TSAITAX-NGAONÜI 1:8 - OTSAO BAIBEL (BSI)

⁸ Sheko khama chamüinu, nange onui müntik hexnyi? Paolax, chunzyembu füito azuilax; chunnyetmixbu pom zui ma nange nang zwonbu ang fum atsütkox.

TSAITAX-NGAONÜI 1:8 ပူးပေါင်းရင်းမြစ်များ

TSAITAX-NGAONÜI 6:1

Sheko khama sünmüicha, nang mowünpa omaüna-o? Chix lekya lom kwom hama apuale fahüi, Chix atak angkya kwome nang to asun kuxma.

TSAITAX-NGAONÜI 5:9

Sheko khama sünmüicha, nang mowünpa a mamabu füi chixlili le hia? Kwome nang füi tsaotsütle chang angkya chix bama abüt angkya chem tüi?

1 PITAR 3:6

Sarah a iningkya mixcha tuita changkya. She-e Abraham kax ma lax ilaxle chix ang hopunu le nyak. Hünzome chem müipuix ija mok üntoxle tüta thuachu chizale jangtüi thüiba, ipongkhae she susabu ang hünzom changle.

JAKOP 5:10

Kutüi kunaohom, Jowanpa mün ma akax daokya ajepabu hünzome texle ataklax. Sikngün pongma apyen angkya bama hwom a kaxpan ang laxkox.

JAKOP 2:21

Kem hopu Abraham Zang zongto sukya ang chemle achang? Ija a zomtong ma, sasün Isak tö koxkya chix mwot makhange changle.

IBRI 13:7

Hünzom füi Zang Kaxho akaxkya, pongwang angkya hünzom lompabu taxalak. Hwom chemle ngole hüi üntoxle chemle zi, ibu to aküi le tam ajangle anolax, ilaxle hwom mong ningle chang ang azonglax.

IBRI 6:12

hünzom zaxkak mongdom le namchangbae le kwome müntex, ikoxle mongong hia adukya füi tüikyabu ningle namtüibae le texpu, ikoxle tix Zange tsaole thomkyabu kop ang tomüi.

EFISIA 5:27

Ikoxletix müimüithom tuita chixe ma ang ija sünmüimüi ma komle, tsaotha le ilaxle thaikya ojao chitüi le, ofwot chichangba münwan chemchu chitüi chichangba münasu le thüi angkya chingui-chiwangkya chemchu chitüi le koxtsuaküi.

1 KORIN 11:1

Kue chemle Khrista thüi anopuix, ilailaile hünzomechu kuthüi anolax.

JUHAN 21:15

Hwome süt saxle tsuak füima Jisu-e Simon Pitar ang thüi: “Juna sasün Simon, ijabu to nüile nange ku to künpuix nyi?” Simon Pitar-e lanle thüi: “Changpu Jowanpa, kue nang to künle le nange awan ngopu.” Jisu-e Pitar ang thüi: “Ku chun hosabu to hume kox.”

JEREMIA 6:16

Jowanpae chix khünaknu füi akax: “Lompong ma ajonglax ilaxle hulax. Kaikya lomzang hia sümüikya lomtang bama atüilax. Ija ma ahamlax, ikoxle hünzom mongsom ma ngo ang kopüi.” Ikoxle hwome thüi: “Münchang, kwome ile münmoküi!”

TSAITAX-NGAONÜI 4:10

Nang mongküne ku mongkha zang angaile, ku mongkün ku tuinu. Grep-ti füi ngaxchu nang mongkün wüi sümüi; nang ongan müikya münga a tüta ningle ongan müikya so füichu müile nganle.

TSAITAX-NGAONÜI 4:7

Nang sün chemkuxma müipuix, ku mongkün; nang ma jao angkya kha jao müntüi!

TSAITAX-NGAONÜI 4:1

Ku mowünnu sün jo chemkuxma müipuix! Khangkho nyi khung to mongkün füi nyanle, nang mik-hu ning chemkuxma müipuix. Nang shingsham le azüi, zwonzyem fütüi ningle, Gilid haxnu tokya zwonzyem juüi ningle.

TSAITAX-NGAONÜI 2:10

Ku mowünpae ku füi zangwün. Jangchangthüiba ku mongkün zui; ashem nang a ku füito oman.

TSAITAX-NGAONÜI 1:15

Ku mowünnu, nangsün chemkuxma müipuix; hupu mik-husa ma mongkün nyanle!

WANWÜNKAX 8:34

Opange ku kax ma laxpuix: opang nyixfokya to ku hom zünkai ma ku hom fülom nyele ngopuix, hwom mongmüile ngoüi.

MÜNCHUAK-TSAI 45:13

Wangchasa a wanghom homlo ma tüile: she sün a chemkuxma müipuix! She nyiwun a hun zi füi takkya changle.

MÜNCHUAK-TSAI 45:11

Nang sünmüi-johang to wanghompa ang mongzalokya tüiüi; chix a nang kakopa changle, nange chix kax ma lax angkya wüi.

MÜNCHUAK-TSAI 16:3

Jowanpa to mongong tüikya khünakbu chemtukux ataxkya hex! Hwom füi ngo angkya a ku mongmüi akhokya changpu.

JAKOP 2:25

Tsahangcha Rahap füichu ile wüi chang. Israel nok zyetmixbu she hom ma athong ang kox üntoxle mama chito khange paole hwom azang ang tomkya khoma, she mwot makhange she Zang zongto sukya ang achang.