TSAITAX-NGAONÜI 1:5 - OTSAO BAIBEL (BSI)

⁵ Jerusalem angkya shekobu, nakkoxlechu ku a osün müipu Kedar sak-hax angkya nyihombu ningle nakünbachu, Ku a Solomon homlo angkya tuknyinu ningle müi.

TSAITAX-NGAONÜI 1:5 ပူးပေါင်းရင်းမြစ်များ

2 KORIN 5:21

Ikoxle chix füi notomkya tokhange, kem, Zang otsao ma wom angkya kuxmale, ochax chitüikya Khrista, Zange ochax ang achang.

KAXHO MÜIKYA LUK 15:22

Ikoxlechu hopae dabu nyaklaxle thüi: ‘Momlax, nyiza amüimüi apüilaxle chix to awunle laxkox. Chix chakkhi ma khoptüt langle laxkox üntoxle cha ma chisox soxle laxkox.

TSAITAX-NGAONÜI 5:16

Chix wikha füi tun apongkya tiwüi ti; chix ma tüipu pangnusae ku ang mong amüi. Ku mowünpa a ija ningle tüile, Jerusalem angkya sheko hom.

TSAITAX-NGAONÜI 5:8

Jerusalem angkya shekobu, tsaotsüt-hu, hünzome ku mowünpa jangngünba, hünzome chix hama, chix sung chix zaokyae ku ashole maxngokya chix hama wünüihex-ole.

TSAITAX-NGAONÜI 2:14

Nang a longnu kangkya nuk to azwonle ngokya osu ningle. Nang sünmüisa kue ngün ang tomhüi; dingmüi-zakmale ngaokya ding-zak kue atat ang tomhüi.

TSAITAX-NGAONÜI 2:7

Tsaohu, hünzom Jerusalem angkya chamüi hwome; oham tsuakkya müikhisa mün lünlaxle, kukhi mongkün sha to münpoxpu le.

MÜNCHUAK-TSAI 120:5

Hünzom khato ngokya a Meshek ma ngokya tukuxle male chichangba Kedar nok khato ngokya tukuxle male,

ROM NOK HATO ZAKYA POL LAIZA 13:14

Ikoxle Jowanpa Jisu chang hi pax koplaxle, ilaxle chix mongtsukya, mongzom amüi ang, ochaxbu zanglom to hünzom mong ko

KAXHO MÜIKYA LUK 13:34

“Jerusalem! Jerusalem! Nange ajebu lang, nang hato Zange ahüikya kaxho mixbu longe thuple lang! Onue osabu to akhuple womkya ningle, kue nang khünaknu nok to tamle ku chake künse le texhupu; ikoxlechu hünzome ku ang ile kün ang chifa!

MATHI 22:11

“Wanghome mixwünbu to hule hüikya thoma aju-asomkya zapua chilax homtoxle mixsün tuita bang.

MATHI 10:25

Lai nao tuita nwotmix ningle tamchu da tuita hopunu ningle achang angkya mongtex sha angkya oli changle. Homkha ma akhokya ang Belzebul le jangnyakba, homkha angkya khünakbu ang tamtaikya mün oma fa angkya changle.

EZEKEL 16:14

Athukle müikya nangsün-nangjo khoma nang a pangnok-jating towüi zangle wünkya mixcha ang achang, chemthüikoxle kue nang ang ile mongkünkaile tüi angkya hanpakmale zingle amüi.” Ija a Jowanpa Khüthak Zang-e akaxkya kax changpu.

ISAIA 61:10

Jerusalem mongmüilax, Jowanpae nang bama chem mokdaopuix ija hanpakma a. She a tui to juüi naocha tuita aza-apua laxle tüikya ningle changpu. Zang-e chix to khosün hia lütkya füi awunle koxdaoa.

ISAIA 60:7

Kedar hia Nebaioth angkya chunbu Töbu ningle hünzom hato apüiüi Ilaxle Jowanpa mong amüi angkya hanpakma tö-tsap ma ibu tö koxüi. Amipongkya füi ataxle müile Jowanpae chix Zangshwom-Hom fuazangle zingüi.

TSAITAX-NGAONÜI 6:4

Ku ashem, nang a Jerusalem ningle müi, mongkünkaikya Tirzah tingnu ningle, chongkya tingnu ningle khosamsüile.

TSAITAX-NGAONÜI 4:3

Nang tunpünsa aning, haxkhi-zangsum daxzat zusa lailaile; ibu chemkuxma müipuix, nange zangwün pongma.

1 JUHAN 3:1

Hopae kem to otukux mongkün puix hulax! Kem ang Zangsu Zangsabu le nyakkya kople chix mongkün chongkya tüile; üntoxle otsing tomtata ma kem a chixsu chixsabu changle. Ikhoma chaxwannue kem owahex münawan; chemthüikoxle chaxwannue Zang owahex chitsing.

EFISIA 5:26

Tima sole atsaokya füima chix kax makhange müimüithom a Zang ang atsaole kox angkya kuxma chixe ija mok.

GALATIA 4:26

Ikoxlechu Zangkangting füikya Jerusalem a pankya changpu, ilaxle ija a kem honu changle.

ISAIA 53:2

Haxzan to tsingküi jule pün chongkya ningle chix dapa tsong angkya a Jowanpa mongtex changkya Kem ang chixsün-chixjo aho angkya hanpakma chix ma münchong hia osün chitüi. Chix bama mikzalokya oli chemchu chitüi, kem chix hato jikle ahüi fang chemchu chitüi.

TSAITAX-NGAONÜI 8:4

Tsaotsüt hu, Jerusalem angkya mixchabu, hünzome kukhi mongkün to münpoxpu-ole.

TSAITAX-NGAONÜI 3:10

Ija ochabu to khop füi li; ija tok ma hun füi nuakya nyie chwop. Ija thungnui ma baxnat nyinu füi chwop; Jerusalem tingnu angkya mixcha hwome takkya nyinu füi a.

TSAITAX-NGAONÜI 3:5

Jerusalem angkya mixcha hwome tsaohüi; oham tsuakkya müikhi müijaxbu mün lünlaxle hünzome kukhi mongkün to münpoxpuo le.

MÜNCHUAK-TSAI 149:4

Jowanpae chix khünaknu füi mongmüile; puinaile changkyabu chixe zan to lüt ang tomkya füi achuak-achenle.

MÜNCHUAK-TSAI 90:17

Jowanpa kwom Zang, nang mohiman kwom füi ngo ang tomkox. Mokkya mwottho pangnu ma kwome tho-lün ang tomhüi!

MÜNCHUAK-TSAI 45:9

Nang khwa angkya shekobu khama wanghom sachabu tüihule, üntoxle nang tüntong tsaxchi ma wangcha ajongle tüile; she a hun likwün füi aza-apua laxle tüile.

ISAIA 21:16

Ifüima Jowanpa-e ku füi akax: “Zanglao tuita ashukkya füi tomle Kedar jat-libu zaxzangle tüikya ashuküi.

EZEKEL 27:21

Arab nok hia Kedar nok apün-awangkyabue hangkya nang tui-mwotbu shak ang chun hosabu, chunbu, ilaxle zwonbu kox.