6:2

Ku mongkün a chix mwonsa to kaüna, balsam pünbu nyemle tüikya khato a. Chixe chix haxtok ma chunbu ang osüt asüt ngole ilaxle lili maipuabu pakle afox ngole.

TSAITAX-NGAONÜI 7:11

Oman, ashem, künyipi tingtui-panja chito laile paohax ilaxle tingkhuabu to zangnak akaihax.

ZEKARIA 13:9

Ilaxle othom tuita atale tüikyabu to kue wanle anoüi ilaxle wün füi khop atsaokya lailaile kue hwom atsaoüi. Kue hwom to hun to wanle anokya ningle wanle anoüi. Ifüima hwome ku to zangjopüi, ilaxle kue hwom zangjop to lanüi. Kue hwom hama hwom a ku khünakbu changle le akaxüi, ilaxle hwomechu ku a hwom Zang changpule ngaiüi.”