TSAITAX-NGAONÜI 1:13 - OTSAO BAIBEL (BSI)

¹³ Ku mongkün mowünpa ku khaxtok ma jiple hüipongma ongan müikya jing-so zing ma zingle ngan.

TSAITAX-NGAONÜI 1:13 ပူးပေါင်းရင်းမြစ်များ

EFISIA 3:17

üntoxle mongong makhange Khrista-e nang mongtsang ma chix ang nui zing angkya hanpakma kue zangjoppu.

JUHAN 19:39

Üntoxle Nikudema, jata Jisu hato zuile nguikya mixsün, ongan müikya so tamchu ongan müikya hathop tuak punyi bün tukux koplaxle Jusep füi tomle pao.

MÜNCHUAK-TSAI 45:8

Ongan müikya jingso hia aloi-münga a nang nyibu ma tüile; luakzongbu füi aza-apuale tüikya chongwang homlobu to tsaipabue nang apwon-asale.

TSAITAX-NGAONÜI 5:13

Chix bwomzongsa a suihing laihinge awang laxle tüikya tuita tsawat kha ningle mongkünkaile. Chix tunpünsa a lili maipuasabu ningle, jingso ti füi ashan laxle tüi.

TSAITAX-NGAONÜI 5:5

Ku a chix nop ang tom ang achwonle tüikya. Ku chakbu a jingso füi chwoplaxle tüikya, ku chakkhibu a jingso tibu füi shanle tüikya, kue kapatja to twonle changpongma.

TSAITAX-NGAONÜI 5:1

Ku a ku tsawat khato nopdaoa, ku mongkün, ku tuinu. Kue ku jingso hia otex-tsyapi athünle ngopu; kue ku nax-ti hia naxzop saxle ngopu; kue ku grepti-ju hia tsomti lingle ngopu. Saxlax, mongkün hwom, ilaxle linglax Hünzom to mongkün füi matok-matokle!

TSAITAX-NGAONÜI 4:14

saffron, pongkong, hia sinamon, chichangba jingso oli pangwüi ima tüile. Ongan müikya so hia aloi-pün ibu ikhama nyemle, ongan müikya khama ibu ma akhole.

TSAITAX-NGAONÜI 4:6

Ku a jingso tüikya haxkho ma ngoüi, ongan müikya so haxkho ma a, swomsa zangwine majep-majeple tamchu zangnak paole machang-machangle.

TSAITAX-NGAONÜI 3:5

Jerusalem angkya mixcha hwome tsaohüi; oham tsuakkya müikhi müijaxbu mün lünlaxle hünzome kukhi mongkün to münpoxpuo le.

TSAITAX-NGAONÜI 2:7

Tsaohu, hünzom Jerusalem angkya chamüi hwome; oham tsuakkya müikhisa mün lünlaxle, kukhi mongkün sha to münpoxpu le.

PONGWANG LAIPEX 43:11

Hopae hwom ang thüi: “Ija ile wüi chang angkya jangchang thüiningle hünzome Gowarnor hato hingho a kem chaxwan ma laikya oli amüikya; fupsa-zan hidaole, nax-ti hidaole, otex-tsyapi, pistachio hia almon ziak, ibu katlax.

TSAITAX-NGAONÜI 3:6

Wünkhut ajutkya ningle chemsa hüingopuix sak-haxchi tokya a, thalex mixbue hangkya ongan müikya ongan müikya jing-so ngan ma zingwüi zing namngan le?

TSAITAX-NGAONÜI 4:16

Zolax, Shuakux Zangwin. Shuathong Zangwin, jepkox ku tsawat to; zangwinsa ongan müikyae awang ang tomkox. Ku mongkün ija tsawat khato naxngui ilaxle ima tüikya pünziak sümüikya naxsax.