TITA 3:8 - OTSAO BAIBEL (BSI)

⁸ Ija kax a otsing tomtata changle. Ija bama nange onüi khünzule namwünbae le kue texpu, ikoxletix opange Zang to mongong laxpuix hwome müikya tamchu nok zongto wüi mwot ma hüikya müikya mwot mok ang hanpak fa angkya bama hwom mong ma kakle texüi.

TITA 3:8 ပူးပေါင်းရင်းမြစ်များ

TITA 3:14

Otsing tomtata ma othang odang apongkya to asun azu angkya bama, kem khünakbue müikya mwot mokle ma hanpak ashix angkya awanle kop angkya oli changle.

TITA 2:14

Müikya mwot mok ang tsuakkyabu kem opang chix kux ang ngopuix, ibu chisumüikya pangnu olom tokya azün laxle tsaotha le achang ang, chixe ma alüile kem hanpakma kox.

TITA 1:9

Lai kax otong füi notomkya mongong tangkya kaxho to chixe mongle kop angkya changle. Iningle chixe otsingtsing hwon-nwot makhange mix ang zong adün ang thoüi ilaxlechu ija füi opüima tüikyabu hama hwom thaikya kha aho ang thoüi.

TITA 3:1

Hünzom apün-awangkyabu hia apün-ada angkyabu chak to dan angkya, hwom kax ma lax angkya tamchu pangnu lom ma wüi müikya mok ang achwonle ngo angkya, ibu hünzom khünakbu hama mongto texle atak ang laxkox.

1 PITAR 1:21

Chix zidaokya chatle azang ang tom ilaxle fuazang ang tomkya Zang to hünzome chix makhange tix mongongpu; ikhoma hünzom mongong hia monghom tangthole Zang ma thompu.

1 TIMOTHI 1:15

Changpu le pongle kop angkya hia ong angkya bama: Khrista Jisu a chaxwannu to ochaxbu sün ang nguipu. Ku a hwom khama sümakya ochax khünak tuita,

ROM NOK HATO ZAKYA POL LAIZA 4:5

Ikoxle mwot chichang homtoxle khünak tuitae ma mongong tüi, owae achaxkya mix ochax ojao chitüikya ang achangle ngaikya Zang to ong, chix hanpakma Zange chix füi muamüi ang e ma laxle tokya olom a chix mongong changle.

JUHAN 12:44

Ifüima Jisu-e azaxle akax: “Owae ku to onglaxpuix, chixe ku tata to ongkya chichangle ku tsanle ajokya Apa to ongpu;

JUHAN 5:24

“Otsingtsingma kue hünzom ang thüipu, Owae ku kax atat laxpuix, ilaxle ku tomle ajokya mix to onglaxpuix, chix ma oshuk chitüikya khüzün tüile. Chix bama kaxfün angkya müntüi, zik kaile toxlaxle azang angkya ha alopüna.

FILEMON 1:11

Hanpak tuita ma nang zongto chix chilaxli khünak tuita changkya, ikoxlechu athax chix a künyi pangnyi zongto laxli ang achangle tüile.

MÜNCHUAK-TSAI 78:22

chemthüikoxle hwome chix to mongong chitüi üntoxle chixe hwom khosün ang thoüile chiong.

WANWÜNKAX 21:28

Atsekya khünake fakya mikngün-kaxkhi ma ong angkya jao müntüi, ikoxlechu ija bama zule ajangkya mix zangwün a pongle kople.

2 KORIN 4:13

Otsao Lai-e akax: “Ku mongong tüikya khoma kue akaxpu.” Ija chasa tuita mongong ma kwomechu kwom mongong tüikya khoma akaxpu.

WANGSHEMBU MWOT 12:15

Hwome she ang thüi: “Nang taxnga!” Ikoxlechu she e otsingtsing changle lewüi akax. Ikoxle hwome lan: “Ija a chix kaxtaimix nguikya changüi.”

EFISIA 4:28

Ahux mixe mix tsangtse le saxkya dandao, ilaxle mae otya ma saxlaxle ngo ang tsuakkya boma chitüi chinang to asun ang tsuakkya lima mwot mok ang sütkox.

1 TIMOTHI 2:8

Zangshwom tusox pangnu khato wüi lüka mixmüibue ochax, mongtsik hia kax ma alankya chemchu chitüi homle, otsao chak Zang hato nwonle zangjop koxle müisele kue texpu.

1 TIMOTHI 5:10

ilaxle müikya mwot mokkya khoma münmüi koplaxle tüikya mixnu tuita, owae masu masa müile atsünpuix, hom ma mixwünbu pongle koppuix, ma üitho khristanbu hato hwom tong to jokya mwot mokle ahopuix, ilaxle ma alüile müikya mwot to khünzule ngopuix, iningkya mixcha tix zomnu khato ema laxkox.

2 TIMOTHI 1:12

Ikoxle sikngün ibu athax kue apongle ngokya a ija khoma changle. Ikoxlechu athax kople ku mong chiaole wüi tüile, chemthüikoxle kue ongkya mix kue awanpu, üntoxle chixe ku ang panle thomkya nyix kople ku sünle thom angkya chixe thoüile ku monge texle.

TITA 2:7

Pangnu lom ma wüi nang a müikya zanglom saikha müile ahokya olom tuita ang chang angkya changpu. Nang hwon-nwot bama mongkoxkya tamchu khünzukya tüilax.

IBRI 10:24

Mongkün aho ang tata to fong angkya üntoxle mwot müikya mok ang tata tuitex le tüihax.

MATHI 20:4

ilaxle chixe hwom ang thüi: ‘Hünzom chuwüi ku haxtok mo ang kakox, othachu asule koxüi hex.’